完整藏文原文 · 德格版页 当前仅加载第 56 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མིའི་དོན་དང་། སྨན་པ་དང་བདེ་བར་འགྱུར་ཞིང་། མ་འོངས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཡང་སྣང་བ་ཆེན་
D133.056.0009a01.01པོ་བགྱིས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་པར་བྱའོ། །བཅོམ་ལྡན་འདས་དེ་བཞིན་
D133.056.0009a02.01ནོ། །ཞེས་གསོལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་ཆོས་
D133.056.0009a03.01གཅིག་ལ་ཀུན་ཏུ་བསྟེན་ངེས་པར་བསྟེན་ཅིང་བསྒོམས་ལ་ལན་མང་དུ་བྱས། ལམ་དུ་བྱས། གཞིར་བྱས། ཡང་དག་པར་བསླང་། ལེགས་པར་བྱང་བ་བྱས། ཤིན་ཏུ་ཡོངས་སུ་སྦྱངས། ཤིན་ཏུ་མཉམ་པར་བཞག །ཤིན་ཏུ་ཡང་དག་པར་བརྩམས་ན་ཡོན་ཏན་ཐམས་ཅད་ཁྱད་
D133.056.0009a04.01པར་དུ་འཕགས་པར་འགྱུར་རོ། །ཆོས་གཅིག་པོ་གང་ཞེ་ན། འདི་ལྟ་སྟེ། ད་ལྟར་གྱི་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་ཏེ། མང་དུ་ཐོས་པ་སྔོན་དུ་འགྲོ་བའི་ཆོས་རྣམས་ཡོངས་སུ་རྫོགས་པར་འགྱུར་རོ། །བཟང་སྐྱོང་དེ་ལ་ད་ལྟར་གྱི་སངས་རྒྱས་
D133.056.0009a05.01མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་དེ་གང་ཞེ་ན། འདི་ལྟ་སྟེ། སངས་རྒྱས་ལ་དམིགས་པའི་སེམས་ཡིད་ལ་བྱེད་པ། སེམས་མི་གཡེང་བ། དྲན་པ་ཉེ་བར་གནས་པ་དང་ཤེས་རབ་ཐོབ་པ། བརྩོན་འགྲུས་མི་གཏོང་བ། དགེ་བའི་བཤེས་གཉེན་རྣམས་ལ་བསྙེན་
D133.056.0009a06.01བཀུར་བྱེད་པ། སྟོང་པ་ཉིད་ལ་ཀུན་ཏུ་སྟེན་པ། སྒོམ་པ་མང་དུ་བྱེད་པ། སྒྲིབ་པ་རྣམས་སྤོང་བ། རྨུགས་པ་དང་གཉིད་རྣམ་པར་སྤོང་བ། གཏམ་ཡོངས་སུ་སྤོང་བ། སྡིག་པའི་གྲོགས་པོ་རྣམས་རྣམ་པར་སྤོང་བ། དགེ་བའི་བཤེས་གཉེན་རྣམས་ལ་ངེས་པར་སྟེན་པ། དབང་
D133.056.0009a07.01