完整藏文原文 · 德格版页 当前仅加载第 56 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་ཕན་པ་དང་བདེ་བའི་ཕྱིར་ཞུགས་ཤིང་། བཟང་སྐྱོང་ཁྱོད་དེ་ལྟར་དེ་བཞིན་གཤེགས་པ་ལ་དོན་འདི་འདྲི་བར་སེམས་པ་ལེགས་སོ། །བཟང་སྐྱོང་ཁྱོད་ནི་སྔོན་གྱི་རྒྱལ་བ་ལ་བྱ་བ་བྱས་ཤིང་དགེ་བའི་རྩ་
D133.056.0008b01.01བ་བསྐྱེད་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པ། ཆོས་དོན་དུ་གཉེར་བ་ཆོས་འདོད་པ་མི་དམིགས་པར་ཚངས་པར་སྤྱོད་པ། བྱང་ཆུབ་སེམས་དཔའ་རྣམས་ཡང་དག་པར་སློབ་པར་བྱེད་པ། བྱང་ཆུབ་སེམས་དཔའ་རྣམས་ཡང་དག་པར་དགའ་
D133.056.0008b02.01བར་བྱེད་པ། བྱང་ཆུབ་སེམས་དཔའ་རྣམས་ལ་སྟོན་པ། བྱང་ཆུབ་སེམས་དཔའ་རྣམས་ལ་ཡང་དག་པར་འཛིན་དུ་འཇུག་པ། བྱང་ཆུབ་སེམས་དཔའ་རྣམས་ལ་ཡང་དག་པར་གཟེངས་སྟོད་པ། བྱང་ཆུབ་སེམས་དཔའ་རྣམས་ལ་ལུང་འབོག་པ། བྱང་ཆུབ་སེམས་དཔའ་རྣམས་
D133.056.0008b03.01ལ་སྒྲུབ་པར་བྱེད་པ། བྱང་ཆུབ་སེམས་དཔའ་རྣམས་ལ་ཕན་པར་འདོད་པ། སྙིང་རྗེ་ཆེ་བ། སེམས་ཅན་ཐམས་ཅད་ལ་སེམས་མཉམ་པ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ། སངས་རྒྱས་མཐོང་བ་སྨོན་ལམ་རྒྱ་ཆེ་བ། སྤྱོད་ཡུལ་ཟབ་པ། ཐམས་
D133.056.0008b04.01ཅད་མཁྱེན་པ་སེམས་པ། བྱང་ཆུབ་ཡང་དག་པར་འཛིན་པ། དེ་བཞིན་གཤེགས་པའི་གདུང་སྟོན་པ། བྱང་ཆུབ་ཀྱི་སེམས་རྡོ་རྗེ་ལྟ་བུ་དང་མཉམ་ཞིང་མཚུངས་པ། སེམས་ཅན་ཐམས་ཅད་ཀྱི་བསམ་པ་ཀུན་ཏུ་སྤྱོད་པ་ལ་མཁས་པ། སངས་རྒྱས་ཐམས་ཅད་དང་མངོན་
D133.056.0008b05.01སུམ་དུ་གནས་པ་སྟེ། བཟང་སྐྱོང་ཁྱོད་ཀྱི་ཡོན་ཏན་བརྗོད་ན་ལྟ་མཐར་མི་ཕྱིན་ཏོ། །བཟང་སྐྱོང་ད་ལྟར་གྱི་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་ཡོད་དེ། ཏིང་ངེ་འཛིན་དེ་བཟུང་ཞིང་མ་བརྗེད་ལ། རྣ་བླགས་ཏེ་ཉན་ཅིང་སེམས་མི། གཡེང་བ་རྙེད་ན། ཡོན་ཏན་
D133.056.0008b06.01གྱི་ཁྱད་པར་དེ་དག་རྙེད་པ་མི་དཀའ་བར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དེ་བས་ན་དེ་བཞིན་གཤེགས་པས་ཏིང་ངེ་འཛིན་དེ་བཤད་པར་གསོལ། དེ་ནི་
D133.056.0008b07.01