完整藏文原文 · 德格版页 当前仅加载第 56 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ནི་ང་ཡི་བསམ་མཁྱེན་ནས། །དེ་བཞིན་གཤེགས་པས་ལུང་བསྟན་ཀྱང་། །སངས་རྒྱས་ཡེ་ཤེས་བསམ་ཡས་ལ། །ང་ནི་གནས་པར་མ་གྱུར་ཏོ། །དེ་ཡི་ཕྱིར་ནི་དོན་དམ་ལ། །བརྩོན་པ་བཟང་པོ་དག་ཀྱང་བྱོས། །སངས་རྒྱས་བསམ་གྱིས་མི་ཁྱབ་པའི། །ཡེ་ཤེས་
D133.056.0050b01.01མཆོག་ལའང་བསླབ་པར་བྱོས། །མདོ་སྡེ་འདི་ལ་བསླབ་བྱས་ནས། །འཇིག་རྟེན་མགོན་པོའི་སྤྱོད་ཡུལ་ལ། །བླ་ན་མེད་པའི་ཡེ་ཤེས་མཆོག །བསམ་གྱིས་མི་ཁྱབ་རྟོགས་པར་འགྱུར། །ཨེ་མའོ་བླ་མེད་ཡེ་ཤེས་དང་། །སངས་རྒྱས་ཡེ་ཤེས་བསམ་ཡས་ཤེས། །བཟང་སྐྱོང་
D133.056.0050b02.01སེམས་ནི་དགའ་མགུ་ཞིང་། །གུས་པ་དང་ཡང་བཅས་པར་འགྱུར། །མ་འོངས་དུས་ན་བདག་ཅག་ཀྱང་། །ཆོས་འཛིན་ཕྱི་མར་འགྱུར་ཞེས་ཏེ། །ལྔ་བརྒྱར་ཚང་བ་དེ་དག་ཀྱང་། །སེམས་དགའ་གུས་དང་བཅས་པར་འགྱུར། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་
D133.056.0050b03.01བཅུ་བདུན་པའོ།། །།བམ་པོ་དྲུག་པ། དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔས་ཏིང་ངེ་འཛིན་འདི་ཇི་ལྟར་བསྒོམ་པར་
D133.056.0050b04.01བགྱི། བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཏིང་ངེ་འཛིན་འདི་བསྒོམ་འདོད་པར་གྱུར་ན། དེས་གཟུགས་ལ་གནས་པར་མི་བྱའོ། །ཚོར་བ་དང་། སེམས་དང་། ཆོས་ལ་གནས་པར་མི་བྱའོ། །སྐྱེ་བ་ལ་གནས་པར་
D133.056.0050b05.01མི་བྱའོ། །ཆོས་ཐམས་ཅད་ལ་གནས་པར་མི་བྱའོ། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ལ་གནས་པར་མི་བྱའོ། །བྱམས་པ་ལ་གནས་པར་མི་བྱའོ། །བཟང་སྐྱོང་དེ་ལ་ཏིང་ངེ་འཛིན་གང་ཞེ་ན། གང་ཆོས་དེ་དག་ལ་ནན་ཏན་དུ་བྱེད་ཀྱི་ལོག་པའི་ནན་ཏན་དུ་བྱེད་པ་མ་
D133.056.0050b06.01ཡིན་པའོ། །བཟང་སྐྱོང་གཞན་ཡང་བྱང་ཆུབ་སེམས་དཔའ་གང་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཀྱི་ལུས་དང་ལྡན་པའི་རྣམ་པར་རྟོག་པ་ནི་རྣམ་པར་མི་རྟོག་པ་དང་། ཚོར་བ་དང་། སེམས་དང་། ཆོས་ལ་ཆོས་ཀྱི་རྗེས་སུ་ལྟ་ཞིང་གནས་ཀྱི་ཆོས་དང་ལྡན་པའི་རྣམ་པར་རྟོག་པ་ནི་རྣམ་པར་མི་
D133.056.0050b07.01