完整藏文原文 · 德格版页 当前仅加载第 56 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པའི་ཡོན་ཏན་མཐའ་ཡས་ལ་གནས་པ། །དེ་ཡི་ཡོན་ཏན་འཇིག་རྟེན་མགོན་པོས་མཁྱེན། །གང་དག་ཟག་པ་མེད་པའི་ཆོས་ཤེས་ཤིང་། །ཤིན་ཏུ་ཚུལ་བཞིན་ཟག་པ་རྣམས་ཀྱང་ཤེས། །རྟོག་པ་མེད་སྤྱོད་མཉམ་པ་ཉིད་གནས་པ། །དེ་དག་ཏིང་འཛིན་འདི་ལ་བརྟག་བརྩོན་ཡིན། །
D133.056.0067b01.01གང་དག་བདེ་གཤེགས་ཆོས་ནི་ཚད་མེད་ལ། །ཤེས་བཞིན་དུ་ཡང་ཀུན་ཏུ་སྨོན་པ་འདེབས་ཤིང་། །ཀུན་མཁྱེན་ཡེ་ཤེས་ལ་ནི་བརྟན་གནས་པ། །དེ་ལ་ཏིང་འཛིན་ཞི་བ་འདི་སྟོན་ཏོ། །མཚན་ཉིད་མེད་ཅིང་མཚན་ཉིད་ལས་ཀྱང་འདས། །ཉོན་མོངས་པ་དང་རྣམ་དག་གང་ཡང་མེད། །རང་བཞིན་
D133.056.0067b02.01སྟོང་པའི་ཆོས་རྣམས་གང་ཤེས་པ། །དེ་དག་བདེ་བར་གཤེགས་པ་ཚད་མེད་མཐོང་། །གང་ཞིག་དམིགས་པ་མཐའ་མེད་བརྩོན་བྱེད་ཀྱང་། །དམིགས་པ་ཐམས་ཅད་སྟོང་པ་ཉིད་དུ་ཤེས། །བལྟ་བར་དཀའ་དག་མཐོང་ནས་རློམ་སེམས་མེད། །དེས་ནི་བདེ་བར་གཤེགས་པ་ཚད་མེད་མཐོང་། །གང་ཞིག་
D133.056.0067b03.01དོན་མཐོང་ཡིད་ཀྱང་རྣམ་པར་དག །ཉོན་མོངས་མེད་ཅིང་ཞི་བའི་གོ་འཕང་གནས། །རྡུལ་དང་བྲལ་ཞིང་མཉན་དོན་ཆོས་སྟོན་པ། །དེ་ལ་ཏིང་འཛིན་ཞི་བ་འདི་བཤད་དོ། །བདེ་གཤེགས་སྲས་པོ་ཟུག་རྔུ་ཕྱུང་བ་གང་། །བདེན་པ་མ་ཉམས་ཐེ་ཙོམ་རྣམས་དང་བྲལ། །སྲོག་ཆགས་ཕན་ཕྱིར་བྱམས་
D133.056.0067b04.01པ་སྒོམ་བྱེད་པ། །དེ་དག་ལ་ནི་དོན་མཆོག་འདི་བཤད་དོ། །གང་ཞིག་རང་བཞིན་གྱིས་ནི་མ་རིག་བྲལ། །རིག་པས་མ་རིག་གནས་ནི་སེལ་བྱེད་ཅིང་། །དོན་མཆོག་འདི་ལ་བརྩོན་པར་སྦྱོར་བྱེད་པ། །དེ་ལ་ཏིང་འཛིན་ཞི་བ་འདི་བཤད་དོ། །རྣམ་དག་གནས་ཤིང་ཀུན་ནས་ཉོན་མོངས་མེད། །
D133.056.0067b05.01ཡེ་ཤེས་མཐའ་ཡས་མངོན་པར་འདོད་བྱེད་ཅིང་། །ངེས་དོན་འདི་ལ་མཆོག་ཏུ་དགའ་ཐོབ་པ། །དེ་ལ་རྣམ་ཐར་ཞི་བ་འདི་བཤད་དོ། །གང་ཞིག་ཀུན་ཏུ་སྦྱོར་བ་ཀུན་ལས་གྲོལ། །བརྟན་ཞིང་སྲོག་ཆགས་ཀུན་ལ་སྙིང་བརྩེ་ཞིང་། །གནོད་སེམས་མེད་ཅིང་ཞི་ལམ་དགའ་བརྟེན་པ། །དེ་ལ་ཏིང་
D133.056.0067b06.01འཛིན་འདི་ནི་ཡང་དག་བསྒྲགས། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་ཉི་ཤུ་རྩ་བཞི་པའོ།། །།བཟང་སྐྱོང་ཆོས་འདི་བཞི་ནི་བྱང་ཆུབ་སེམས་དཔའ་རྣམས་ཏིང་ངེ་འཛིན་འདི་ཐོབ་པར་འགྱུར་བའོ། །བཞི་གང་ཞེ་ན་འདི་ལྟ་སྟེ། སངས་རྒྱས་ལ་གུས་པ་དང་།
D133.056.0067b07.01