完整藏文原文 · 德格版页 当前仅加载第 56 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །འདི་འཛིན་པ་ཡི་དགེ་སློང་དེ་བཙལ་ཏེ། །མཐོང་ནས་རབ་ཏུ་བྱུང་བ་དེ་ལས་ནི། །འདི་ཉིད་ལན་འགའ་ཐོས་ལྟ་སྲིད་དམ་ཞེས། །སྟོང་ཕྲག་དྲུག་ཅུ་རྩ་དྲུག་ལོ་ཚང་བར། །ངས་ནི་དགེ་སློང་དེ་ལ་དགའ་བས་བཀུར། །བདུད་ཀྱིས་བྱིན་གྱིས་བརླབས་པར་གྱུར་པའི་ཕྱིར། །ལན་འགའ་ཙམ་
D133.056.0064b01.01ཡང་ཐོས་པར་མ་གྱུར་ཏེ། །དེ་ཕྱིར་དགེ་སློང་རྣམས་དང་དགེ་སློང་མ། །དགེ་བསྙེན་དག་དང་དགེ་བསྙེན་མ་རྣམས་ལ། །ཏིང་འཛིན་ཐོས་ནས་མྱུར་དུ་ཟུང་ཤིག་ཅེས། །མོས་པར་བྱེད་ཅིང་ཁོང་དུ་ཆུད་པར་བྱེད། །དེར་ནི་བསྐལ་པ་ཚང་བར་འདུག་ནས་ཀྱང་། །ཏིང་འཛིན་འཛིན་པ་དེ་ནི་བསྙེན་ཅིང་
D133.056.0064b02.01བསྟེན། །བསྐལ་པ་སྟོང་དུ་ལེགས་པར་བསྙེན་བཀུར་བྱས། །དེས་ནི་ཏིང་འཛིན་འདི་ཡང་བཤད་པར་གྱུར། །ཏིང་འཛིན་རྡུལ་མེད་འདི་ལ་རབ་སྤྱོད་པའི། །དགེ་སློང་གྲོང་དུ་སློང་བ་དེ་ཉིད་ལ། །བཟའ་བ་དང་ནི་བཅའ་དང་མལ་ཆ་དང་། །དེ་བཞིན་གོས་ཀྱང་བྱེ་བ་བྱིན་པར་གྱུར། །བཅའ་དང་
D133.056.0064b03.01བཟའ་དང་མལ་སྟན་དེ་བཞིན་གོས། །མང་པོ་བྱེ་བ་ཐམས་ཅད་ལྟ་ཡང་ཞོག །གལ་ཏེ་རང་གི་ཤ་བྱིན་ཐོབ་ན་ནི། །ལེགས་སྤྱད་ཡིན་ན་ཟས་སྐོམ་སྨོས་ཅི་དགོས། །རྟག་ཏུ་བྲན་གྱུར་བསྙེན་བཀུར་བྱེད་ཅིང་ནི། །ཏིང་འཛིན་ཞི་བ་འདི་ཡང་ཚོལ་བྱེད་ལ། །མཁས་པས་རྙེད་ནས་དེ་ཡང་མྱུར་བྱེད་
D133.056.0064b04.01ཀྱང་། །དེ་ལ་བྱས་པ་གཟོ་བ་མ་ཡིན་ནོ། །བསྐལ་པ་མང་པོ་བྱེ་བར་བཙལ་ཀྱང་ནི། །ཏིང་འཛིན་འདི་ནི་ཤིན་ཏུ་རྙེད་པར་དཀའ། །འདི་ཡི་སྒྲ་ཡང་བརྒྱ་ལམ་ཐོས་འགྱུར་ན། །ཁ་ཏོན་བྱས་ནས་སྟོན་པ་སྨོས་ཅི་དགོས། །གང་གིས་གང་གཱའི་བྱེ་སྙེད་འཇིག་རྟེན་ཁམས། །རིན་པོ་ཆེས་ནི་བཀང་སྟེ་
D133.056.0064b05.01བྱིན་པ་བས། །གང་ཞིག་འདི་ལས་ཚིགས་བཅད་འགའ་ལུང་མནོས། །དེ་ཡི་བསོད་ནམས་ཚད་གཟུང་མི་སླའོ། །བསྐལ་པ་བྱེ་བ་གང་གཱའི་བྱེ་སྙེད་དུ། །གང་རྟག་བརྩོན་འགྲུས་བརྩམས་ཏེ་གནས་པ་བས། །གང་ཞིག་འདི་ལས་ཚིགས་བཅད་འགའ་ལུང་མནོས། །དེ་ཡི་བསོད་
D133.056.0064b06.01ནམས་ཚད་གཟུང་མི་སླའོ། །བསྐལ་པ་བྱེ་བ་གང་གཱའི་བྱེ་སྙེད་དུ། །གང་རྟག་མི་རྟེན་བསམ་གཏན་སྒོམ་པ་བས། །གང་ཞིག་འདི་ལས་ཚིགས་བཅད་འགའ་ལུང་མནོས། །དེ་ཡི་བསོད་ནམས་ཚད་གཟུང་མི་སླའོ། །བསྐལ་པ་བྱེ་བ་གང་གཱའི་བྱེ་སྙེད་དུ། །གང་རྟག་ཤེས་རབ་གནས་
D133.056.0064b07.01