完整藏文原文 · 德格版页 当前仅加载第 56 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ལ་ཆོས་རྣམས་མངོན་སུམ་དུ་འགྱུར་ཏེ། དེ་ཡིད་ལ་བྱས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་གྱི་ཀ་བ་བརྒྱན་པ་ལྟ་བུ། འོད་ཟེར་གྱི་རྒྱལ་པོ་མངོན་པར་འཕགས་པ་ལྟ་བུ། ཟླ་བ་ཉ་བ་སྐར་མས་བསྐོར་བ་ལྟ་བུ། འཁོར་
D133.056.0052a01.01ལོས་སྒྱུར་བའི་རྒྱལ་པོ་སྟོབས་ཀྱི་ཚོགས་ཀྱིས་བསྐོར་བ་ལྟ་བུ། ཚངས་པ་ཚངས་པའི་འཇིག་རྟེན་ན་ཚངས་པའི་སྟན་ལ་འདུག་པ་ལྟ་བུ། ལྷའི་རྒྱལ་པོ་བརྒྱ་བྱིན་སུམ་ཅུ་རྩ་གསུམ་པའི་ལྷས་བསྐོར་བ་ལྟ་བུ། རི་ཡི་རྩེ་མོ་ལ་མེ་འབར་བ་ལྟ་བུ། སྨན་པའི་རྒྱལ་པོ་སྨན་གཏོང་བ་ལྟ་བུ། {རི་དགས་,རི་དྭགས་}
D133.056.0052a02.01ཀྱི་རྒྱལ་པོ་སེང་གེ་རལ་པ་ཅན་འཇིགས་པ་མེད་པར་ཝ་ཐམས་ཅད་སྐྲག་པར་བྱེད་པ་ལྟ་བུ། ངང་པའི་མཆོག་བར་སྣང་ལ་འཕུར་བ་ལྟ་བུ། རིའི་རྒྱལ་པོ་རི་རབ་རྒྱ་མཚོའི་ནང་ནས་མངོན་པར་འཕགས་པ་ལྟ་བུ། རིའི་རྒྱལ་པོ་གངས་རི་མེ་ཏོག་དང་སྨན་ཐམས་ཅད་ཡོངས་སུ་རྒྱས་པ་ལྟ་བུ། རི་ཁོར་
D133.056.0052a03.01ཡུག་རླུང་གི་བུ་ལས་སྐྱེས་པས་འཛིན་ཅིང་འགྲེང་བ་ལྟ་བུ། རླུང་གི་ཕུང་པོ་ས་ཆུའི་ཕུང་པོ་འཛིན་པ་ལྟ་བུ། ཆུའི་ཕུང་པོས་སའི་ཕུང་པོ་འཛིན་པ་ལྟ་བུར་མཐོང་ངོ་། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །རི་རབ་ཀྱི་ནི་རྩེ་མཛེས་པ། །དྲི་མེད་དྲི་
D133.056.0052a04.01མ་བྲལ་ཞིང་དག །ནམ་མཁའ་དང་ནི་མཉམ་ཞིང་འདྲ། །ལྷ་རྣམས་ཀྱིས་ནི་རབ་ཏུ་བརྒྱན། །བཟང་སྐྱོང་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གཟི་བརྗིད་དང་། དཔལ་གྱིས་སྟོང་
D133.056.0052a05.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ། ལྷམ་མེ་ལྷན་ནེ་ལྷང་ངེར་དམིགས་པར་བྱས་ཏེ། མཐོང་ཞིང་ཆོས་འཆད་པའང་ཐོས་པར་འགྱུར་རོ། །ཐོས་ནས་ཀྱང་འཛིན་པར་བྱེད། ཀུན་ཆུབ་པར་བྱེད། །འཆང་བར་བྱེད་དེ། །བྱང་ཆུབ་སེམས་དཔའ་དེ་ཏིང་ངེ་འཛིན་འདི་
D133.056.0052a06.01ལས་ལངས་ནས་ཀྱང་། ཆོས་ཇི་སྐད་དུ་ཐོས་པ་དང་། ཇི་ལྟར་བཟུང་བ་དང་། ཇི་ལྟར་ཀུན་ཆུབ་པར་བྱས་པ་བཞིན་དུ་གཞན་དག་ལའང་རྒྱ་ཆེར་སྟོན་པར་འགྱུར། འཆད་པར་འགྱུར་རོ། །བཟང་སྐྱོང་དེ་ལྟར་ཏིང་ངེ་འཛིན་འདི་ནི། བྱང་ཆུབ་སེམས་དཔའ་རྣམས་ལ་ཕན་འདོགས་པ་མང་དུ་བྱེད་
D133.056.0052a07.01