完整藏文原文 · 德格版页 当前仅加载第 56 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བའི་ཆོས་ཐམས་ཅད་ལ་ཞི་བ་དང་བྲལ་བར་རྟོག་གོ། །དེས་དེ་ལྟར་བརྟགས་ནས་ཆོས་རྣམས་ཞི་བ་ཞེས་ཀྱང་བརྟག་པར་མི་བྱའོ། །མ་ཞི་བར་ཡང་བརྟག་པར་མི་བྱའོ། །བཟང་སྐྱོང་དེ་ཅིའི་ཕྱིར་ཞེ་ན། ཆོས་ཐམས་ཅད་ནི་མ་སྐྱེས་པ་དང་། ཡོངས་སུ་མ་གྲུབ་པའི་ཕྱིར་རོ། །
D133.056.0026a01.01བཟང་སྐྱོང་འདི་ལྟ་སྟེ་དཔེར་ན་སྐྱེས་བུ་ལ་ལ་ཞིག་མེ་མ་བུས་མ་འབར་བར་འདི་སྐད་དུ་བདག་གིས་མེ་འདི་ཞི་བར་བྱའོ་ཞེས་ཟེར་ན། བཟང་སྐྱོང་དེ་ཇི་སྙམ་དུ་སེམས། སྐྱེས་བུ་དེ་ཡང་དག་པར་སྨྲ་བས་སྨྲ་བ་ཡིན་ནམ། བཟང་སྐྱོང་གིས་གསོལ་པ། བཙུན་པ་བཅོམ་ལྡན་འདས་དེ་ནི་མ་ལགས་སོ། །
D133.056.0026a02.01བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་དེ་བཞིན་དུ་ཆོས་ཐམས་ཅད་མི་དམིགས་པའི་ཕྱིར་རོ། །གང་ཞིག་འདི་སྐད་དུ་འཇིག་རྟེན་གྱི་ཀུན་རྫོབ་མ་གཏོགས་པར་ང་ནི་ཆོས་ཐམས་ཅད་ཡོངས་སུ་ཤེས་པར་འགྱུར་རོ། །ང་ནི་ཆོས་ཐམས་ཅད་སྤོང་བར་འགྱུར་རོ། །ང་ནི་ཆོས་ཐམས་
D133.056.0026a03.01ཅད་མངོན་སུམ་དུ་བྱེད་པར་འགྱུར་རོ། །ང་ནི་ཆོས་ཐམས་ཅད་བསྒོམ་པར་འགྱུར་རོ། །ང་ནི་ཆོས་ཐམས་ཅད་ཞི་བར་བྱེད་པར་འགྱུར་རོ། །ང་ནི་ཆོས་ཐམས་ཅད་ཐོབ་པར་འགྱུར་རོ། །ང་ནི་རྒྱུན་ཏུ་ཞུགས་པའི་འབྲས་བུ་ཐོབ་པར་འགྱུར་རོ། །ང་ནི་ལན་ཅིག་ཕྱིར་འོང་བའི་འབྲས་བུ་ཐོབ་
D133.056.0026a04.01པར་འགྱུར་རོ། །ང་ནི་ཕྱིར་མི་འོང་བའི་འབྲས་བུ་ཐོབ་པར་འགྱུར་རོ། །ང་ནི་དགྲ་བཅོམ་པ་ཉིད་ཐོབ་པར་འགྱུར་རོ། །ང་ནི་རང་བྱང་ཆུབ་ཐོབ་པར་འགྱུར་རོ། །ང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ང་ནི་བླ་ན་མེད་པ་ཡང་དག་
D133.056.0026a05.01པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཆོས་སྟོན་པར་འགྱུར་རོ། །ང་ནི་སེམས་ཅན་རྣམས་འཁོར་བ་ལས་ཡོངས་སུ་ཐར་བར་བྱེད་པར་འགྱུར་རོ་ཞེས་ཟེར་ན་དེ་ཡང་དག་པར་སྨྲ་བས་སྨྲ་བ་ཡིན་ནམ། བཟང་སྐྱོང་གིས་གསོལ་པ། བཙུན་པ་བཅོམ་ལྡན་འདས་དེ་ནི་མ་
D133.056.0026a06.01ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་དེ་ལྟ་བས་ན་རིགས་ཀྱི་བུའམ། རིགས་ཀྱི་བུ་མོ་དག་ཡང་དག་པར་རྫོགས་པའི་བྱང་ཆུབ་འདོད་པ་དང་། རིགས་ཀྱི་བུའམ། རིགས་ཀྱི་བུ་མོ་རང་བྱང་ཆུབ་འདོད་པ་དང་། དགྲ་བཅོམ་པ་ཉིད་འདོད་པས་ཆོས་དེ་དག་ལ་དེ་
D133.056.0026a07.01