完整藏文原文 · 德格版页 当前仅加载第 56 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
པར་རིག་པ་དང་། ཅི་རིགས་པའི་སྟན་ཞིག་བླངས་ནས། བཅོམ་ལྡན་འདས་ལ་མདུན་གྱིས་བལྟས་ཏེ། བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། ལིད་ཙ་བཱི་གཞོན་ནུ་རིན་ཆེན་འབྱུང་
D133.056.0047a01.01གནས་དང་། ཁྱིམ་བདག་དེད་དཔོན་ཆེ་བཟང་དང་། ཚོང་དཔོན་གྱི་བུ་ཕུག་སྦས་དང་། བྲམ་ཟེ་འདམ་བུས་བྱིན་དང་། ཁྱིམ་བདག་དབང་པོས་བྱིན་དང་། ཁྱིམ་བདག་ཆུ་ལྷ་རྣམས་དང་འཁོར་བཞི་པོ་དེ་དག་ལ་ཆོས་ཀྱི་གཏམ་གྱིས་ཡང་དག་པར་དགའ་བར་མཛད་དོ། །ཡང་དག་པར་འཛིན་
D133.056.0047a02.01དུ་བཅུག་གོ། །ཡང་དག་པར་གཟེངས་བསྟོད་དོ། །ཡང་དག་པར་མགུ་བར་མཛད་དོ། །ཆོས་ཀྱི་གཏམ་གྱིས་ཡང་དག་པར་དགའ་བར་མཛད། ཡང་དག་པར་འཛིན་ཏུ་བཅུག །ཡང་དག་པར་གཟེངས་བསྟོད། ཡང་དག་པར་མགུ་བར་མཛད་ནས་བཞེངས་ཏེ། དགེ་སློང་གི་དགེ་འདུན་
D133.056.0047a03.01དང་ཐབས་ཅིག་ཏུ་སླར་གཤེགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ཟས་ཀྱི་བྱ་བ་བྱས་ནས་རང་གི་མཛའ་བོ་དང་། གཉེན་དང་། སྣག་གི་གཉེན་མཚམས་རྣམས་དང་། ལྷན་ཅིག་ཏུ་སྲོག་ཆགས་འབུམ་དུ་ཚང་བས་བསྐོར་ཅིང་མདུན་དུ་བདར་ཏེ། ལྷན་
D133.056.0047a04.01ཅིག་ཏུ་བཅོམ་ལྡན་འདས་ག་ལ་བ་དེ་ལོགས་སུ་དོང་སྟེ་ལྷགས་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ལན་གསུམ་བསྐོར་བ་བྱས་ཏེ། ཕྱོགས་གཅིག་ཏུ་འཁོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་དང་། དེད་དཔོན་ཆེ་
D133.056.0047a05.01བཟང་དང་། ཕུག་སྦས་དང་། འདམ་བུས་བྱིན་དང་། མཚམས་{བཟངས་,བཟང་}དང་། དབང་པོས་བྱིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆུ་ལྷ་རྣམས་ལྷན་ཅིག་ཏུ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ལན་གསུམ་བསྐོར་བ་བྱས་ཏེ། ཕྱོགས་གཅིག་
D133.056.0047a06.01ཏུ་འཁོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་འཁོར་ཐམས་ཅད་འཁོད་པར་རིག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཆོས་དུ་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་ད་ལྟར་གྱི་སངས་
D133.056.0047a07.01