完整藏文原文 · 德格版页 当前仅加载第 56 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
སྲུང་ངོ་། །རྒྱལ་པོ་ཆེན་པོ་བཞི་དང་། ལྷ་རྣམས་ཀྱི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། ལྷའི་བུ་མཚམས་{བཟངས་,བཟང་}རྣམས་ཀྱང་སྲུང་ངོ་། །དེ་དག་ལས་གཞན་པ་ལྷའི་བུ་གཟི་བརྗིད་ཆེ་བ་གཟི་བརྗིད་ཆེ་བ་དག་ཀྱང་སྲུང་ངོ་། །བྱང་ཆུབ་སེམས་
D133.056.0040a01.01དཔའ་སེམས་དཔའ་ཆེན་པོ་རྣམས་ཀྱང་སྲུང་ངོ་། །སངས་རྒྱས་བཅོམ་ལྡན་འདས་རྣམས་ཀྱང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ལ་སྲུང་ངོ་། །བཟང་སྐྱོང་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ལྷ་རྣམས་དང་། ཀླུ་རྣམས་དང་། གནོད་སྦྱིན་
D133.056.0040a02.01རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མིའམ་ཅི་རྣམས་དང་། ལྟོ་འཕྱེ་ཆེན་པོ་རྣམས་དང་། བརྒྱ་བྱིན་དང་། ཚངས་པ་རྣམས་དང་། རྒྱལ་པོ་ཆེན་པོ་རྣམས་དང་། བྱང་ཆུབ་སེམས་དཔའ་རྣམས་དང་། སངས་རྒྱས་བཅོམ་ལྡན་འདས་རྣམས་ལ་སྡུག་
D133.056.0040a03.01པར་འགྱུར་རོ། །བཟང་སྐྱོང་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་ལྷ་རྣམས་ཀྱང་སྙན་པར་སྒྲོགས་སོ། །ཀླུ་རྣམས་ཀྱང་སྙན་པར་སྒྲོགས་སོ། །གནོད་སྦྱིན་རྣམས་ཀྱང་སྙན་པར་སྒྲོགས་སོ། །མི་རྣམས་ཀྱང་སྙན་པར་སྒྲོགས་སོ། །མི་མ་ཡིན་པ་རྣམས་ཀྱང་
D133.056.0040a04.01སྙན་པར་སྒྲོགས་སོ། །ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱང་སྙན་པར་སྒྲོགས་སོ། །བརྒྱ་བྱིན་དང་། ཚངས་པ་དང་། རྒྱལ་པོ་ཆེན་པོ་རྣམས་ཀྱང་སྙན་པར་སྒྲོགས་སོ། །བྱང་ཆུབ་སེམས་དཔའ་རྣམས་དང་། སངས་རྒྱས་བཅོམ་
D133.056.0040a05.01ལྡན་འདས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་སྙན་པར་སྒྲོགས་སོ། །བཟང་སྐྱོང་གཞན་ཡང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ལ་ལྷ་རྣམས་ཀྱང་ལྟ་བར་འདོད་དོ། །ཀླུ་རྣམས་ཀྱང་ལྟ་བར་འདོད་དོ། །གནོད་སྦྱིན་རྣམས་ཀྱང་ལྟ་བར་འདོད་དོ། །དྲི་
D133.056.0040a06.01ཟ་རྣམས་ཀྱང་ལྟ་བར་འདོད་དོ། །མི་འམ་ཅི་རྣམས་ཀྱང་ལྟ་བར་འདོད་དོ། །མི་རྣམས་ཀྱང་ལྟ་བར་འདོད་དོ། །མི་མ་ཡིན་པ་རྣམས་ཀྱང་ལྟ་བར་འདོད་དོ། །ལྷ་མ་ཡིན་དང་། ནམ་མཁའ་ལྡིང་དང་། ལྟོ་འཕྱེ་ཆེན་པོ་རྣམས་ཀྱང་ལྟ་བར་འདོད་དོ། །བྱང་ཆུབ་སེམས་དཔའ་རྣམས་དང་།
D133.056.0040a07.01