完整藏文原文 · 德格版页 当前仅加载第 56 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་རྒྱལ་ལ་རི་མོ་བྱས་པས་ནི། །རྫུ་འཕྲུལ་སྟོབས་ལ་གནས་ཤིང་ཡིད་རྣོ་བས། །འཇིག་རྟེན་ཀུན་ན་ཕྱོགས་བཅུར་རྣམ་པར་སྣང་། །ཡོན་ཏན་ཚད་མེད་པ་ནི་ཀུན་དང་ལྡན། །ལག་པ་རྐང་པ་དེ་བཞིན་མགོ་བོ་མིག །རྒྱལ་སྲིད་རྟ་དང་བ་གླང་ཐམས་ཅད་དང་། །འཇིག་རྟེན་པ་ཡི་རིན་ཆེན་
D133.056.0053b01.01ཀུན་གཏོང་ཡང་། །ཚུལ་ཁྲིམས་ཕུང་པོ་ཡོངས་སུ་གཏོང་མི་བྱེད། །སྙིང་རྗེ་བསྐྱེད་ནས་འཇིག་རྟེན་ཀུན་ཕན་ཕྱིར། །ཆོས་ཀྱི་གཙོ་བོ་རིན་ཆེན་སྟོན་པར་བྱེད། །འདུས་བྱས་མ་ལུས་ཐམས་ཅད་སྤོང་བྱེད་ཀྱང་། །བྱང་ཆུབ་སེམས་ནི་ཡོངས་སུ་གཏོང་མི་བྱེད། །དགེ་སློང་དང་ནི་རྒྱལ་སྲས་
D133.056.0053b02.01ལེགས་ཞུགས་དང་། །དེ་བཞིན་དགེ་སློང་མ་དང་དགེ་བསྙེན་དང་། །དད་ལྡན་ཆགས་དང་བྲལ་བའི་དགེ་བསྙེན་མས། །རྗེས་སུ་དྲན་པར་བྱས་ན་གནས་འདི་འཐོབ། །ཏིང་འཛིན་ཞི་བ་འདི་ནི་སུ་འཆང་བའི། །བདེ་གཤེགས་སྲས་པོ་ཏིང་ངེ་འཛིན་མཁས་པ། །དེ་ལ་ཡོན་ཏན་མང་པོ་དེ་དག་
D133.056.0053b03.01འབྱུང་། །བླ་མེད་རྣམ་པ་མང་པོའི་གནས་འབྱུང་ངོ་། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་{བཅྭ་,བཅོ་}བརྒྱད་པའོ།། །།བཟང་སྐྱོང་དེ་ལྟ་བས་ན། བྱང་ཆུབ་སེམས་དཔའ་གང་ཏིང་ངེ་འཛིན་འདི་འཆད་པའམ་འཐོབ་པར་འདོད་པ་དེས་དང་པོ་ཉིད་ནས་མཚན་མའི་འདུ་
D133.056.0053b04.01ཤེས་རྣམས་བསལ་བར་བྱའོ། །མཚན་མའི་འདུ་ཤེས་རྣམས་བསལ་ནས་ལྷག་པའི་ང་རྒྱལ་དུ་མི་བྱ་སྟེ། བྱང་ཆུབ་སེམས་དཔའ་ལྷག་པའི་ང་རྒྱལ་སྤངས་ཤིང་། ཡིད་ལ་མཚན་མ་དང་བྲལ་བས། ཏིང་ངེ་འཛིན་འདི་ལུང་མནོད་པར་བྱ་སྟེ། བརྩད་པར་མི་བྱའོ། །དེ་ལ་ཇི་ལྟར་ན་རྩོད་
D133.056.0053b05.01པ་མེད་པར་འགྱུར་ཞེ་ན། གང་སྟོང་པ་ཉིད་མི་སྤོང་བ་སྟེ། འདི་ནི་རྩོད་པ་མེད་པའོ། །བཟང་སྐྱོང་རྩོད་པ་མེད་པ་གཙོ་བོར་བྱེད་པའི་བྱང་ཆུབ་སེམས་དཔས་ཏིང་ངེ་འཛིན་འདི་ལུང་མནོད་པར་བྱའོ། །བཟང་སྐྱོང་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག །ཏིང་ངེ་འཛིན་འདི་ལུང་ནོད་
D133.056.0053b06.01པར་འདོད་པར་གྱུར་ན། དེས་ཆོས་བཅུ་དང་ལྡན་པར་བྱ་སྟེ། ཏིང་ངེ་འཛིན་འདི་ལུང་མནོད་པར་བྱའོ། །བཅུ་གང་ཞེ་ན། འདི་ལྟ་སྟེ། བཟང་སྐྱོང་ང་རྒྱལ་བཅོམ་པའི་རིགས་ཀྱི་བུ་དང་རིགས་ཀྱི་བུ་མོ་གཞན་གྱི་རྙེད་པ་དང་བཀུར་སྟི་དང་། ཚིགས་སུ་བཅད་པ་ལ་ཕྲག་དོག་མེད་པ་དང་། གུས་པ་དང་བཅས་ཤིང་
D133.056.0053b07.01