完整藏文原文 · 德格版页 当前仅加载第 56 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་དེ་ལ་དེས་སྟོན་པའི་འདུ་ཤེས་བསྐྱེད་པར་བྱའོ། །ཆོས་སྨྲ་བའི་རིགས་ཀྱི་བུ་དེ་ལ་བསྙེན་བཀུར་ཐམས་ཅད་ཀྱིས་བསྙེན་བཀུར་བྱེད་ཅིང་ཕྱི་བཞིན་འབྲང་བར་བྱའོ། །ཐ་ན་ཏིང་ངེ་འཛིན་འདི་མཉན་པ་ཙམ་གྱི་ཕྱིར་ཡང་ལོ་གཅིག་གམ། གཉིས་སམ། གསུམ་མམ། བཞིའམ།
D133.056.0063a01.01ལྔའམ། ལོ་བཅུའམ། བརྒྱའམ། ཇི་སྲིད་འཚོ་བའི་བར་དུ་ཕྱི་བཞིན་འབྲང་བར་བྱ་ན་ལུང་མནོད་པའམ། ཀུན་ཆུབ་པར་བྱ་བའམ། བྲི་བའམ། བཅང་བའམ། བསྒྲག་པའམ། བསྒོམ་པའི་ཕྱིར་ལྟ་སྨོས་ཀྱང་ཅི་དགོས། བཟང་སྐྱོང་རིགས་ཀྱི་བུའམ། རིགས་ཀྱི་བུ་མོ་དེས་རང་ཉམ་གཏང་བར་
D133.056.0063a02.01བྱ་སྟེ། བཏང་ནས་ཀྱང་སློབ་དཔོན་དེའི་བློ་བཞིན་དུ་འཇུག་པར་བྱའོ། །གུས་པ་དང་བཅས་པ་དང་། ཞེ་ས་དང་བཅས་པས་སློབ་དཔོན་གྱི་ཕྱིར་འབྲང་བར་བྱའོ། །བཀའ་བཞིན་དུ་བྱེད་པས་ཕྱི་བཞིན་འབྲང་བར་བྱའོ། །བཀའ་མི་གཅོག་པ་དང་། མཛའ་བ་བརྟག་པ་དང་། ངོ་མི་རྟག་པ་སྤངས་པ་དང་།
D133.056.0063a03.01ཉེས་པར་ལྟ་བ་མེད་པས་ཕྱི་བཞིན་འབྲང་བར་བྱའོ། །དགེ་བའི་བཤེས་གཉེན་གྱི་འདུ་ཤེས་ཀྱང་བསྐྱེད་པར་བྱའོ། །དེ་ལ་སྟོན་པའི་འདུ་ཤེས་ཀྱང་ཉེ་བར་གཞག་པར་བྱའོ། །བཟང་སྐྱོང་བྱང་ཆུབ་སེམས་དཔའ་དེས་སློབ་དཔོན་དེ་ལ་དེ་ལྟར་ནན་ཏན་བྱེད་ན་སྔོན་ཆོས་ཀྱིས་ཕོངས་པར་འགྱུར་བའི་ལས་བྱས་ཤིང་
D133.056.0063a04.01བསགས་པ་མ་གཏོགས་པར་ཐ་ན་ཏིང་ངེ་འཛིན་འདི་ཉན་པ་ཙམ་ཡང་མི་ཐོབ་པ་ནི་གནས་མ་ཡིན་སྐབས་མ་ཡིན་ཏེ་དེ་ནི་གནས་མེད་དོ། །བྱང་ཆུབ་སེམས་དཔའ་དེས་སློབ་དཔོན་དེ་ལ་ཁྲེལ་ཡོད་པ་དང་། བྱས་པ་གཟོ་བ་དང་བྱས་པ་ཤེས་པར་བྱའོ། །དེ་ལྟར་ན་དེའི་ཏིང་ངེ་འཛིན་དེའི་ཚིག་དང་ཡི་གེ་དེ་ཡུན་
D133.056.0063a05.01རིང་དུ་གནས་པ་དང་། རྨོངས་པ་མེད་པར་འགྱུར་ན། བཟང་སྐྱོང་བྱང་ཆུབ་སེམས་དཔའ་གང་ཏིང་ངེ་འཛིན་འདི་གྲོང་གཞན་ན་ཡོད་པར་ཐོས་སམ་གྲོང་གི་ཞིང་གཞན་ན་ཡོད་པར་ཐོས་ལ། ཐོས་ནས་ཀྱང་ཐ་ན་མཉན་པ་ཙམ་གྱི་ཕྱིར་ཡང་འགྲོ་བར་བྱ་བ་ལྟ་ཅི་སྨོས། ལུང་མནོད་པར་བྱ་བ་དང་། ཀུན་ཆུབ་པར་
D133.056.0063a06.01བྱ་བ་དང་། བཅང་བར་བྱ་བ་དང་། བཀླག་པར་བྱ་བ་དང་། བྲི་བར་བྱ་བ་དང་། བསྒོམ་པར་བྱ་བ་དང་། གཞན་དག་ལ་ཡང་ཡང་དག་པར་བསྒྲག་པར་བྱ་བའི་ཕྱིར་ལྟའང་སྨོས་ཀྱང་ཅི་དགོས། བཟང་སྐྱོང་བྱང་ཆུབ་སེམས་དཔའ་གང་ཏིང་ངེ་འཛིན་འདི་ཚོལ་བས་ཐ་ན་ཏིང་ངེ་འཛིན་འདི་ཐོས་པ་ཙམ་ཡང་
D133.056.0063a07.01