完整藏文原文 · 德格版页 当前仅加载第 56 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །འདི་ལྟ་སྟེ་འཇིག་རྟེན་དང་། འཇིག་རྟེན་ལས་འདས་པའི་ཆོས་རྣམས་ཀྱི་ཡོན་ཏན་མང་པོ་སྐྱེད་པར་བྱེད་པའོ། །བཟང་སྐྱོང་དེ་བས་ན་བྱང་ཆུབ་འདོད་པའི་རིགས་ཀྱི་བུའམ་རིགས་ཀྱི་བུ་མོས་ཏིང་ངེ་འཛིན་འདི་གཟུང་བར་བྱའོ། །ཀུན་ཆུབ་པར་བྱའོ། །བཅང་བར་བྱའོ། །བཀླག་
D133.056.0052b01.01པར་བྱའོ། །བྲི་བར་བྱའོ། །གཞན་དག་ལ་ཡང་རྒྱ་ཆེར་བཤད་པར་བྱའོ། །བསྟན་པར་བྱའོ། །བསྒྲགས་པར་བྱའོ། །བསྒོམ་པའི་སྦྱོར་བ་ལའང་བརྩོན་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །དྲི་བྲལ་རྡུལ་བྲལ་དྲི་མེད་སངས་
D133.056.0052b02.01རྒྱས་ཏེ། །ཆགས་པ་མེད་ཅིང་སྐྱེ་བོ་མང་པོས་མཆོད། །རྔ་རྡུང་འཁར་རྔ་ལྷ་ཡི་རོལ་མོའི་སྒྲ། །རོལ་མོ་ཕྲག་བརྒྱས་ཕན་མཛད་ཕྱག་བྱ་བ། །མེ་ཏོག་སིལ་མ་དག་གིས་གཏོར་བྱས་ཤིང་། །སྐྱེ་བོ་མང་པོས་རིང་བསྲེལ་མཆོད་རྟེན་མཆོད། །ལྷ་ཡི་ཕྲེང་བ་དྲི་དང་གདུགས་སྣ་ཚོགས། །ཏིང་འཛིན་
D133.056.0052b03.01འདི་ནི་ཚོལ་ཞིང་འདོགས་པར་བྱེད། །གང་ཞིག་ཀུན་རྫོབ་ལ་ནི་གནས་བྱས་ནས། །ཤིན་ཏུ་རྒྱས་ཆོས་བལྟ་དཀའ་གྱ་ནོམ་འབྱེད། །མ་ཆགས་ཡེ་ཤེས་རྒྱལ་བ་དྲན་བྱེད་ཅིང་། །སྟོང་པ་ཉིད་ལས་ནམས་ཀྱང་ཉམས་མི་འགྱུར། །ཟླ་བ་དྲི་མེད་ཉི་མ་ཤར་བ་འམ། །ཚངས་པའི་འཇིག་རྟེན་ཚངས་
D133.056.0052b04.01པ་འདུག་པ་བཞིན། །རྣམ་དག་སེམས་ཀྱིས་རྒྱལ་བ་དྲན་བྱེད་ཅིང་། །སྟོང་པ་ཉིད་ནི་ནམས་ཀྱང་མི་འདོར་རོ། །ཇི་ལྟར་སུམ་ཅུ་རྩ་གསུམ་ལྷ་ཡི་རྒྱལ། །སུམ་ཅུ་རྩ་གསུམ་ལྟ་བས་ཟིལ་གྱིས་གནོན། །དེ་ལྟར་རྒྱལ་བས་འཇིག་རྟེན་ཟིལ་མནན་ཏེ། །དཔལ་གྱི་ལྷམ་མེ་ལྷན་ནེ་ལྷང་ངེའོ། །
D133.056.0052b05.01ཚལ་གྱི་མཆོག་ལ་མེ་དག་མཆེད་གྱུར་ཏེ། །མར་གྱི་མེ་བསྲེགས་མེ་ལྕེ་རབ་འབར་བ། །འོད་ཟེར་བརྒྱ་སྟོང་དག་ནི་འབྱུང་བ་ལྟར། །དེ་བཞིན་རྒྱལ་བ་མཚན་གྱིས་རྒྱས་པར་ལྟོས། །ཇི་ལྟར་སྨན་པ་ཟུག་རྔུ་འབྱིན་བྱེད་པ། །ནད་པ་རྣམས་ལ་ནད་དཔྱད་བྱེད་པ་ལྟར། །རྒྱལ་བ་མི་ཡི་སེང་གེ་
D133.056.0052b06.01སྨན་པ་མཆོག །ཇི་ལྟར་འཐུན་པ་བདེ་གཤེགས་གཏམ་ཡང་གསུང་། །འཁོར་ལ་སེང་གེའི་སྒྲ་ནི་སྒྲོགས་མཛད་ཅིང་། །ཁྱུ་མཆོག་སངས་རྒྱས་འཇིག་རྟེན་ཀུན་མི་བསྙེངས། །ནགས་གནས་སེང་གེ་ཝ་ལ་བཞིན་དུ། །ཕས་ཀྱི་རྒོལ་བ་ཐམས་ཅད་ཟིལ་གྱིས་གནོན། །ཇི་ལྟར་ངང་པའི་
D133.056.0052b07.01