完整藏文原文 · 德格版页 当前仅加载第 56 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་གམ། ཞག་གཉིས་སམ། ཐ་ན་བ་འཇོས་ཙམ་ཡང་ལུང་མནོད་པའམ། བསྒོམ་པར་འདོད་ན། བྱང་ཆུབ་སེམས་དཔའ་ཁྱིམ་པར་གྱུར་པ་གོས་དཀར་པོ་གྱོན་ཞིང་ཁྱིམ་ན་གནས་པ་དེས་དད་པ་དང་ལྡན་པར་བྱའོ། །འཇུངས་པ་མེད་པ་དང་། ལྷུག་པར་གཏོང་བར་
D133.056.0033a01.01བྱའོ། །སྦྱིན་པ་བགེད་པ་ལ་དགའ་བ་དང་། རྣམ་པར་སྨིན་པ་ལ་རེ་བ་མེད་པར་བདོག་པ་ཐམས་ཅད་ཡོངས་སུ་གཏོང་བར་བྱའོ། །དེས་སངས་རྒྱས་ལ་སྐྱབས་སུ་འགྲོ་བར་བྱའོ། །ཆོས་ལ་སྐྱབས་སུ་འགྲོ་བར་བྱའོ། །དགེ་འདུན་ལ་སྐྱབས་སུ་འགྲོ་བར་བྱའོ། །ཚུལ་ཁྲིམས་ཡོངས་སུ་
D133.056.0033a02.01དག་པར་བྱའོ། །བསླབ་པའི་གཞི་ལྔ་ཡོངས་སུ་གཟུང་བར་བྱའོ། །ལྷ་གཞན་མེད་པར་བྱ་ཞིང་བསམ་པ་སངས་རྒྱས་ཀྱི་རྗེས་སུ་སོང་བར་བྱའོ། །ཚུལ་ཁྲིམས་ལ་སྐྱོན་མེད་པ་དང་། དགེ་བ་བཅུའི་ལས་ཀྱི་ལམ་ཡང་དག་པར་གཟུང་ཞིང་སྒྲུབ་ལ། གཞན་ལ་ཡང་དེ་ཡང་དག་པར་འཛིན་
D133.056.0033a03.01དུ་འཇུག་པ་དང་། ཆང་འཐུང་བ་ལས་ཕྱིར་ལྡོག་པར་བྱའོ། །མ་འཕྱར་བར་བྱའོ། །གཞན་དག་ལ་ཆང་གི་མི་སྙན་པ་བརྗོད་ཅིང་གཞན་ལ་ཡང་ཆང་མི་སྦྱིན་པ་དང་། གཞན་དག་ལ་ཡང་འདོད་པ་སྨད་ཅིང་ཚངས་པར་སྤྱད་པར་བྱའོ། །ཕྲག་དོག་མེད་པར་བྱའོ། །འཚོ་བ་ཡོངས་སུ་
D133.056.0033a04.01དག་པར་བྱའོ། །བུ་ལ་སྲེད་པར་མི་བྱའོ། །བུ་མོ་ལ་སྲེད་པ་མི་བསྐྱེད་དོ། །ཆུང་མ་ལ་སྲེད་པ་མ་སྐྱེད་ཅིག །ནོར་ལ་སྲེད་པར་མི་བྱའོ། །ཁྱིམ་ལ་སྲེད་པར་མི་བྱའོ། །དེས་རབ་ཏུ་བྱུང་བ་ལ་མངོན་པར་དགའ་བ་དང་། རབ་ཏུ་བྱུང་བ་ལ་སེམས་གཞོལ་བར་བྱའོ། །ཡན་ལག་བརྒྱད་དང་ལྡན་པའི་ཉེ་བར་གནས་པའི་ཏིང་ངེ་འཛིན་
D133.056.0033a05.01འདི་ལ་གཞོལ་བ་དང་། གཙུག་ལག་ཁང་ལ་གནས་པར་བྱའོ། །ངོ་ཚ་ཤེས་ཤིང་ཁྲེལ་ཡོད་པ་དང་ལྡན་པ་དང་། སེམས་བྱང་ཆུབ་ལ་གཞོལ་ཞིང་ཐེག་པ་གཞན་མི་འདོད་པར་བྱའོ། །ཚུལ་ཁྲིམས་དང་ལྡན་པའི་དགེ་སློང་རྣམས་ལ་འཕྱ་བར་མི་བྱའོ། །ཚངས་པར་སྤྱོད་པ་རྣམས་ལ་གུས་
D133.056.0033a06.01པ་དང་བཅས་པ་དང་ཞེ་ས་དང་བཅས་པར་བྱའོ། །སློབ་དཔོན་གང་ལས་ཏིང་ངེ་འཛིན་འདི་ལུང་མནོས་པ་དེ་ལ་ཤིན་ཏུ་ཕངས་པར་བསམ་པ་དང་། དང་བ་དང་། གུས་པར་བྱའོ། །དགེ་བའི་བཤེས་གཉེན་དུའང་འདུ་ཤེས་ཉེ་བར་གཞག་པར་བྱའོ། །སྟོན་པར་ཡང་འདུ་ཤེས་ཉེ་བར་གཞག་པར་
D133.056.0033a07.01