完整藏文原文 · 德格版页 当前仅加载第 56 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་བརྩོན་པར་རིག་པར་བྱའོ། །བཞི་གང་ཞེ་ན། འདི་ལྟ་སྟེ། ཆོས་ཐམས་ཅད་གཟུང་དུ་མེད་པའི་དངོས་པོར་ཡོངས་སུ་གཅོད་པའི་ཤེས་པས་བྱང་ཆུབ་སེམས་དཔའ་ཏིང་ངེ་འཛིན་འདི་ལ་བརྩོན་པར་རིག་པར་བྱའོ། །སངས་རྒྱས་ཀྱི་སྐུ་དམིགས་པ་རྣམ་པར་སྒོམ་པ་ལ་
D133.056.0066a01.01མཁས་པས་བྱང་ཆུབ་སེམས་དཔའ་ཏིང་ངེ་འཛིན་འདི་ལ་བརྩོན་པར་རིག་པར་བྱའོ། །དམིགས་པ་ཐམས་ཅད་དུ་སངས་རྒྱས་དམིགས་པ་ཡིད་ལ་བྱེད་པས་བྱང་ཆུབ་སེམས་དཔའ་ཏིང་ངེ་འཛིན་འདི་ལ་བརྩོན་པར་རིག་པར་བྱའོ། །ཆོས་ཐམས་ཅད་དངོས་པོ་དང་བྲལ་བར་མོས་པ་ལ་མཁས་པས་བྱང་
D133.056.0066a02.01ཆུབ་སེམས་དཔའ་ཏིང་ངེ་འཛིན་འདི་ལ་བརྩོན་པར་རིག་པར་བྱ་སྟེ། བཟང་སྐྱོང་ཆོས་དེ་བཞི་དང་ལྡན་ན་བྱང་ཆུབ་སེམས་དཔའ་ཏིང་ངེ་འཛིན་འདི་བཙལ་བ་ལ་མངོན་པར་བརྩོན་པར་རིག་པར་བྱའོ། །བཟང་སྐྱོང་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་ཀུན་ཏུ་འཁྲུག་པའི་ཚེ་སེམས་ཅན་ཐམས་
D133.056.0066a03.01ཅད་ལ་ཕན་གདགས་པ་དང་། སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་གང་ལ་ལ་ཞིག་ཏིང་ངེ་འཛིན་འདི་བཙལ་བ་ལ་བརྩོན་པར་གྱུར་ཅིང་། དེ་འདི་སྙམ་དུ་ཏིང་ངེ་འཛིན་འདི་ཇི་ལྟར་ན་ཤིན་ཏུ་རྒྱས་པ་དང་། རྒྱ་ཆེ་བ་དང་། ཡུན་རིང་དུ་གནས་པར་འགྱུར་སྙམ་དུ་སེམས་བསྐྱེད་པར་གྱུར་ན། རིགས་ཀྱི་བུ་
D133.056.0066a04.01དེའི་བསོད་ནམས་མང་དུ་བསྐྱེད་དེ། བསོད་ནམས་ཀྱི་ཕུང་པོ་དེ་ཐམས་ཅད་མཁྱེན་པ་ཉིད་དུ་གཞོལ་བར་རིག་པར་བྱ་བ་མ་གཏོགས་པར་བསོད་ནམས་ཀྱི་ཕུང་པོ་དེའི་མཐའ་རྟོགས་པར་མི་ནུས་སོ། །དེ་དག་གི་བསོད་ནམས་ཀྱི་ཕུང་པོ་དེ་སྨོན་ལམ་གྱི་དབང་གིས་མྱུར་དུ་ཐམས་ཅད་མཁྱེན་པ་ཉིད་དུ་གཞོལ་
D133.056.0066a05.01བར་འགྱུར་ཏེ། དགེ་བའི་རྩ་བའི་ཚོགས་ཆེན་པོ་དང་ལྡན་པ། བདག་མེད་པར་གནས་པ་ལས་ངེས་པར་བྱུང་བ། གང་དག་གིས་བསྐལ་པ་ཚད་མེད་གྲངས་མེད་གཞལ་དུ་མེད་བསམ་གྱིས་མི་ཁྱབ་པའམ། དེ་བས་ཀྱང་ལྷག་པར་གོ་ཆ་ཆེན་པོ་བགོས་པ་རྣམས་ནི་མ་གཏོགས་ཏེ། དེ་དག་ཐམས་ཅད་ནི་
D133.056.0066a06.01བསམ་པ་ཇི་ལྟ་བ་བཞིན་དུ་ཐམས་ཅད་ཡོངས་སུ་རྫོགས་པར་འགྱུར། དེ་དག་ཐམས་ཅད་ནི་སྤྱོད་པའི་ཁྱད་པར་ཇི་ལྟ་བ་དང་། ཚོགས་ཇི་ལྟ་བ་བཞིན་དུ་ངེས་པར་འབྱུང་ངོ་། །བཟང་སྐྱོང་བྱང་ཆུབ་སེམས་དཔའི་ཐེག་པ་ལ་ཞུགས་པའི་རིགས་ཀྱི་བུའམ། རིགས་ཀྱི་བུ་མོ་ཆོས་ཐམས་ཅད་ཀྱི་ཕ་རོལ་
D133.056.0066a07.01