完整藏文原文 · 德格版页 当前仅加载第 56 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིམས་དང་། འཕགས་པས་བསྔགས་པའི་ཚུལ་ཁྲིམས་རྣམས་སུ་བྱའོ། །དེས་སྦྱིན་པ་འབྱེད་པ་ལ་དགའ་བར་བྱའོ། །འདི་ལྟ་སྟེ་སྦྱིན་པའི་མཆོག་སྦྱིན་པ་བླ་ན་མེད་པ། ཆོས་ཀྱི་སྦྱིན་པ་ལ་བརྩོན་འགྲུས་བརྩམ་པར་བྱའོ། །དྲན་པ་ཉེ་བར་གནས་པར་བྱའོ། །དད་པ་དང་ལྡན་པར་བྱའོ། །དེས་པ་
D133.056.0029b01.01དང་ངོ་ཚ་ཤེས་པ་དང་ལྡན་པ་དང་། ཁྲེལ་ཡོད་པ་ཕུན་སུམ་ཚོགས་པར་བྱའོ། །རྙེད་པ་དང་བཀུར་སྟི་དང་ཚིགས་སུ་བཅད་པ་ལ་ལྷག་པར་མ་ཞེན་པར་བྱའོ། །སེར་སྣ་མེད་ཅིང་ཕྲག་དོག་མེད་པ་དང་སྦྱངས་པའི་ཡོན་ཏན་དང་ཡོ་བྱད་བསྙུངས་པར་བྱའོ། །འཇིག་རྟེན་པའི་གཏམ་དོན་དུ་མི་གཉེར་གྱི་
D133.056.0029b02.01གཏམ་ཡོངས་སུ་སྤང་ཞིང་། འཇིག་རྟེན་ལས་འདས་པའི་གཏམ་དོན་དུ་གཉེར་བར་བྱའོ། །བྱས་པ་ཤེས་པ་དང་བྱས་པ་གཟོ་བར་བྱའོ། །སྒྲ་ཆུང་བ་དང་སྨྲ་བ་ཉུང་བར་བྱའོ། །གུས་པ་དང་བཅས་པ་དང་ཞེ་ས་དང་བཅས་པར་བྱའོ། །འདི་ལྟ་སྟེ་དགེ་བའི་བཤེས་གཉེན་ནི་རྙེད་པར་དཀའ་བས་སློབ་
D133.056.0029b03.01དཔོན་དང་མཁན་པོ་ལ་བསྙེན་བཀུར་བྱ་བར་སྤྲོ་བར་བྱའོ། །དེས་སུ་ལས་ཆོས་འདི་ལྟ་བུ་འདི་རྣམས་ཐོས་པར་འགྱུར་བ་དང་བླངས་པ་དང་། གླེགས་བམ་དུ་བྲིས་པར་འགྱུར་བ་དང་། ཚིག་གིས་སྟོན་པའི་རག་ལས་པར་འགྱུར་བ་དེ་དང་། གང་ལས་མདོ་སྡེ་འདི་ལྟ་བུ་ཀུན་ཆུབ་པར་བྱེད་པའམ། ཀུན་ཆུབ་
D133.056.0029b04.01པར་བྱེད་པར་འགྱུར་བའམ། གླེགས་བམ་དུ་འདྲི་བའམ། བྲིས་པར་འགྱུར་བ་དེ་ལ་དེས་ཕར་འདུ་ཤེས་བསྐྱེད་པར་བྱའོ། །དགེ་བའི་བཤེས་གཉེན་དུ་འདུ་ཤེས་བསྐྱེད་པར་བྱའོ། །སྟོན་པར་འདུ་ཤེས་བསྐྱེད་པར་བྱའོ། །དེ་ཆོས་དེ་ལྟ་བུ་འདི་རྣམས་ཀྱི་དོན་དང་བྱང་ཆུབ་ཡོངས་སུ་སྨིན་པར་བྱ་
D133.056.0029b05.01བའི་ཕྱིར་དེས་དེ་ལ་ལྷག་པར་ཡང་དགའ་བ་དང་དང་བ་དང་གུས་པ་བསྐྱེད་པར་བྱའོ། །བཟང་སྐྱོང་གལ་ཏེ་བྱང་ཆུབ་སེམས་དཔའི་ཐེག་པ་པའམ། ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དག་ཆོས་འདི་ལྟ་བུ་འདི་རྣམས་ཀྱི་ཆོས་འཆད་པའི་
D133.056.0029b06.01དགེ་སློང་ལ་དགའ་བ་དང་། དང་བ་དང་། གུས་པ་མི་སྐྱེད་ཅིང་དགེ་བའི་བཤེས་གཉེན་གྱི་འདུ་ཤེས་དང་། སྟོན་པའི་འདུ་ཤེས་ཀྱང་མི་སྐྱེད་ན། བཟང་སྐྱོང་བྱང་ཆུབ་སེམས་དཔའི་ཐེག་པ་པའམ། ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་
D133.056.0029b07.01