完整藏文原文 · 德格版页 当前仅加载第 56 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
དབུགས་འབྱིན་པ་ཐོབ་པར་གནས་སོ། །བག་ཚ་བ་མེད་པ་ཐོབ་པར་གནས་སོ། །བདེ་བ་ཐོབ་པར་གནས་སོ། །མི་འཇིགས་པ་ཐོབ་པར་གནས་སོ། །འཁོར་གྱི་ནང་དུ་གཤེགས་ཏེ། སེང་གེའི་སྒྲ་ཡང་དག་པར་བསྒྲག་པར་བྱའོ། །འཇིག་རྟེན་ན་དགེ་སྦྱོང་ངམ། བྲམ་ཟེ་
D133.056.0058a01.01འམ། ལྷའམ། བདུད་དམ། ཚངས་པའམ། སུས་ཀྱང་ཆོས་དང་འཐུན་པར་མ་བསྐོར་བའི་ཚངས་པའི་འཁོར་ལོ་བསྐོར་བར་བྱའོ་ཞེས་བྱ་བ་འདི་ནི་བཟང་སྐྱོང་གང་བྱང་ཆུབ་སེམས་དཔས་ཏིང་ངེ་འཛིན་འདི་ལ་ཞུགས་ན་འཐོབ་པར་འགྱུར་བའི་དེ་བཞིན་གཤེགས་པ་རྣམས་ཀྱི་དེ་བཞིན་
D133.056.0058a02.01གཤེགས་པའི་མི་འཇིགས་པ་གསུམ་པའོ། །བཟང་སྐྱོང་གཞན་ཡང་གང་ངས་འཕགས་པའི་ངེས་པར་འབྱུང་བར་འགྱུར་བ་དེ་བྱེད་པའི་སྡུག་བསྔལ་ཡང་དག་པར་ཟད་པར་འགྱུར་བའི་ཆོས་བཤད་པ་དེ་ལ་འཇིག་རྟེན་ན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ།
D133.056.0058a03.01སུས་ཀྱང་ཆོས་དང་འཐུན་པར་ཚིག་ཏུ་བརྗོད་ཅིང་རྒོལ་བར་འགྱུར་བའི་རྒྱུ་ཡང་དག་པར་རྗེས་སུ་མི་མཐོང་སྟེ། རྒྱུ་ཡང་དག་པར་རྗེས་སུ་མ་མཐོང་བས་དབུགས་འབྱིན་པ་ཐོབ་པར་གནས་སོ། །བག་ཚ་བ་མེད་པ་ཐོབ་པར་གནས་སོ། །བདེ་བ་ཐོབ་པར་གནས་སོ། །མི་འཇིགས་པ་ཐོབ་པར་
D133.056.0058a04.01གནས་སོ། །འཁོར་གྱི་ནང་དུ་གཤེགས་ཏེ་སེང་གེའི་སྒྲ་ཡང་དག་པར་བསྒྲག་པར་བྱའོ། །འཇིག་རྟེན་ན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་ཆོས་དང་འཐུན་པར་མ་བསྐོར་བའི་ཚངས་པའི་འཁོར་ལོ་བསྐོར་བར་བྱའོ། །ཞེས་བྱ་བ་འདི་ནི་བཟང་
D133.056.0058a05.01སྐྱོང་བྱང་ཆུབ་སེམས་དཔས་ཏིང་ངེ་འཛིན་འདི་ལ་ཞུགས་ན་ཐོབ་པར་འགྱུར་བའི་དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་མི་འཇིགས་པ་བཞི་པའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སངས་རྒྱས་མི་འཇིགས་གང་ཡིན་པ། །
D133.056.0058a06.01མི་འཇིགས་རྣམས་ནི་བཤད་པར་བྱ། །སེང་གེའི་སྒྲ་ནི་བསྒྲག་བྱས་ཏེ། །འཁོར་རྣམས་ལ་ནི་ཆོས་ཀྱང་སྟོན། །ཡང་དག་རྫོགས་སངས་རྒྱས་སྨྲ་ལ། །ཆོས་འདི་སངས་རྒྱས་མ་གྱུར་ཅེས། །རྒོལ་བ་དེ་ནི་མ་མཐོང་སྟེ། །དེ་ཕྱིར་སངས་རྒྱས་མི་འཇིགས་པའོ། །ཟག་
D133.056.0058a07.01