完整藏文原文 · 德格版页 当前仅加载第 56 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི། །སྲས་ཀྱི་ཐུ་བོ་བཞིན་དུ་མདུན་བཞག་སྟེ། །བསྟོད་ཅིང་བསླང་ལ་སྙན་པ་དག་ཀྱང་གསུང་། །བག་ཡོད་པར་ཡང་བརྩོན་འགྲུས་བརྩམས་པར་བྱོས། །འཐུན་པར་བྱས་ཏེ་ཆོས་ཀྱང་སྤྱད་པར་བྱོས། །གང་ཞིག་འཛིན་ཅིང་ཀློག་ལ་སྟོན་བྱེད་པ། ཁྱེད་ཀྱི་དོན་དུ་འདི་དག་འཆད་པར་
D133.056.0041b01.01བྱེད། བཟང་སྐྱོང་གིས་ཞུས་པའི་ཏིང་ངེ་འཛིན་ལས་ཆོས་སྨྲ་བ་བསྔགས་པའི་ལེའུ་སྟེ་བཅུ་བཞི་པའོ།། །།བམ་པོ་ལྔ་པ། ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་བཀའ་སྩལ་པ། བཟང་སྐྱོང་ངས་མངོན་པར་ཤེས་ཏེ།
D133.056.0041b02.01འདས་པའི་དུས་བསྐལ་བ་གྲངས་མེད་པ། རྒྱས་པ། ཚད་མེད་པ། བསམ་གྱིས་མི་ཁྱབ་པ། གཞལ་དུ་མེད་པར་གྱུར་པ། དེའི་ཚེ་དེའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་ཞེས་བྱ་བ། རིགས་པ་དང་ཞབས་སུ་ལྡན་པ། བདེ་
D133.056.0041b03.01བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་། །བཟང་སྐྱོང་དེའི་ཚེ་ཚོང་དཔོན་གྱི་བུ་བཟང་བྱིན་ཞེས་བྱ་བ་ཞིག་ཡོད་པར་གྱུར་ཏེ། དེ་སྲོག་ཆགས་ཉི་ཁྲིས་ཡོངས་
D133.056.0041b04.01སུ་བསྐོར་ཅིང་མདུན་དུ་བདར་ནས་ལྷན་ཅིག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེ་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེའི་
D133.056.0041b05.01ཞབས་ལ་མགོ་བོས་ཕྱག་འཚལ་ནས་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་ཀྱང་། ཚོང་དཔོན་གྱི་བུ་བཟང་སྦྱིན་གྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེ་ལ་ཏིང་ངེ་འཛིན་འདི་ཡོངས་
D133.056.0041b06.01སུ་ཞུས་སོ། །བཟང་སྐྱོང་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེས་ཀྱང་ཚོང་དཔོན་གྱི་བུ་བཟང་སྦྱིན་དེའི་ལྷག་པའི་བསམ་པ་མཁྱེན་ནས་ཏིང་ངེ་འཛིན་འདི་རྒྱ་ཆེར་བསྟན་ཏོ། །ཡང་དག་པར་བཤད་དོ། །བཟང་སྐྱོང་དེ་ནས་ཚོང་
D133.056.0041b07.01