完整藏文原文 · 德格版页 当前仅加载第 56 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་ཕྲག་དོག་མེད་པ། གདུང་བ་མེད་པ། རྨུགས་པ་དང་གཉིད་དང་བྲལ་བ། སྒྲིབ་པ་རྣམས་དང་བྲལ་བ། བདག་ལ་མི་སྟོད་པ། གཞན་ལ་མི་སྨོད་པ་ཡིན་ཏེ། བཟང་སྐྱོང་ཆོས་བཞི་པོ་དེ་དག་དང་ལྡན་ན། བྱང་ཆུབ་སེམས་དཔའ་སེམས་
D133.056.0049a01.01དཔའ་ཆེན་པོ་ཏིང་ངེ་འཛིན་འདི་འཐོབ་བོ། །བཟང་སྐྱོང་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དད་པ་དང་ལྡན་པ་དང་། དང་བ་མང་བ་ཡིན། རྒན་པ་དང་། བར་མ་དང་། གཞོན་པ་རྣམས་ལ་གུས་པ་དང་བཅས། རྫེས་དང་བཅས་པ་ཡིན། བྱས་པ་ཤེས་པ་དང་བྱས་པ་
D133.056.0049a02.01གཟོ་བ་ཡིན། དེ་བྱས་པ་{ཆུང་ཟད་,ཅུང་ཟད་}ལའང་དྲིན་དུ་གཟོན་མང་པོ་ལྟ་ལ་ཅི་སྨོས། བདེན་པའི་ཚིག་ལ་གནས་ཤིང་གཞན་དུ་མི་སྨྲ་བ་ཡིན་ཏེ། བཟང་སྐྱོང་ཆོས་དེ་ལྔ་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་འདི་འཐོབ་བོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་
D133.056.0049a03.01སུ་བཅད་པ་འདི་དག་གསུངས་སོ། །ཟབ་མོའི་ཆོས་ལ་བཟོད་པ་སྐྱེད་བྱེད་ཅིང་། །འགྲོ་བ་ཐམས་ཅད་ལ་ནི་སྨོད་བྱེད་པ། །འགྲོ་བ་དྲུག་པོ་ཀུན་ཀྱང་མི་འདོད་པ། །དེ་འདྲ་དེས་ནི་ཏིང་འཛིན་མྱུར་དུ་འཐོབ། །ཕས་ཀྱི་རྒོལ་བ་ཀུན་ལ་མི་རྟེན་ཅིང་། །གསང་ཚིག་ཉན་པར་མི་བྱེད་ག་ལ་འཛིན། །
D133.056.0049a04.01འདོད་པའི་ཡོན་ཏན་ལྔས་ནི་སྐྱོ་བར་གྱུར། །དེ་འདྲ་དེས་ནི་ཏིང་འཛིན་མྱུར་དུ་ཐོབ། །ཚུལ་ཁྲིམས་རྣམ་དག་ཚངས་པར་སྤྱོད་གནས་ཏེ། །བུད་མེད་ལ་ནི་ནམས་ཀྱང་རྟོག་མི་སྐྱེད། །འདོད་ཆགས་སྤངས་ཤིང་བདེ་གཤེགས་སྲས་གྱུར་པ། །དེ་འདྲ་དེས་ནི་ཏིང་འཛིན་མྱུར་དུ་ཐོབ། །རྣམ་སྨིན་མི་
D133.056.0049a05.01རེ་བར་ནི་སྦྱིན་པ་སྦྱིན། །རྟེན་པ་མེད་པར་བྱིན་ནས་མི་གདུང་ཞིང་། །སངས་རྒྱས་ཡེ་ཤེས་རེག་བྱ་མ་གཏོགས་པར། །སྦྱིན་པ་སྦྱིན་ནས་སྨོན་པ་{ཆུང་ཟད་,ཅུང་ཟད་}མེད། །སེམས་ཅན་སྙིང་བརྩེའི་ཕྱིར་ནི་སྦྱིན་བྱིན་ནས། །མྱ་ངན་བྱེད་པ་མེད་ཅིང་འགྱོད་པ་མེད། །སྦྱིན་དང་དུལ་དང་བསྡམས་ལ་
D133.056.0049a06.01རྟག་ཏུ་གནས། །དེ་འདྲ་དེས་ནི་ཏིང་འཛིན་འདི་རྙེད་འགྱུར། །གང་ཞིག་འཇུངས་མེད་སྦྱིན་བདག་སྦྱིན་བྱེད་པ། །གྱ་ནོམ་པ་དང་ཡིད་འོང་སྦྱིན་པ་བྱིན། །བྱིན་ནས་དེ་ནི་ཡིད་ཀྱང་དགའ་བར་འགྱུར། །དེ་འདྲ་དེས་ནི་ཏིང་འཛིན་འདི་རྙེད་འགྱུར། །བདེ་གཤེགས་གསུངས་པ་ཟབ་ཅིང་ཞི་བ་
D133.056.0049a07.01