完整藏文原文 · 德格版页 当前仅加载第 56 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
གཏད་གྱིས། ཁྱེད་ཀྱིས་ཀྱང་ཅི་ནས་ཀྱང་བྲི་བར་བྱའོ། །མཉན་པར་བྱའོ། །གཟུང་བར་བྱའོ། །ཀུན་ཆུབ་པར་བྱའོ། །བཅང་བར་བྱའོ། །བཀླག་པར་བྱའོ། །ཤིན་ཏུ་རྒྱས་པ་དང་། རྒྱ་ཆེར་བྱ་བའི་ཕྱིར་གཞན་དག་ལ་ཡང་རྒྱ་ཆེར་བཤད་པར་བྱའོ། །བསྟན་པར་བྱའོ། །
D133.056.0070a01.01ཡང་དག་པར་བསྒྲག་པར་བྱའོ། །སེམས་ཅན་ཐམས་ཅད་རྗེས་སུ་གཟུང་བའི་ཕྱིར་བསྒོམ་པའི་སྦྱོར་བ་ལ་བརྩོན་པར་བྱའོ། །ཇི་སྐད་བསྟན་པ་བཞིན་དུ་ཆོས་ཀྱི་རྗེས་སུ་འཐུན་པའི་ཆོས་བསྒྲུབ་པར་བྱ་སྟེ། དེ་ཅི་ནས་ཀྱང་སྐྱེས་བུ་ཐ་མ་པར་མ་གྱུར་པར་བྱའོ། །བཟང་སྐྱོང་རིགས་ཀྱི་བུའམ།
D133.056.0070a02.01རིགས་ཀྱི་བུ་མོ་གང་ལ་ལ་ཞིག་ཏིང་ངེ་འཛིན་འདི་ཐོས་ལ་ཐོས་ནས་ཀྱང་ལུང་ནོད་པར་བྱེད། ཁ་ཏོན་དུ་བྱེད། ཀུན་ཆུབ་པར་བྱེད་ན་དེས་ལྷག་པའི་བསམ་པས་གུས་པར་བྱ་སྟེ་མཉན་པར་བྱའོ། །ལུང་མནོད་པར་བྱའོ། །བཤད་པར་བྱའོ། །གང་དག་གཞན་དག་ལ་སྟོན་ཏམ། ཀློག་ཏུ་འཇུག་ན་
D133.056.0070a03.01དེས་ཀྱང་ལྷག་པའི་བསམ་པས་རྒྱ་ཆེར་བྱ་བའི་ཕྱིར་ཅི་ནས་ཀྱང་ཏིང་ངེ་འཛིན་འདི་ཡུན་རིང་དུ་གནས་པ་དང་། ཤིན་ཏུ་རྒྱས་པ་དང་། ཤིན་ཏུ་རྒྱ་ཆེར་གཞན་དག་ལ་བསྟན་པར་བྱ། ཀློག་ཏུ་གཞུག་པར་བྱ་སྟེ། འདི་ནི་ཁྱེད་ལ་རྗེས་སུ་བསྟན་པ་ཡིན་ནོ། །ཆོས་ཀྱི་རྣམ་གྲངས་འདི་བཤད་པའི་ཚེ།
D133.056.0070a04.01སེམས་ཅན་གྲངས་མེད་ཚད་མེད་པ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དགེ་བའི་རྩ་བ་བསྐྱེད་དོ། །བྱང་ཆུབ་སེམས་དཔའ་གང་སངས་རྒྱས་ཀྱི་ཞིང་དཔག་ཏུ་མེད་པ་ནས་འདུས་པ་གང་གཱའི་ཀླུང་གི་བྱེ་མ་སྙེད་ཀྱིས་ཏིང་ངེ་འཛིན་འདི་ཉིད་ཐོབ་སྟེ། བླ་ན་མེད་པ་ཡང་དག་པར་
D133.056.0070a05.01རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས་སོ། །ལྷ་རྣམས་ཀྱིས་ཀྱང་བར་སྣང་ལས་མེ་ཏོག་གི་ཆར་ཕབ་པོ། །རྔ་བོ་ཆེ་དག་ཀྱང་མ་བརྡུངས་པར་སྒྲ་བྱུང་ངོ་། །བཅོམ་ལྡན་འདས་
D133.056.0070a06.01ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་
D133.056.0070a07.01