完整藏文原文 · 德格版页 当前仅加载第 56 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
སམ། །མ་བྱོན་དག་ལའང་བསྙེན་བཀུར་བྱས་པར་འགྱུར། །མོས་པར་བྱ་ཞིང་ཁོང་དུ་ཆུད་པར་བྱ། །བག་ཡོད་པར་ནི་བརྩོན་འགྲུས་བརྩམ་པར་བྱོས། །དགའ་བའི་སེམས་ཀྱིས་བརྟན་པར་སྦྱོར་བར་བྱོས། །ཏིང་འཛིན་འདི་ནི་རྙེད་པར་དཀའ་མི་འགྱུར། །ཏིང་འཛིན་འདི་ནི་
D133.056.0024a01.01ཡོངས་སུ་འདྲི་བྱེད་ན། །དེས་ནི་རྒྱལ་བ་བརྒྱ་ཡང་མཉེས་པར་བྱས། །གང་ཞིག་ཕྱི་དུས་འཇིགས་བྱེད་ཆེན་པོའི་ཚེ། །ཏིང་འཛིན་ཐོས་ནས་མངོན་པར་དད་བྱེད་པ། །དེས་ནི་ང་དང་དགེ་སློང་འདི་དག་དང་། །ཁྱིམ་བདག་བཟང་སྐྱོང་ཁྱོད་ཀྱང་མཐོང་བ་ཡིན། །གང་ཞིག་ཏིང་འཛིན་ཞི་བ་འཕགས་
D133.056.0024a02.01པ་འདི། །དང་བའི་སེམས་ཀྱིས་གཞན་ལ་རྗོད་བྱེད་ཅིང་། །ཏིང་འཛིན་ཆེན་པོ་འདི་ནི་ཐོབ་གྱུར་ན། །བྱང་ཆུབ་སེམས་དཔའ་མང་དུ་ཐོས་ཞེས་བྱ། །འདི་ནི་སངས་རྒྱས་ཀུན་གྱིས་འཐུན་པར་བསྔགས། །ཐོས་ཀུན་སངས་རྒྱས་བྱང་ཆུབ་ཏུ་ཡང་བསྐྱེད། །སངས་རྒྱས་ཀྱིས་གནང་མཁས་པས་
D133.056.0024a03.01བསྔགས་པ་ཡི། །ཏིང་འཛིན་འདི་ནི་ཤིན་ཏུ་གོམས་བྱས་ན། །ཇི་ལྟར་གནང་ཞིང་བདེ་གཤེགས་ཀྱིས་བསྔགས་པའི། །ཐོས་པའི་རིགས་ནི་རབ་ཏུ་ཐོས་པར་འགྱུར། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་བདུན་པའོ།། །།བཟང་སྐྱོང་དེ་ལ་བྱང་ཆུབ་སེམས་
D133.056.0024a04.01དཔའ་སེམས་དཔའ་ཆེན་པོའི་ཏིང་ངེ་འཛིན་འདི་ཇི་ལྟར་བསྒོམ་པར་བྱ་ཞེ་ན། བཟང་སྐྱོང་འདི་ལྟ་སྟེ་དཔེར་ན་ང་ད་ལྟར་ཁྱོད་ཀྱི་མདུན་ན་འདུག་ཅིང་ཆོས་སྟོན་པ་དེ་བཞིན་དུ་བཟང་སྐྱོང་བྱང་ཆུབ་སེམས་དཔའས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་སངས་རྒྱས་ཀྱི་
D133.056.0024a05.01གདན་ལ་བཞུགས་ཤིང་ཆོས་སྟོན་པར་ཡང་ཡིད་ལ་བྱའོ། །དེས་རྣམ་པ་ཐམས་ཅད་ཀྱི་མཆོག་དང་ལྡན་པ། གཟུགས་བཟང་བ། མཛེས་པ། བལྟ་ན་སྡུག་པ་སྐུ་ཡོངས་སུ་གྲུབ་པ་དང་ལྡན་པར་དེ་བཞིན་གཤེགས་པ་རྣམས་ཡིད་ལ་བྱའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་
D133.056.0024a06.01རྫོགས་པའི་སངས་རྒྱས་ཀྱི་སྐུ་སྐྱེས་བུ་ཆེན་པོའི་མཚན་རེ་རེ་ཡང་བསོད་ནམས་བརྒྱས་བསྐྱེད་པར་བལྟའོ། །མཚན་མ་རྣམས་ཀྱང་གཟུང་བར་བྱའོ། །སྤྱི་གཙུག་བལྟར་མི་མཐོང་བ་ཡང་ཡོངས་སུ་ཞུ་བར་བྱའོ། །ཞུས་ནས་ཀྱང་སྐྱེས་བུ་ཆེན་པོའི་མཚན་རྣམས་ཀྱི་མཚན་མ་རྣམས་ཀྱང་གཟུང་
D133.056.0024a07.01