完整藏文原文 · 德格版页 当前仅加载第 56 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུའོ། །དེ་སྐད་ཞུས་ནས་བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་དེས་བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་སངས་རྒྱས་རྗེས་སུ་དྲན་པ་ཀུན་ཏུ་བསྟེན་ངེས་པར་བསྟེན་ཅིང་བསྒོམས་ལ་མང་དུ་བྱས་ན་འཇིག་
D133.056.0013a01.01རྟེན་གྱི་ཁམས་འདིར་སྐྱེ་བར་བྱེད་དོ། །སངས་རྒྱས་རྗེས་སུ་དྲན་པ་ཀུན་ཏུ་བསྟེན་ངེས་པར་བསྟེན་ཅིང་བསྒོམས་ལ་མང་དུ་བྱས་ན་སངས་རྒྱས་ཀྱི་ཞིང་འདིར་སྐྱེ་བར་འགྱུར་རོ། །རིགས་ཀྱི་བུ་དེ་ལ་སངས་རྒྱས་རྗེས་སུ་དྲན་པ་དེ་གང་ཞེ་ན། འདི་ལྟ་སྟེ། གང་དེ་བཞིན་གཤེགས་
D133.056.0013a02.01པ་ཡིད་ལ་བྱེད་པ་སྟེ། འདི་ལྟར་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ།
D133.056.0013a03.01སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་གསེར་གྱི་མདོག་ལྟ་བུའི་སྐུ་དང་ལྡན་པ། གསེར་གྱི་གཟུགས་འཚེར་ཞིང་གསལ་ལ་ལེགས་པར་གནས་པ་དང་འདྲ་བ་རིན་པོ་ཆེའི་མཆོད་སྡོང་ལྟར་ཤིན་ཏུ་བརྒྱན་པ། ཉན་ཐོས་ཀྱི་དགེ་འདུན་གྱི་ནང་
D133.056.0013a04.01ན་ཆོས་ཀྱང་སྟོན་ཏེ་ཅི་ནས་ཀྱང་ཆུད་མི་ཟ་བ་དེ་ལྟར་སྟོན་ཏོ། །ཅི་ཞིག་ཆུད་མི་ཟ་ཞེ་ན། ས་ཆུད་མི་གཟོན་ནོ། །ཆུ་དང་། མེ་དང་། རླུང་དང་། འབྱུང་པོ་དང་། ལྷ་དང་། བྲམ་ཟེ་དང་། སྐྱེ་དགུའི་བདག་པོ་ཆུད་མི་གཟོན་ཏོ། །གཟུགས་ཆུད་མི་གཟོན་ཏོ། །ཚོར་བ་དང་།
D133.056.0013a05.01འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཆུད་མི་གཟོན་ཏོ། །དེ་དེ་བཞིན་གཤེགས་པ་རློམ་སེམས་སུ་མི་བྱེད། མི་དམིགས། མངོན་པར་མི་ཆགས། ཡང་དག་པར་མི་ཤེས། མི་རྟོག །རྣམ་པར་མི་རྟོག །ཡང་དག་པར་རྗེས་སུ་མི་མཐོང་སྟེ། གང་དེ་
D133.056.0013a06.01ལྟར་དེ་བཞིན་གཤེགས་པ་མི་དམིགས་པར་ཡིད་ལ་བྱེད་པས་སྟོང་པ་ཉིད་ཀྱི་ཏིང་ངེ་འཛིན་ཐོབ་པ་དེ་ནི་སངས་རྒྱས་རྗེས་སུ་དྲན་པ་ཞེས་བྱ་སྟེ། བྱང་ཆུབ་སེམས་དཔའ་དེ་ཏིང་ངེ་འཛིན་དེ་བསྒོམས་ཤིང་ཏིང་ངེ་འཛིན་དེ་ལ་མཉམ་པར་བཞག་ནས་ཏིང་ངེ་འཛིན་དེ་ལས་ལངས་ཏེ།
D133.056.0013a07.01