完整藏文原文 · 德格版页 当前仅加载第 56 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་དག་ཀྱང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ལ་ཐ་ན་རྨི་ལམ་དུའང་ཞལ་སྟོན་པར་མཛད་དོ། །མིང་ནས་བརྗོད་པར་ཡང་མཛད་དོ། །བཟང་སྐྱོང་གཞན་ཡང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ལ། བྱང་ཆུབ་སེམས་དཔའ་
D133.056.0040b01.01རྣམས་ཀྱང་ལྟ་བར་འདོད་དོ། །སངས་རྒྱས་བཅོམ་ལྡན་འདས་རྣམས་ཀྱང་གཟིགས་པར་བཞེད་དོ། །བཟང་སྐྱོང་གཞན་ཡང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ལ་ལྷ་རྣམས་ཀྱང་ལྟར་འོང་ངོ་། །ཀླུ་རྣམས་ཀྱང་ལྟར་འོང་ངོ་། །གནོད་སྦྱིན་དང་། ལྷ་མ་ཡིན་དང་། ནམ་
D133.056.0040b02.01མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་རྣམས་ཀྱང་ལྟར་འོང་ངོ་། །ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། ལྷའི་བུ་མཚམས་{བཟངས་ཀྱང་,བཟང་ཡང་}ལྟར་འོང་ངོ་། །བཟང་སྐྱོང་གཞན་ཡང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ལ་
D133.056.0040b03.01མ་བཤད་ཅིང་མ་ཐོས་པའི་མདོ་སྡེ་དག་ཀྱང་ཐ་ན་རྨི་ལམ་དུ་ཡང་སྒྲ་གྲག་ཅིང་དབྱངས་ཐོས་པར་འགྱུར་རོ། །བཟང་སྐྱོང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་གང་ཏིང་ངེ་འཛིན་འདི་འཛིན་ཏམ། ཀུན་ཆུབ་པར་བྱེད་དམ། འཆང་ངམ། ཀློག་གམ། ཡི་གེར་འདྲི་འམ། འཆད་པར་
D133.056.0040b04.01བྱེད་པ་དེ་ལ་བསྐལ་པའམ། བསྐལ་པ་ལས་ལྷག་པར་ཡང་ང་སྙན་པ་བརྗོད་ཅིང་ཡོན་ཏན་སྒྲོགས་པར་བྱེད་ན། གང་སྒྲུབ་པར་བྱེད་པ་ལྟ་ལ་སྨོས་ཀྱང་ཅི་དགོས། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །བྱང་ཆུབ་སེམས་དཔའ་གང་ཞིག་ཏིང་ངེ་
D133.056.0040b05.01འཛིན། །བདེ་བར་གཤེགས་པས་གསུངས་པ་འདི་འཆད་པའི། །ཡོན་ཏན་ཡོངས་སུ་བཤད་པར་བྱ་བ་ནི། །གང་གཱའི་བྱེ་མ་སྙེད་ལས་གཅིག་བླངས་བཞིན། །གང་ཞིག་ཏིང་ངེ་འཛིན་འདི་འཆང་བྱེད་པ། །དེ་ལ་མེ་དང་མཚོན་གྱིས་མི་ཚུགས་ཤིང་། །དེ་ལ་རྐུན་པོས་གནོད་པ་བྱེད་མི་
D133.056.0040b06.01འགྱུར། །དེ་ལ་རྒྱལ་པོ་མི་བྱམས་མི་བྱེད་དོ། །གདུག་པའི་སྦྲུལ་དག་འཁྲུགས་ཤིང་འཇིགས་བྱེད་པས། །གདུག་པའི་ཡིད་ཀྱིས་མི་ལ་འཚེ་བྱེད་ན། །གང་ཞིག་ཏིང་འཛིན་འདི་ལ་འཇུག་བྱེད་པ། །དེ་ཡི་བྱིན་གྱིས་དེ་དག་དུག་མེད་འགྱུར། །མི་དང་ཀླུ་དང་གནོད་སྦྱིན་སྲིན་པོ་དག །ཕས་ཀྱི་
D133.056.0040b07.01