完整藏文原文 · 德格版页 当前仅加载第 56 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ལྟ་འདོད་པས། །ཏིང་ངེ་འཛིན་མཆོག་འདི་ནི་གཟུང་བར་བྱོས། །གང་ཞིག་ཏིང་འཛིན་འདི་ནི་འཛིན་འགྱུར་བ། །མི་དེ་དག་ནི་རྙེད་པ་བསམ་མི་ཁྱབ། །དེ་དག་མི་ཡི་འཇིག་རྟེན་ལེགས་པར་འོངས། །རབ་བྱུང་ལེགས་སྤྱད་བསོད་སྙོམས་ལེགས་པར་ཟོས། །ཕྱི་མའི་དུས་ན་ཏིང་
D133.056.0045a01.01འཛིན་མཆོག་འདི་ནི། །གང་གི་ལག་ཏུ་གནས་པར་གྱུར་པ་དེ། །རྙེད་པ་དམ་པ་ཤིན་ཏུ་ལེགས་པར་རྙེད། །དེས་ནི་བསམ་གྱིས་མི་ཁྱབ་ཆོས་ཀྱང་བཟུང་། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་བཅོ་ལྔ་པའོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་
D133.056.0045a02.01པོ་བཟང་སྐྱོང་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བགོས་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཐུགས་བརྩེ་བའི་སླད་དུ་སང་
D133.056.0045a03.01དགེ་སློང་གི་དགེ་འདུན་དང་ཐབས་ཅིག་ཏུ་བདག་གི་བཤོས་གསོལ་བར་ཅི་གནང་། བཅོམ་ལྡན་འདས་ཀྱིས་ཐུགས་བརྩེ་བའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་ཅང་མི་གསུང་བས་གནང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་བཅོམ་
D133.056.0045a04.01ལྡན་འདས་ཀྱིས་ཅང་མི་གསུང་བས་གནང་བར་ཤེས་ནས། བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་དྲུང་ནས་སོང་སྟེ། དགེ་སློང་མ་སྐྱེ་དགུའི་བདག་མོ་ཆེན་མོ་ག་ལ་བ་དེར་སོང་ནས་ཕྱིན་པ་དང་། དགེ་སློང་མ་སྐྱེ་དགུའི་
D133.056.0045a05.01བདག་མོ་ཆེན་མོ་གོ་ཏ་མཱིའི་རྐང་པ་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་དགེ་སློང་མ་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་འདི་སྐད་ཅེས་སྨྲས་སོ། །འཕགས་མ་
D133.056.0045a06.01ཐུགས་བརྩེ་བའི་སླད་དུ་སང་དགེ་སློང་མའི་དགེ་འདུན་དང་། ཐབས་གཅིག་བདག་གི་བཤོས་གསོལ་བར་ཅི་གནང་། དགེ་སློང་མ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་སྙིང་བརྩེ་བའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་ཅང་མི་སྨྲ་བས་གནང་ངོ་། །དེ་ནས་བྱང་ཆུབ་
D133.056.0045a07.01