完整藏文原文 · 德格版页 当前仅加载第 56 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་ལྡན་དགེ་སློང་བཟང་པོ་ཀུན་དགའ་བོས། །ང་ལས་ཐོས་པ་རབ་ཏུ་བཟུང་ཞིང་དེ་ཡང་ཀུན་འཛིན་པ། །དེ་ལྟར་བྱང་ཆུབ་སེམས་དཔས་ཏིང་འཛིན་འདི་ཐོབ་ན། །ཆོས་མང་ཐོས་ཤིང་དེ་ཡང་ཐམས་ཅད་འཛིན་པར་འགྱུར། །ཏིང་ངེ་འཛིན་འདི་ཐོས་ནས་ཡང་དག་དགའ་བསྐྱེད་ལ། །
D133.056.0018b01.01འཇིག་རྟེན་གསང་ཚིག་སྣ་ཚོགས་ཐམས་ཅད་སྤང་བྱོས་ཏེ། །མྱུར་དུ་དད་པར་བྱོས་ལ་ཆོས་ཀྱི་སྦྱིན་པའང་བྱིན། །དེ་ལྟར་ཡོངས་དག་ཞི་བའི་ས་འདི་ཐོབ་པར་འགྱུར། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་ལྔ་པའོ།། །།བཟང་སྐྱོང་དེ་ལ་བྱང་ཆུབ་
D133.056.0018b02.01སེམས་དཔས་ཏིང་ངེ་འཛིན་འདི་ཐོབ་པར་བྱ་བ་དང་། འདི་ལྟ་སྟེ། ཡོངས་སུ་བསྒྲུབ་པར་བྱ་བའི་ཕྱིར་སྤྲོ་བ་དང་བརྩོན་འགྲུས་ཆེན་པོ་བསྐྱེད་པར་བྱའོ། །བཟང་སྐྱོང་འདི་ལྟ་སྟེ་དཔེར་ན་རྒྱ་མཚོ་ཆེན་པོའི་གྲུ་རིན་པོ་ཆེས་ཡོངས་སུ་གང་བ་ཞིག་རྒྱ་མཚོ་ཆེན་པོ་རྒལ་ཏེ་འཇིགས་པ་ཐམས་ཅད་
D133.056.0018b03.01སྤངས་པ་ལས། ཚུ་རོལ་གྱི་འགྲམ་དུ་ཆག་ན། དེ་ལ་འཛམ་བུའི་གླིང་བའི་མི་རྣམས་ཀྱིས་སྒྲ་ཆེན་པོ་དང་། སྐད་ཆེན་པོ་དང་། འོ་དོད་བོད་པར་བྱའོ། །བདག་ཅག་ནི་རིན་པོ་ཆེ་འདི་དག་ལས་ཉམས་སོ་ཞེས་མྱ་ངན་ཆེན་པོས་སྨྲེ་སྔགས་ཀྱང་གདོན་པར་བྱའོ། །བཟང་སྐྱོང་དེ་བཞིན་
D133.056.0018b04.01དུ་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཏིང་ངེ་འཛིན་རིན་པོ་ཆེ་འདི་ལྟ་བུ་འདི་རྣ་ལམ་དུ་གྲག་པར་གྱུར་ལ། ཐོས་ནས་ཀྱང་གླེགས་བམ་དུ་འདྲི་བར་མི་བྱེད། སྟོན་པར་མི་བྱེད། འདོན་པར་མི་བྱེད།
D133.056.0018b05.01འཛིན་པར་མི་བྱེད། ཀློག་པར་མི་བྱེད། འཆད་པར་མི་བྱེད། སྒོམ་པར་མི་བྱེད། ནན་ཏན་གྱིས་སྒྲུབ་པར་མི་བྱེད་ན། བཟང་སྐྱོང་དེ་ལ་ལྷ་དང་བཅས་པའི་འཇིག་རྟེན་གྱིས་སྒྲ་ཆེན་པོ་དང་། སྐད་ཆེན་པོ་དང་། འོ་དོད་བོད་པར་བྱའོ། །འདི་ལྟར་ཏིང་ངེ་འཛིན་ཟབ་མོ་རིན་པོ་ཆེ་འདི་ལྟ་བུ་
D133.056.0018b06.01སངས་རྒྱས་ཀྱིས་བསྔགས་པ། སངས་རྒྱས་ཀྱིས་བསྟོད་པ། སངས་རྒྱས་ཀྱིས་སྟོད་དུ་བཅུག་པ། སངས་རྒྱས་ཀྱི་ཡོན་ཏན་ཐམས་ཅད་ཐོབ་པར་འགྱུར་བ་གང་ཡིན་པ་དེ་ཐོས་ནས་ཡི་གེར་འདྲི་བར་མི་བྱེད། སྟོན་པར་མི་བྱེད། འདོན་པར་མི་བྱེད། འཛིན་པར་མི་བྱེད། ཀློག་པར་
D133.056.0018b07.01