完整藏文原文 · 德格版页 当前仅加载第 56 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་བྱེད་ཅིང་། །སྙིང་ཡང་བརྩེ་ལ་སྙིང་རྗེ་ཅན། །དེ་དག་ཆོས་ཀྱང་འཛིན་པར་གནས། །བརྟན་ཅིང་བག་ཡོད་དགའ་བ་དང་། །ཐུབ་པའི་ཆོས་ཀྱི་མཛོད་འཛིན་པ། །དེ་དག་དོན་དུ་ཏིང་ངེ་འཛིན། །སངས་རྒྱས་བསྔགས་པ་བསྟན་པ་ཡིན། །གང་ཞིག་ཆོས་རྒྱལ་སྐྱོབ་པ་
D133.056.0069a01.01ཡིས། །གང་དག་བྱིན་གྱིས་བརླབས་གྱུར་པ། །དེ་དག་ཕྱི་དུས་འཇིགས་བཅས་ཚེ། །ཆོས་ཉིད་འདི་ནི་འཛིན་པར་འགྱུར། །ཤིན་ཏུ་ངོ་བོ་ཉིད་ཀྱིས་ནི། །ཆོས་རྣམས་སྟོང་ཞིང་སྤྲོས་མེད་པར། །དྲན་དང་ལྡན་པ་གང་གིས་ཤེས། །དེ་དག་ཆོས་ཀྱང་འཛིན་པར་འགྱུར། །ཐམས་ཅད་
D133.056.0069a02.01ཆོས་ཀྱི་ངོ་བོ་ཉིད། །དེ་ལ་བསམ་ཡས་ཚིགས་སུ་བཅད། །ངེས་པ་ཉིད་དུ་ཤེས་འགྱུར་བ། །དེ་དག་ཆོས་ཀྱང་འཛིན་པར་འགྱུར། །ཟད་པ་ཤེས་ལ་གནས་གྱུར་ཅིང་། །མི་སྐྱེ་བ་ལའང་རབ་གནས་ལ། །སེམས་ནི་དུལ་ཞིང་ངོ་ཚ་ལྡན། །དེ་དག་ཆོས་ཀྱང་འཛིན་པར་འགྱུར། །
D133.056.0069a03.01བདེ་བའི་ལམ་ནི་བླ་ན་མེད། །ཅང་ཤེས་ལམ་ལ་ཞུགས་གྱུར་པ། །བརྩོན་འགྲུས་བྱིན་གྱི་རླབས་དང་ལྡན། །དེ་དག་ཆོས་འཛིན་གནས་པ་ཡིན། །དེ་བཞིན་ཉིད་དང་མི་རྟོག་དོན། །གང་གིས་ཆོས་ཉིད་རབ་ཏུ་ཤེས། །དེ་ལ་སྤྲོས་པ་ཅི་ཡང་མེད། །དེ་དག་ཆོས་ཀྱང་འཛིན་པར་འགྱུར།
D133.056.0069a04.01ཐམས་ཅད་ཆོས་ནི་བྱེད་མེད་པར། །དེས་པ་གང་གིས་ཤེས་པ་དེ། །ཅི་ཡང་མེད་ཅིང་ལེན་མེད་པའི། །ཆོས་ཉིད་དེ་ནི་སྒྲོགས་པར་འགྱུར། །འཛིན་པ་མེད་ཅིང་འཛིན་དང་བྲལ། །ཆོས་ཀུན་སྔོན་ནས་ཡོངས་དག་པར། །གང་གིས་ཤེས་པ་དེ་དག་ནི། །ཆོས་ཀྱི་སྤྱོད་ཡུལ་གནས་
D133.056.0069a05.01པ་ཡིན། །ཆོས་ཀུན་ངོ་བོ་མེད་པར་ནི། །དེ་ལྟར་ཆོས་ལ་གང་གིས་ཤེས། །དེ་དག་ཆོས་ཉིད་འདི་སྟོན་འགྱུར། །དེ་ནི་འཇུག་པ་ཡིན་པར་བཤད། །མིང་མེད་མིང་དང་བྲལ་གྱུར་ཅིང་། །སྤྲོས་པ་མེད་ཅིང་མི་སྐྱེ་བར། །གང་གིས་ཆོས་ཉིད་རབ་ཤེས་པ། །དེ་དག་སྟོང་པ་ཉིད་
D133.056.0069a06.01ཀྱང་སྒྲོགས། །གནས་པ་མེད་ཅིང་འགྲོ་བ་མེད། །ནམ་མཁའི་གནས་བཞིན་དག་པར་ནི། །གང་གིས་ཆོས་འདི་ཤེས་གྱུར་པ། །དེ་ལ་ཏིང་འཛིན་སྐྱེ་བར་འགྱུར། །གང་དག་འདུ་ཤེས་དོན་རྟོག་བྲལ། །ངོ་བོ་ཉིད་དུ་མ་སྐྱེས་ཤིང་། །དངོས་པོའི་འདུ་ཤེས་བྲལ་གྱུར་པ། །དེ་དག་
D133.056.0069a07.01