完整藏文原文 · 德格版页 当前仅加载第 56 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་གླིང་འདི་ཡང་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། ཉམས་དགའ་བ་དང་། སྐྱེ་བོ་མང་པོ་དང་། མིས་གང་བར་གྱུར་ཏོ། །བཟང་སྐྱོང་དེའི་ཚེ་འཛམ་བུའི་གླིང་འདི་ན་གྲོང་ཁྱེར་ཆེན་པོ་ཐམས་ཅད་ཀྱང་རིན་པོ་ཆེ་སྣ་བདུན་ལས་གྲུབ་པ་ཁྱིམ་བྱེ་བ་
D133.056.0061a01.01ཕྲག་དགུ་ཡོད་པ་དཔག་ཚད་བཅུ་གཉིས་པ་སྟོང་ཕྲག་དྲུག་ཅུ་རྩ་བརྒྱད་ཡོད་པར་གྱུར་ཏོ། །བཟང་སྐྱོང་དེའི་ཚེ་འཛམ་བུའི་གླིང་འདི་ཡང་འདི་ལྟ་སྟེ། དཔག་ཚད་སྟོང་ཕྲག་དྲུག་ཅུ་རྩ་བརྒྱད་ཡོད་དེ། ཡངས་ཤིང་རྒྱ་ཆེ་བར་གྱུར་ཏོ། །བཟང་སྐྱོང་དེའི་ཚེ་འཛམ་བུའི་གླིང་འདི་ན་གང་དུ་དེ་བཞིན་
D133.056.0061a02.01གཤེགས་པ་དེ་སྐྱེ་བའི་སར་གྱུར་པ་འདི་ལྟ་སྟེ། བཟང་པོ་བྱུང་བ་ཞེས་བྱ་བའི་གྲོང་ཁྱེར་ཆེན་པོ་གཅིག་ཅིག་ཡོད་དེ། གྲོང་ཁྱེར་ཆེན་པོ་དེ་ན་སྲོག་ཆགས་བྱེ་བ་ཕྲག་དྲུག་ཅུ་གནས་སོ། །བཟང་སྐྱོང་ཡང་དེའི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་
D133.056.0061a03.01བློ་གྲོས་དེའི་ཉན་ཐོས་འདུས་པ་དང་པོ་ནི་དགྲ་བཅོམ་པ་བྱེ་བ་ཕྲག་དགུ་བཅུ་འདུས་པར་གྱུར་ཏོ། །ཞག་བདུན་འདས་ནས་ཉན་ཐོས་འདུས་པ་གཉིས་པ་ནི་ཉན་ཐོས་བྱེ་བ་ཕྲག་དགུ་བཅུ་འདུས་པར་གྱུར་ཏོ། །ཞག་བདུན་པ་གཉིས་འདས་ནས་ཉན་ཐོས་འདུས་པ་གསུམ་པ་ནི་བྱེ་བ་ཕྲག་དགུ་བཅུ་འདུས་
D133.056.0061a04.01པར་གྱུར་ཏོ། །དག་པའི་བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་ཡང་འདུས་པར་གྱུར་ཏོ། །དེ་ནས་ཕྱིས་ནི། བཅོམ་ལྡན་འདས་དེའི་ཉན་ཐོས་གྲངས་ཀྱིས་མི་ཆོད་པ་ཞིག་བྱུང་ངོ་། །བཟང་སྐྱོང་དེའི་ཚེ་དེའི་དུས་ན་མི་དེ་དག་དགེ་བ་བཅུའི་ལས་ཀྱི་ལམ་ཡང་དག་པར་ལེན་པར་གྱུར་ཏེ། འདི་ལྟ་
D133.056.0061a05.01སྟེ། དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པའི་གསུང་རབ་ལ་སེམས་ཅན་རྣམས་དགེ་བ་བཅུའི་ལས་ཀྱི་ལམ་དང་ལྡན་པར་འགྱུར་བ་བཞིན་ནོ། །བཟང་སྐྱོང་དེའི་ཚེ་སེམས་ཅན་རྣམས་ཀྱི་ཚེའི་ཚད་ནི་ལོ་བརྒྱད་ཁྲི་བཞི་སྟོང་ཐུབ་པར་གྱུར་ཏོ། །
D133.056.0061a06.01བཟང་སྐྱོང་དེའི་ཚེ་གྲོང་ཁྱེར་ཆེན་པོ་དེ་ན། འཁོར་ལོས་སྒྱུར་བའི་རྒྱལ་པོ་ཁྱད་པར་དུ་འགྲོ་བ་ཞེས་བྱ་བ་རིན་པོ་ཆེ་སྣ་བདུན་དང་ལྡན་པ་བུ་སྟོང་དུ་ཚང་བ་ཞིག་ཡོད་དེ། དེ་བཅོམ་ལྡན་འདས་དེ་བཞིན་གཤེགས་པ་སེང་གེའི་བློ་གྲོས་དེའི་དྲུང་དུ་སོང་ཞིང་བསྙེན་བཀུར་བྱེད་དོ། །བཟང་སྐྱོང་དེ་ནས་དེ་བཞིན་
D133.056.0061a07.01