完整藏文原文 · 德格版页 当前仅加载第 56 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་ཆགས་དང་ལྡན་པའི་སེམས་སྐྱེད་པ་དེ་བཞིན་དུ། སྐྱེས་བུ་དེ་དག་ཉལ་ནས་ཀྱང་རྨི་ལམ་ན་སྨད་འཚོང་མ་དེ་དག་མཐོང་ཞིང་ཕན་ཚུན་སྤྲད་དེ། འཁྲིག་པའི་ཆོས་ལ་བསྟེན་ནས། འཁྲིག་པ་ལ་དད་པ་དེ་དང་ཡང་བྲལ་བར་གྱུར་པར་ཡང་རྨིས་སོ། །དེ་དག་སད་ནས་ཇི་ལྟར་མཐོང་བ་
D133.056.0012b01.01དང་། ཐོས་པ་དང་ཤེས་པ་དང་། རྟོགས་པའི་རྨི་ལམ་ན་མྱོང་བ་རྗེས་སུ་དྲན་ནས་བཟང་སྐྱོང་ཁྱོད་གང་ན་བ་དེར་དོང་སྟེ་ཕྱིན་ནས་ཁྱོད་ལ་དོན་དེ་དག་བརྗོད་དོ། །ཁྱོད་ཀྱིས་དོན་དེ་དག་ཐོས་ནས་ལུང་འདི་ཉིད་ཀྱིས་ཅི་ནས་ཀྱང་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་
D133.056.0012b02.01ཕྱིར་མི་ལྡོག་པར་འགྱུར་བ་དེ་ལྟ་དེ་ལྟར་ཆོས་བསྟན་ཏོ། །ངས་ཀྱང་སྐྱེས་བུ་དེ་དག་མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལེགས་པར་སད་པ་ཞེས་བྱ་བ་རྣམས་སུ་འགྱུར་རོ་ཞེས་ལུང་སྟོན་ཏོ། །སྐྱེས་བུ་དེ་
D133.056.0012b03.01དག་བཟོད་པ་རྙེད་ཀྱང་ད་དུང་སྔོན་གྱི་མཚན་མ་དེ་དག་མཐོང་ཞིང་རྗེས་སུ་དྲན་ནོ། །བཟང་སྐྱོང་དེ་བཞིན་དུ་བྱང་ཆུབ་སེམས་དཔའ་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་འདི་དང་ལྡན་པ་དེ་ནི་འཇིག་རྟེན་གྱི་ཁམས་འདི་ཉིད་ན་འདུག་བཞིན་དུ། བཅོམ་ལྡན་འདས་དེ་
D133.056.0012b04.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་དེ་ཐོས་སོ། །དེས་དེ་བཞིན་གཤེགས་པ་དེའི་མཚན་དང་གཟུགས་དང་། ཡོན་ཏན་ཙམ་ཞིག་ཐོས་ནས་སེམས་མི་གཡེང་བར། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་
D133.056.0012b05.01པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་དེ་ཡང་དག་པར་རྗེས་སུ་དྲན་པར་བྱེད་དོ། །དེ་ཕྱི་ཕྱིར་ཞིང་ཡིད་ལ་བྱེད་པས་དེ་བཞིན་གཤེགས་པ་དེ་མཐོང་ངོ་། །ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་བྱང་ཆུབ་སེམས་དཔའི་ཏིང་ངེ་འཛིན་ལ་གནས་ཏེ། དེས་དེ་
D133.056.0012b06.01བཞིན་གཤེགས་པ་དེ་མཐོང་ནས། བཅོམ་ལྡན་འདས་ཆོས་གང་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཁམས་འདིར་སྐྱེ་བར་འགྱུར་ཞེས་ཞུ་བ་ཞུའོ། །དེ་བཞིན་དུ་སངས་རྒྱས་ཀྱི་ཞིང་གང་དང་གང་དུ་སྐྱེ་བར་འདོད་པ་དེའི་ཚེ་དེ་བཞིན་གཤེགས་པ་ལ་
D133.056.0012b07.01