完整藏文原文 · 德格版页 当前仅加载第 56 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པ་ནི་བཟང་སྐྱོང་ཁྱོད་མོས་པར་བྱ་ཁྱོད་ཀྱིས་ཁོང་དུ་ཆུད་པར་བྱ་སྟེ། བྱང་ཆུབ་སེམས་དཔའ་དེ་ནི་ཏིང་ངེ་འཛིན་འདི་ཉིད་ཚོལ་བའི་དགེ་བའི་རྩ་བ་དང་། ཆོས་དོན་དུ་གཉེར་བའི་དགེ་བའི་རྩ་བ་དང་ཆོས་འདོད་པའི་དགེ་བའི་རྩ་བ་དང་། བརྩོན་འགྲུས་བརྩམས་པའི་དགེ་བའི་རྩ་བས་བླ་ན་མེད་པ་ཡང་
D133.056.0063b01.01དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཡིན་པར་རིག་པར་བྱ་ན། བཟང་སྐྱོང་བྱང་ཆུབ་སེམས་དཔའ་གང་ཏིང་ངེ་འཛིན་འདི་ལུང་ནོད་པར་བྱེད། ཀུན་ཆུབ་པར་བྱེད། འཆང་བར་བྱེད། ཀློག་པར་བྱེད་ལ། ལུང་མནོད་པ་དང་། ཀུན་ཆུབ་པར་བྱ་བ་དང་། བཅང་བར་བྱ་བ་དང་། བཀླག་པར་བྱས་
D133.056.0063b02.01ནས་ཀྱང་གཞན་དག་ལ་སྟོན་པར་བྱེད། སྒྲོགས་པར་བྱེད། ཡང་དག་པར་སྒྲོགས་པར་བྱེད་ཅིང་བསྒོམ་པའི་སྦྱོར་བ་ལ་བརྩོན་པར་གནས་པ་ལྟ་སྨོས་ཀྱང་ཅི་དགོས་དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སྔོན་གྱི་དེ་བཞིན་གཤེགས་པ་མི་ཡི་མཆོག །སེང་གེ་བློ་
D133.056.0063b03.01གྲོས་ཞེས་བྱ་རྗེས་དྲན་ཏེ། །དེར་ནི་མི་ཡི་དབང་པོ་རྒྱལ་པོ་དེས། །ཏིང་འཛིན་འདི་ནི་དེ་ཚེ་ཐོས་པར་གྱུར། །རྒྱལ་པོས་ཏིང་འཛིན་འདི་ནི་ཐོས་ནས་ཀྱང་། །སེམས་མགུ་དགའ་བ་དཔེ་མེད་པས་བཟུང་སྟེ། །མི་མཆོག་སངས་རྒྱས་སེང་གེའི་བློ་གྲོས་ལ། །སྤར་གང་གི་ནི་རིན་པོ་ཆེ་ས་ཀྱང་གཏོར། །
D133.056.0063b04.01བཅོམ་ལྡན་འདས་ཀྱིས་ལེགས་གསུངས་ཏིང་འཛིན་འདི། །སེམས་ཅན་ཐམས་ཅད་ལ་ནི་ཕན་པར་ཤོག །ཁྱོད་ལ་སྐྱབས་སུ་དེ་རིང་མཆིའོ་ཞེས། །དེ་སྙམ་བསམས་ནས་ཚིག་ཏུའང་བརྗོད་པར་གྱུར། །རྒྱལ་པོ་དེ་ནི་དེ་ཡི་ལས་ཀྱིས་ནི། །ཤི་ནས་དེ་ཉིད་དུ་ནི་ཡང་སྐྱེས་ཏེ། །དེས་ནི་དགེ་
D133.056.0063b05.01སློང་རིན་ཆེན་ཞེས་བྱ་བར། །ཕྱོགས་སུ་གྲགས་པ་མཐུ་ཆེན་མཐོང་བར་གྱུར། །དེ་ལས་དེ་ཉིད་ཀྱང་ནི་ཐོས་གྱུར་ཏེ། །ཐོས་ནས་དགའ་བ་ཤིན་ཏུ་རྒྱས་པ་སྐྱེད། །བསྐྱེད་ནས་བྱང་ཆུབ་ཞུགས་པ་དགའ་གྱུར་ཏེ། །གསེར་དང་གོས་ཀྱིས་དགེ་སློང་དགབ་བྱས་ནས། །དེ་ནི་ཏིང་འཛིན་འདི་ཡང་འདོད་
D133.056.0063b06.01པའི་ཕྱིར། །སྲོག་ཆགས་སྟོང་དང་ལྷན་ཅིག་རབ་ཏུ་བྱུང་། །ལོ་ནི་སྟོང་ཕྲག་བརྒྱ་སྙེད་ཚང་བར་ཡང་། །དེ་དག་ཀུན་གྱི་དགེ་སློང་དེ་ཕྱིར་འབྲངས། །ཐོས་པ་རྒྱ་མཚོ་ལྟ་བུའི་ཏིང་འཛིན་འདི། །ལན་གཉིས་མ་ཡིན་ལན་གཅིག་ཁོ་ན་ཐོས། །དེ་ཡི་དྲན་པ་སྐྱོ་བ་མ་སྐྱེས་ཤིང་། །ཏིང་འཛིན་ཞི་བ་འདི་ནི་
D133.056.0063b07.01