完整藏文原文 · 德格版页 当前仅加载第 56 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་ཏིང་ངེ་འཛིན་འདི་འཛིན་པར་འགྱུར་བ་དང་། ཀུན་ཆུབ་པར་བྱེད་པར་འགྱུར་བ་དང་། འཆང་བར་འགྱུར་བ་དང་། ཀློག་པར་འགྱུར་བ་དང་། ཡི་གེར་འདྲི་བར་འགྱུར་བ་དང་། སྟོན་པར་འགྱུར་བ་དང་། སྒོམ་པར་འགྱུར་བའི་སྐྱེས་བུ་དམ་པ་དེ་ལྟ་བུ་དེ་དག་ནི་བཟང་སྐྱོང་
D133.056.0022a01.01ཚུལ་ཁྲིམས་འཆལ་པར་མི་འགྱུར། དད་པ་མེད་པར་མི་འགྱུར། ཆོས་མི་འདོད་པར་མི་འགྱུར། ལོག་པར་ལྟ་བར་མི་འགྱུར། དམིགས་པ་ལ་མངོན་པར་ཞེན་པར་མི་འགྱུར་གྱིས། བཟང་སྐྱོང་རིགས་ཀྱི་བུའམ། རིགས་ཀྱི་བུ་མོ་དེ་ལྟ་བུ་དེ་དག་ནི་དད་པ་ཅན་དུ་འགྱུར་རོ། །འདི་ལྟ་སྟེ་ཆོས་
D133.056.0022a02.01འདི་ལྟ་བུ་འདི་དག་ལེན་པར་བྱེད་པའི་རིགས་ཀྱི་བུ་དང་རིགས་ཀྱི་བུ་མོ་དེ་ལྟ་བུ་དེ་དག་ནི་རྟོག་པ་མང་བ་དང་མོས་པ་མང་བ་དང་ཡིད་ཆེས་པ་དང་། ཆོས་འདོད་པ་དང་། ཟབ་མོ་ལ་མོས་པ་རྣམས་སུ་འགྱུར་རོ། །བཟང་སྐྱོང་རིགས་ཀྱི་བུའམ་རིགས་ཀྱི་བུ་མོ་དེ་ལྟ་བུ་དེ་དག་ནི་བསོད་ནམས་ཆུང་བ་དང་། དགེ་བའི་
D133.056.0022a03.01རྩ་བ་ཆུང་བར་མི་འགྱུར་གྱི། བཟང་སྐྱོང་རིགས་ཀྱི་བུའམ། རིགས་ཀྱི་བུ་མོ་དེ་ལྟ་བུ་དེ་དག་ནི་སྔོན་གྱི་རྒྱལ་བ་ལ་བྱ་བ་བྱས་ཤིང་། དགེ་བའི་རྩ་བ་རྣམས་འབར་བ་ཡིན་ནོ། །བཟང་སྐྱོང་རིགས་ཀྱི་བུ་དང་རིགས་ཀྱི་བུ་མོ་དེ་ལྟ་བུ་དེ་དག་ནི་སངས་རྒྱས་གཅིག་ལ་བསྙེན་བཀུར་བྱས་པ་མ་ཡིན། སངས་
D133.056.0022a04.01རྒྱས་གཅིག་དང་། གཉིས་དང་། གསུམ་ལ་དགེ་བའི་རྩ་བ་རྣམས་བསྐྱེད་པ་མ་ཡིན་གྱི། བཟང་སྐྱོང་རིགས་ཀྱི་བུ་དེ་ལྟ་བུ་དེ་དག་ནི་སངས་རྒྱས་བརྒྱ་ལ་བསྙེན་བཀུར་བྱས་པར་འགྱུར་རོ། །རིགས་ཀྱི་བུ་དེ་ལྟ་བུ་དེ་དག་ནི་སངས་རྒྱས་བརྒྱ་ལ་དགེ་བའི་རྩ་བ་བསྐྱེད་པར་འགྱུར་རོ། །དེ་བཞིན་གཤེགས་
D133.056.0022a05.01པ་དེ་དག་ལས་རིགས་ཀྱི་བུ་འམ་རིགས་ཀྱི་བུ་མོ་དེ་དག་གིས་ཏིང་ངེ་འཛིན་འདི་ཐོས་ཤིང་རྗེས་སུ་ཡི་རང་བ་དང་མོས་པར་འགྱུར་རོ། །དེ་དག་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ་ཡང་ཏིང་ངེ་འཛིན་འདི་ཐོས་ནས་མི་སྤོང་བར་འགྱུར་བའི་སྟེང་དུ་ཐོས་ནས་ཀྱང་རྗེས་སུ་ཡི་རང་བར་འགྱུར། ལེགས་སོ་ཞེས་བྱ་བ་འབུལ་
D133.056.0022a06.01བར་འགྱུར། འཆང་བར་འགྱུར། ཀློག་པར་འགྱུར། ལུང་ནོད་པར་འགྱུར། འཆད་པར་འགྱུར། སྒོམ་པའི་སྦྱོར་བ་ལ་བརྩོན་པར་འགྱུར་རོ། །བཟང་སྐྱོང་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་བྱང་ཆུབ་སེམས་དཔའི་ཏིང་ངེ་འཛིན་འདི་ཐོས་ནས་
D133.056.0022a07.01