完整藏文原文 · 德格版页 当前仅加载第 56 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཟང་སྐྱོང་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ལྔ་བརྒྱ་ཙམ་པོ་དེ་དག་ལ་ཆོས་ཀྱི་གཏམ་གྱིས་ཡང་དག་པར་རབ་ཏུ་དགའ་བར་མཛད། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་མགུ་བར་མཛད་
D133.056.0039a01.01དོ། །དེ་དག་དགའ་བའི་སེམས་དང་། སྐྱོན་མེད་པའི་སེམས་དང་། འཇམ་པའི་སེམས་དང་། འདོད་པར་བྱ་བའི་སེམས་དང་། དང་བའི་སེམས་དང་། སྒྲིབ་པ་དང་བྲལ་བའི་སེམས་ཀྱིས་བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་སེམས་
D133.056.0039a02.01དཔའ་ཆེན་པོ་བཟང་སྐྱོང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་དུ་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་འདི་འཐོབ་པར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་
D133.056.0039a03.01དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་ཆོས་བཞི་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་འདི་འཐོབ་པོ། །བཞི་གང་ཞེ་ན། འདི་ལྟ་སྟེ། གཞན་མུ་སྟེགས་ཅན་གྱི་གསང་ཚིག་ལ་མི་རྟེན་པ་དང་། འདོད་པའི་ཡོན་ཏན་ལ་མི་ཆགས་
D133.056.0039a04.01པ་དང་། སྦྱངས་པའི་ཡོན་ཏན་དང་ཡོ་བྱད་བསྙུངས་པ་རྣམས་ཀྱིས་མ་ཕམ་པ་དང་། སྲིད་པའི་འགྲོ་བའི་སྐྱེ་བའི་གནས་རྣམས་ལ་སྨོད་པ་སྟེ། བཟང་སྐྱོང་ཆོས་བཞི་པོ་དེ་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་འདི་འཐོབ་པོ། །བཟང་སྐྱོང་བྱང་ཆུབ་
D133.056.0039a05.01སེམས་དཔའ་གང་ལ་ལ་ཞིག་ཏིང་ངེ་འཛིན་འདི་འཆང་བར་བྱེད། ཀློག་པར་བྱེད། ཡི་གེར་འདྲི་བར་བྱེད། འཛིན་པར་བྱེད། ཀུན་ཆུབ་པར་བྱེད། གཞན་དག་ལ་ཡང་རྒྱ་ཆེར་ཡང་དག་པར་སྟོན་པར་བྱེད་ན། བཟང་སྐྱོང་བྱང་ཆུབ་སེམས་དཔའ་དེའི་ཡོན་ཏན་གང་ཚེ་འདི་ཉིད་ལ་འཐོབ་པར་
D133.056.0039a06.01འགྱུར་བ་ལྔ་བརྒྱ་ཡོད་པར་རིག་པར་བྱའོ། །ལྔ་བརྒྱ་གང་ཞེ་ན། བཟང་སྐྱོང་འདི་ལྟ་སྟེ་དཔེར་ན། བྱམས་པ་ལ་གནས་པའི་ལུས་ལ་དུག་གིས་མི་ཚུགས། མཚོན་གྱིས་མི་ཚུགས། ཆུར་མི་འཆི། མེས་མི་འཚིག །རྒྱལ་པོ་གླགས་ལྟ་བ་དག་གིས་གླགས་མི་རྙེད་པ་དེ་བཞིན་དུ་
D133.056.0039a07.01