完整藏文原文 · 德格版页 当前仅加载第 56 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྣམས་ལ་དབུལ་བར་ཕུལ་ན། དེ་གཞི་དེ་ལས་བསོད་ནམས་མང་དུ་སྐྱེད་དམ། གསོལ་པ། བཙུན་པ་བཅོམ་ལྡན་འདས་མང་ལགས་སོ། །བཙུན་པ་བདེ་བར་གཤེགས་པ་མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་ཁྱོད་མོས་པར་བྱའོ། །
D133.056.0023a01.01ཁྱོད་ཀྱིས་ཁོང་དུ་ཆུད་པར་བྱའོ། །བཟང་སྐྱོང་ཡང་རིགས་ཀྱི་བུའམ། རིགས་ཀྱི་བུ་མོ་གང་གིས་དེ་སྙེད་ཀྱི་སངས་རྒྱས་ཀྱི་ཞིང་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ། དེ་བཞིན་གཤེགས་པ་ལ་དབུལ་བར་ཕུལ་བ་བས། བཟང་སྐྱོང་རིགས་ཀྱི་བུའམ་རིགས་ཀྱི་བུ་མོ་གང་གིས་ད་ལྟར་གྱི་སངས་རྒྱས་
D133.056.0023a02.01མངོན་སུམ་དུ་བཞུགས་པའི་བྱང་ཆུབ་སེམས་དཔའི་ཏིང་ངེ་འཛིན་འདི་ཐོས་ནས་རྟོག་པར་བྱེད། མངོན་པར་དད་པར་བྱེད། ཡིད་ཆེས་པར་བྱེད། མོས་པར་བྱེད་ལ་བརྟགས་ཤིང་མངོན་པར་དད་དེ། ཡིད་ཆེས་ཤིང་མོས་པར་བྱས་ནས་ཀྱང་འཛིན་པར་བྱེད། ཀུན་ཆུབ་པར་བྱེད། འཆང་བར་
D133.056.0023a03.01བྱེད། ཀློག་པར་བྱེད། ཡི་གེར་འདྲི་བར་བྱེད་ཅིང་གཞན་དག་ལ་ཡང་རྒྱ་ཆེར་འཆད་པར་བྱེད། སྟོན་པར་བྱེད། ཡང་དག་པར་འཆད་པར་བྱེད་ན། དགེ་བའི་རྩ་བ་སྔ་མ་བས་རིགས་ཀྱི་བུའམ་རིགས་ཀྱི་བུ་མོ་འདིའི་བསོད་ནམས་ཀྱི་ཕུང་པོ་ཆེས་མང་དུ་སྐྱེད་ན། གང་ཞིག་ཐ་ན་བ་འཇོས་
D133.056.0023a04.01ཙམ་ཞིག་བསྒོམ་པའི་སྦྱོར་བ་ལ་བརྩོན་པར་གནས་པ་ལྟ་ཅི་སྨོས། བཟང་སྐྱོང་གང་ཞིག་ཏིང་ངེ་འཛིན་འདི་ཐོས་ནས་འཛིན་པར་འགྱུར། ཀུན་ཆུབ་པར་བྱེད་པར་འགྱུར། འཆང་བར་འགྱུར། ཀློག་པར་འགྱུར། ཡི་གེར་འདྲི་བར་འགྱུར་ཞིང་། གཞན་དག་ལ་ཡང་རྒྱ་ཆེར་གོ་བར་བྱེད། སྟོན་
D133.056.0023a05.01པར་བྱེད། ཡང་དག་པར་འཆད་པར་བྱེད་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་གི་བསོད་ནམས་ཀྱི་ཕུང་པོ་དེའི་ཚད་ཀྱང་ང་མི་སྨྲ་ན། བཟང་སྐྱོང་རིགས་ཀྱི་བུའམ། རིགས་ཀྱི་བུ་མོ་གང་ཏིང་ངེ་འཛིན་འདི་བསྒྲུབས་ཏེ་དེ་བཞིན་ཉིད་དུ་སློབ་ཅིང་དེ་བཞིན་ཉིད་དུ་ནན་ཏན་བྱེད་པ་ལྟ་ཅི་སྨོས།
D133.056.0023a06.01དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སྟོང་ཆེན་པོ་ཡི་འཇིག་རྟེན་ཁམས་འདི་དག །རིན་ཆེན་བཀང་སྟེ་སྦྱིན་པ་བྱིན་པ་ནི། །དེ་ཡི་འབྲས་བུ་ཆུང་བར་སྨྲའོ། །གང་གིས་ཆོས་འདི་འདྲ་བ་ཐོས་པ་དང་། །བསོད་ནམས་མང་འདོད་བྱང་ཆུབ་སེམས་དཔའ་གང་། །
D133.056.0023a07.01