完整藏文原文 · 德格版页 当前仅加载第 56 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་ཏིང་ངེ་འཛིན་འདི་འདོད་པས་ཆོས་སྨྲ་བའི་དགེ་སློང་ལ་གུས་པ་དང་བཅས་ཤིང་ཞེ་ས་དང་བཅས་པར་བྱ་སྟེ། ཀླན་ཀ་བཙལ་བ་མེད་པའི་སེམས་ཀྱིས་སྟོན་པར་འདུ་ཤེས་བསྐྱེད་ལ། ཏིང་ངེ་འཛིན་འདི་ལ་སྦྱར་བར་བྱའོ། །བཟང་སྐྱོང་གལ་ཏེ་བྱང་ཆུབ་སེམས་
D133.056.0017a01.01དཔའ་དེས་ཆོས་སྨྲ་བའི་དགེ་སློང་དེ་ལ་ཀུན་ནས་མནར་སེམས་ཀྱི་སེམས་ཀྱིས་གནས་སམ། ཐ་བའི་སེམས་ཀྱིས་གནས་སམ། སེམས་མ་དད་པས་གནས་ན། བཟང་སྐྱོང་བྱང་ཆུབ་སེམས་དཔའ་དེས་ཏིང་ངེ་འཛིན་འདི་ཐོབ་པ་ནི་གནས་མ་ཡིན་ཏེ་སྐབས་མེད་དོ། །གལ་ཏེ་ཆོས་སྨྲ་བའི་དགེ་སློང་
D133.056.0017a02.01དེ་ལ་སྟོན་པའི་འདུ་ཤེས་མི་སྐྱེད་ན་ཡང་གནས་དེ་མེད་དོ། །བཟང་སྐྱོང་དེ་ཅིའི་ཕྱིར་ཞེ་ན། དེ་ལྟར་མ་གུས་པས་ནི་དམ་པའི་ཆོས་ནུབ་པར་འགྱུར་རོ། །བཟང་སྐྱོང་འདི་ལྟ་སྟེ། དཔེར་ན་མིག་དང་ལྡན་པའི་སྐྱེས་བུ་ཞིག་གིས་ནམ་ཐང་ཞིང་། སྤྲིན་མེད་པའི་མཚན་མོ་ནམ་གྱི་གུང་ཐུན་ལ་
D133.056.0017a03.01གདོང་གྱེན་དུ་བར་སྣང་ལ་བལྟས་ན། དེས་དེར་སྐར་མའི་གཟུགས་མང་པོ་རྣམས་མཐོང་ངོ་། །བཟང་སྐྱོང་དེ་བཞིན་དུ་སངས་རྒྱས་ཀྱིས་ཡོངས་སུ་བཟུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་འདི་ལ་གནས་པ་ནི་ནམ་མཁའི་འདུ་ཤེས་ཤིན་ཏུ་ཉེ་བར་གནས་
D133.056.0017a04.01ཤིང་སངས་རྒྱས་ཀྱི་འདུ་ཤེས་ཤིན་ཏུ་བྱིན་གྱིས་བརླབས་པའི་ཕྱིར་སངས་རྒྱས་ཀྱི་མཐུ་དང་། ཏིང་ངེ་འཛིན་འདི་བསྒོམས་པས་འཇིག་རྟེན་གྱི་ཁམས་གཞན་དུ་ཤར་ཕྱོགས་སུ་བལྟས་ན། ཚེགས་ཆུང་ངུས་སངས་རྒྱས་མང་པོ་རྣམས་མིག་གི་དབང་པོ་ལ་སྣང་བར་འགྱུར་རོ། །ཚེགས་
D133.056.0017a05.01ཆུང་ངུས་སངས་རྒྱས་བརྒྱ་ཕྲག་མང་པོ་དང་། སངས་རྒྱས་སྟོང་ཕྲག་མང་པོ་དང་། སངས་རྒྱས་བརྒྱ་སྟོང་ཕྲག་མང་པོ་དང་། སངས་རྒྱས་བྱེ་བ་ཕྲག་མང་པོ་དང་། སངས་རྒྱས་བྱེ་བ་བརྒྱ་ཕྲག་མང་པོ་དང་། སངས་རྒྱས་བྱེ་བ་སྟོང་ཕྲག་མང་པོ་དང་། སངས་རྒྱས་བྱེ་བ་བརྒྱ་སྟོང་ཕྲག་
D133.056.0017a06.01མང་པོ་དང་། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་ཚེགས་ཆུང་ངུས་མིག་གི་དབང་པོ་ལ་སྣང་བར་འགྱུར་རོ། །དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དང་། ཕྱོགས་མཚམས་བཞི་དང་། འོག་གི་ཕྱོགས་དང་། སྟེང་གི་ཕྱོགས་རྒྱས་པར་བྱ་སྟེ། དེ་ལྟར་
D133.056.0017a07.01