完整藏文原文 · 德格版页 当前仅加载第 56 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
མནོད་པར་བགྱི། བསྒོམ་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་དེ་བས་ན་ཐེག་པ་ཆེན་པོ་ལ་ཡང་དག་པར་ཞུགས་པའི་དགེ་བསྙེན་མ་
D133.056.0034a01.01གང་ཏིང་ངེ་འཛིན་འདི་ཐོས་ནས་ལུང་མནོད་པའམ། བསྒོམ་པར་འདོད་པ་དེས་བསླབ་པའི་གཞི་ལྔ་ཡོངས་སུ་གཟུང་བར་བྱའོ། །བཟང་སྐྱོང་དགེ་བསྙེན་མས་གསུམ་ལ་སྐྱབས་སུ་སོང་ཞིང་ལྷ་གཞན་མེད་པར་བྱའོ། །བཟང་སྐྱོང་དགེ་བསྙེན་མས་དགེ་མཚན་དང་ལྟས་ཡོངས་སུ་
D133.056.0034a02.01སྤང་བ་དང་སྒྱུ་མེད་པར་བྱའོ། །བཟང་སྐྱོང་དགེ་བསྙེན་མས་སྤྱོད་ལམ་མི་བཅོས་པ་དང་། འཇུངས་པ་མེད་པར་བྱའོ། །བཟང་སྐྱོང་དགེ་བསྙེན་མས་སྦྱིན་པ་བགེད་པ་ལ་དགའ་བ་དང་། ཆོས་འདོད་པར་བྱའོ། །བཟང་སྐྱོང་དགེ་བསྙེན་མས་ཡོངས་སུ་འདྲི་བའི་རང་བཞིན་ཅན་དང་། གུས་
D133.056.0034a03.01པ་དང་བཅས་པ་དང་། ཞེ་ས་དང་བཅས་པར་བྱའོ། །དགེ་སློང་དང་དགེ་སློང་མ་དག་མཐོང་ན་སྟན་ལ་བདར་བར་བྱའོ། །བཟང་སྐྱོང་དེ་བས་ན་ཐེག་པ་ཆེན་པོ་ལ་ཡང་དག་པར་ཞུགས་པའི་དགེ་བསྙེན་མ་གང་ཏིང་ངེ་འཛིན་འདི་ཐོས་ནས་ལུང་མནོད་པའམ། བསྒོམ་པར་འདོད་ན། དགེ་བསྙེན་མ་
D133.056.0034a04.01དེས་ཆོས་དེ་ལྟ་བུ་དེ་དག་ལ་གནས་ཏེ་ཏིང་ངེ་འཛིན་འདི་ལུང་ནོད་པར་བྱའོ། །བསྒོམ་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སངས་རྒྱས་གནང་ཞིང་བདེ་གཤེགས་བསྔགས་པ་ཡི། །དགེ་བསྙེན་མ་གང་ཏིང་འཛིན་འདི་ཚོལ་བ། །
D133.056.0034a05.01བསླབ་གཞི་ལྔ་པོ་དག་ནི་ཡོངས་བཟུང་སྟེ། །ཏིང་ངེ་འཛིན་འདི་ལ་ནི་འཇུག་པར་བྱ། །སངས་རྒྱས་ཆོས་དང་དེ་བཞིན་དགེ་འདུན་ལས། །ལྷ་གཞན་མེད་ཅིང་གུས་དང་བཅས་བྱས་ཏེ། །ལོག་པའི་ལམ་ནི་ཐམས་ཅད་སྤང་བྱས་ལ། །ཏིང་ངེ་འཛིན་འདི་ལ་ནི་འཇུག་པར་བྱ། །སྲོག་
D133.056.0034a06.01ཆགས་མི་གསོད་མ་བྱིན་མི་ལེན་ཅིང་། །{བརྫུན་,རྫུན་}དུ་སྨྲ་བ་རྣམས་ཀྱང་མི་ཟེར་ལ། །ནམ་ཡང་འདོད་ལ་ལོག་པར་མི་གཡེམ་པར། །དེས་ནི་ཏིང་ངེ་འཛིན་འདི་ལུང་མནོད་བྱ། །འཇུངས་པ་མེད་ལ་རྣམ་སྨིན་མི་རེ་ཞིང་། །སྤྱོད་ལམ་བཅོས་མ་དག་ཀྱང་མེད་བྱས་ལ། །ཕྲག་དོག་དང་ནི་ང་རྒྱལ་
D133.056.0034a07.01