完整藏文原文 · 德格版页 当前仅加载第 56 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྩུབ་ལ། །བརྟག་དང་ལྡན་ལ་ཤིན་ཏུ་དད་པ་ཅན། །འཆག་སར་ཞུགས་ཤིང་བརྩོན་འགྲུས་རྩོམ་བྱེད་པས། །ཏིང་འཛིན་འདི་ནི་རབ་ཏུ་འདོད་པར་བྱ། །དགེ་སློང་རྟག་ཏུ་བསོད་སྙོམས་སྤྱད་བྱ་སྟེ། །མགྲོན་དུ་བོས་པའང་སྤང་ན་སོགས་ཅི་སྨོས། །དོན་དམ་དམིགས་སུ་མེད་ལ་རབ་ཏུ་
D133.056.0054b01.01མཁས། །དེ་འདྲ་དེས་ནི་ཏིང་འཛིན་འདི་ཟུང་ཤིག །གང་ལས་ཏིང་འཛིན་འཕགས་པ་འདི་བྲིས་སམ། །བཅངས་སམ་གཞན་དག་ལ་ཡང་བསྟན་བྱས་ན། །དེ་ལས་དེས་ནི་དང་པོར་འདི་ཐོབ་ནས། །མཁས་པས་དེ་ལ་སྟོན་པར་འདུ་ཤེས་བསྐྱེད། །ཡོན་ཏན་ཕུན་སུམ་ཚོགས་པར་
D133.056.0054b02.01འདིར་གནས་ཏེ། །གང་ཞིག་ཏིང་འཛིན་འདི་ལུང་ནོད་བྱེད་པ། །དེ་ནི་རྒྱལ་བས་གནང་ཞིང་རྡུལ་བྲལ་ལ། །རྣམ་པར་དག་པའི་ཆོས་བརྒྱད་མྱུར་དུ་འཛིན། །མཁས་པ་གང་ལ་ཡོན་ཏན་འདི་སྣང་བ། །ཚུལ་ཁྲིམས་ཀྱང་ནི་རྣམ་པར་དག་པར་འགྱུར། །ཏིང་འཛིན་དག་ཅིང་དེ་
D133.056.0054b03.01བཞིན་ལྟ་བ་དག །དེས་ནི་སྲིད་པར་སྲེད་པ་དག་ཀྱང་སྦྱངས། །མཁས་པ་གང་ལ་ཡོན་ཏན་འདི་སྣང་བ། །ཡང་སྲིད་མེད་པས་ཤེས་རབ་རྣམ་པར་དག །རྟེན་པ་དག་ཀྱང་མེད་ཅིང་གཏོང་བ་དག །མང་དུ་ཐོས་ཤིང་ཉམས་པར་མི་འགྱུར་རོ། །མཁས་པ་གང་ལ་ཡོན་ཏན་འདི་སྣང་བ། །བརྩོན་འགྲུས་
D133.056.0054b04.01བརྩམས་ཤིང་བྱང་ཆུབ་ལས་མི་ཉམས། །རྙེད་དང་བཀུར་སྟི་ཅུང་ཟད་མི་རྟེན་ཏེ། །དེ་ནི་བླ་ན་མེད་པའི་བྱང་ཆུབ་འགྱུར། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་བཅུ་དགུ་པའོ།། །།བཟང་སྐྱོང་ཆོས་བརྒྱད་པོ་འདི་དག་དང་ལྡན་ན་བྱང་ཆུབ་སེམས་དཔའ་དེ་བཞིན་
D133.056.0054b05.01གཤེགས་པའི་སྟོབས་བཅུ་འཐོབ་བོ། །བཅུ་གང་ཞེ་ན། བཟང་སྐྱོང་འདི་ལ་དེ་བཞིན་གཤེགས་པ་གནས་ལ་གནས་སུ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནས་མ་ཡིན་པ་ལ་གནས་མ་ཡིན་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། བཟང་སྐྱོང་གང་ཡང་དེ་
D133.056.0054b06.01བཞིན་གཤེགས་པས་གནས་ལ་གནས་དང་། གནས་མ་ཡིན་པ་ལ་ཡང་གནས་མ་ཡིན་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་པ་འདི་ནི་བཟང་སྐྱོང་། དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་སྟོབས་དང་པོ་སྟེ། སྟོབས་དེ་ལ་བརྟེན་ནས། དེ་བཞིན་
D133.056.0054b07.01