完整藏文原文 · 德格版页 当前仅加载第 56 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕུལ་བ་བས། རིགས་ཀྱི་བུའམ་རིགས་ཀྱི་བུ་མོ་གང་གིས་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་བྱང་ཆུབ་སེམས་དཔའི་ཏིང་ངེ་འཛིན་འདི་ཉན་ཅིང་ཐོས་ནས་ཀྱང་རྟོག་པར་བྱེད། མངོན་པར་དད་པར་བྱེད།
D133.056.0021a01.01ཡིད་ཆེས་པར་བྱེད་ལ་འདི་ནི་བདེན་པ་ཉིད་དོ་ཞེས་མོས་པར་བྱེད་ཅིང་། སངས་རྒྱས་ཀྱིས་གསུངས་པ་ཡིན་ནོ་ཞེས་ཚིག་ཏུ་ཡང་བརྗོད་ན། རིགས་ཀྱི་བུའམ་རིགས་ཀྱི་བུ་མོ་དེའི་བསོད་ནམས་ཆེས་མང་དུ་འཕེལ་བར་འགྱུར་རོ། །དེ་ནས་དེའི་ཚེ་དོན་དེ་ཉིད་བསྟན་པར་བྱ་བའི་ཕྱིར་བཅོམ་ལྡན་འདས་
D133.056.0021a02.01ཀྱིས་ཚིགས་སུ་བཅད་པ་འདི་དག་གསུངས་སོ། །གང་གིས་སྟོང་གསུམ་ཐམས་ཅད་དུ། །རིན་པོ་ཆེས་ནི་བཀང་བྱས་ཏེ། །བླ་མེད་བྱང་ཆུབ་བཙལ་བའི་ཕྱིར། །འཇིག་རྟེན་མགོན་ལ་ཕུལ་བ་བས། །གང་གིས་སངས་རྒྱས་ཀྱིས་བསྔགས་པའི། །མདོ་སྡེ་ཏིང་འཛིན་འདི་ལྟ་བུ། །
D133.056.0021a03.01ཐོས་ནས་མོས་པར་བྱེད་ན་ནི། །དེ་ཡི་བསོད་ནམས་ཁྱད་པར་འཕགས། །སྒྱུ་དང་གྱ་གྱུ་གཡོ་དང་ལྡན། །རྒོད་ཅིང་དབང་པོ་མ་བསྡུས་ལ། །སྡིག་པའི་གྲོགས་པོས་ཟིན་གྱུར་པ། །བློ་ངན་རྣམས་ནི་དད་མི་འགྱུར། །ཚུལ་ཁྲིམས་འཆལ་ཅིང་སྡིག་ཆོས་ཅན། །ང་ཞེས་ང་རྒྱལ་དམ་དུ་
D133.056.0021a04.01གནས། །ཕན་ཚུན་དག་ནས་འདུས་ནས་ཀྱང་། །རྒྱལ་བའི་བསྟན་ལ་གད་མོས་འདེབས། །མདོ་སྡེ་དེ་དག་ཆོས་ཀྱི་རྒྱལ། །སངས་རྒྱས་ཀྱིས་ནི་མ་གསུངས་ཞེས། །མ་བསྡམས་དེ་དག་དེ་འདྲ་བའི། །ཚིག་དག་ཀྱང་ནི་བརྗོད་པར་འགྱུར། །གང་ཞིག་ཏིང་འཛིན་མདོ་འདི་ལ། །ཐོས་ནས་རྟོག་
D133.056.0021a05.01པར་མི་འགྱུར་བ། །མ་རུངས་ཆུད་ཟོས་མི་ཤེས་ཤིང་། །ལྟ་བ་ངན་ལ་དམིགས་ཅན་ནོ། །སངས་རྒྱས་ཀྱིས་ནི་གསུངས་པ་ཡི། །མདོ་སྡེ་འདི་འདྲ་འདི་དག་ལ། །བསོད་ནམས་ཆུང་ཞིང་དམིགས་གནས་པས། །དད་པར་བྱ་བ་མི་ནུས་སོ། །གང་ཞིག་མདོ་སྡེ་འདི་འདྲ་བ། །ཐོས་ནས་དགའ་
D133.056.0021a06.01བར་འགྱུར་བ་ནི། །མི་མཆོག་ཏུ་ནི་མི་འགྱུར་སྙམ། །དེ་ལ་ཐེ་ཙོམ་མ་བྱེད་ཅིག །གང་ཞིག་ཚུལ་ཁྲིམས་ཡོངས་དག་ཅིང་། །ལྟ་བའང་རྟག་ཏུ་དྲང་བ་དང་། །ཆོས་འདི་ལ་ནི་གུས་བཅས་པ། །ངས་ནི་དེ་ལ་ཆོས་བཤད་དོ། །གང་གིས་དཔའ་ཆེན་འཇིག་རྟེན་མགོན། །འོད་བྱེད་པ་ནི་མཐོང་
D133.056.0021a07.01