完整藏文原文 · 德格版页 当前仅加载第 56 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བ་རྣམ་པར་དག་པར་འགྱུར་ལ། རྣམ་པར་དག་ནས་ཀྱང་རློམ་སེམས་སུ་མི་བྱེད། སྤྲོས་པར་མི་བྱེད་དེ། དེ་དག་ནི་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་འདི་བསྒོམ་པ་ཡོངས་སུ་རྫོགས་པར་འགྱུར་རོ། །བྱང་ཆུབ་ཀྱི་ཕྱོགས་ཀྱི་ཆོས་ཐམས་
D133.056.0067a01.01ཅད་ཀྱང་ཡོངས་སུ་རྫོགས་པ་ལ་གནས་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །དེ་བཞིན་གཤེགས་པས་གང་དག་གསུངས་པ་ནི། །ཇི་ལྟ་བཞིན་དུ་ཡེ་ཤེས་འཇུག་པ་ཡིན། །དེ་ནི་འཇིག་རྟེན་གཙོ་བོ་སྟོན་པའི་སྲས། །ཏིང་ངེ་
D133.056.0067a02.01འཛིན་འདི་ལ་ནི་ཡིད་ཀྱང་བརྩོན། །གང་གིས་སངས་རྒྱས་དམིགས་པ་རྗེས་དྲན་པ། །དམིགས་པའི་དོན་ནི་དུ་མ་མཐོང་བར་འགྱུར། །དེ་ལ་ཏིང་འཛིན་ཞི་བ་བལྟ་དཀའ་འདི། །ཕྱི་མའི་དུས་ན་མངོན་སུམ་དུ་ཡང་འགྱུར། །མཁས་པ་གང་ཞིག་ཆོས་ཀུན་མི་རྟེན་ཅིང་། །སེམས་ཅན་དག་ལ་
D133.056.0067a03.01ཕན་ཕྱིར་ཡིད་བརྩོན་པ། །དེ་དག་ཕྱི་དུས་འཇིགས་པ་ཆེན་པོའི་ཚེ། །ཏིང་ངེ་འཛིན་འདི་ལ་ནི་སྦྱོར་བར་འགྱུར། །སེམས་ཅན་རྣམས་ལ་ཕན་ཞིང་གཟུང་བའི་ཕྱིར། །གང་ཞིག་རྟག་ཏུ་བལྟ་དཀའ་ཆོས་འདི་ལ། །དྲན་པ་བརྟན་པར་འཇོག་ཅིང་བརྩོན་བྱེད་པ། །དེ་ཡི་ལག་ཏུ་ཏིང་འཛིན་
D133.056.0067a04.01འདི་འགྲོ་འགྱུར། །གང་ཞིག་དྲན་དང་བློ་གྲོས་རྟོགས་པ་དག །སངས་རྒྱས་དམིགས་པར་རྟག་ཏུ་འཇོག་བྱེད་ཅིང་། །གཞན་དྲིང་མི་འཇོག་རྣལ་འབྱོར་བརྩོན་པ་དེ། །ཏིང་འཛིན་ཆེན་པོ་འདི་ལ་གནས་པར་འགྱུར། །རྗེས་སུ་གཟུང་ཕྱིར་བལྟ་དཀའ་ཚིག་ལ་གནས། །འཇིག་རྟེན་
D133.056.0067a05.01ཐམས་ཅད་ལ་ནི་ཡིད་སྐྱོ་ཞིང་། །མཁས་པ་སྲིད་པ་ཐམས་ཅད་མི་འདོད་པ། །དེ་དག་ཏིང་འཛིན་ཆེན་པོ་འདི་ལ་བརྩོན། །བྱང་ཆུབ་འདོད་ཅིང་ཕན་ཕྱིར་སྙིང་བརྩེ་གང་། །དེ་བཞིན་གཤེགས་པ་རྣམས་ཀྱི་སྐུ་ལ་རྟོག །ཞི་བའི་ཆོས་ལ་སྨོན་ལམ་འདེབས་བྱེད་པ། །དེ་དག་ཏིང་འཛིན་འདི་ལ་
D133.056.0067a06.01བརྟེན་པར་བརྩོན། །འཐབ་པ་མེད་ཅིང་རྩོད་པ་མེད་ལ་ཞི། །བདེ་བར་གཤེགས་པས་བསྟོད་པའི་ཆོས་ཚོལ་ཞིང་། །སངས་རྒྱས་དམིགས་པ་ལ་ནི་རྟག་གནས་པ། །དེ་དག་ཏིང་འཛིན་འདི་ལ་བརྟག་བརྩོན་ཡིན། །གང་དག་ཕྱི་མའི་སྡིག་པའི་དུས་དེ་ན། །ཏིང་ངེ་འཛིན་འདི་ལ་ནི་བརྩོན་བྱེད་པ། །
D133.056.0067a07.01