完整藏文原文 · 德格版页 当前仅加载第 84 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། བཛྲ་ཤི་ཁར་མ་ཧཱ་གུ་ཧྱ་ཡོ་ག་ཏནྟྲ། བོད་སྐད་དུ། གསང་བ་རྣལ་འབྱོར་ཆེན་པོའི་རྒྱུད་རྡོ་རྗེ་རྩེ་མོ། ཨོཾ་ཀུན་དུ་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་མཛད་ལ་
D480.084.0142b01.01ཕྱག་འཚལ་ལོ། །དེ་ནས་རྒྱལ་པོ་རྡོ་རྗེ་འཆང་། །ཀུན་མཆོག་སྲིད་པའི་དབང་ཕྱུག་གིས། །འཁོར་ལོ་དེ་ནི་བརྟགས་བྱས་ནས། །རྣལ་འབྱོར་ཅན་ནི་མི་གསུང་བཞུགས། །མགོན་པོ་ཆེན་པོ་སངས་རྒྱས་ཀུན། །མ་ལུས་ཐུབ་པའི་སྐྱེས་མཆོག་གིས། །རྡོ་རྗེ་སེམས་དཔའ་རྒྱལ་
D480.084.0142b02.01པོ་ཆེ། །ཐུབ་པའི་དབང་ཕྱུག་ལ་གསོལ་འདེབས། །རྣལ་འབྱོར་ཚུལ་ཆེན་སྒྲུབ་བྱེད་ཅིང་། །ཆོ་ག་སྣ་ཚོགས་ཡང་དག་འབྱུང་། །རིགས་ཀྱི་དཀྱིལ་འཁོར་སྦྱོར་འབྱུང་བའི། །འཁོར་ལོ་མཆོག་ནི་བཤད་དུ་གསོལ། །མགོན་པོ་ཁྱོད་ནི་སྐལ་ཆེན་ཏེ། །ཁྱོད་ནི་བྱ་བ་དོན་སེམས་བྱེད། །
D480.084.0142b03.01གསང་བ་མཁྱེན་ཅིང་དགོངས་བཤད་མཁྱེན། །རྣལ་འབྱོར་རིག་པའི་མཆོག་གྱུར་གསུངས། །དེ་ཉིད་རྗེས་ཀྱི་དེ་ཉིད་ལྡན། །རྣལ་འབྱོར་བདག་ཉིད་རྣལ་འབྱོར་ཆེ། །རྡོ་རྗེ་ཆེན་པོ་བྱང་ཆུབ་སེམས། །གསུངས་ཤིག་གསུངས་ཤིག་ཚུལ་ཆེན་པོ། །རིགས་ཀྱི་དཀྱིལ་འཁོར་འཁོར་
D480.084.0142b04.01ལོ་སྟེ། །རྡོ་རྗེ་རྣལ་འབྱོར་སྣ་ཚོགས་བདག །གསང་བའི་སྙིང་པོ་དཀྱིལ་འཁོར་ཆེ། །ཆོས་ཀྱི་ཚུལ་ནི་སྒྲུབ་བྱེད་པ། །རྟོག་པ་མེད་པའི་ཆོས་རྣམས་ཀྱི། །ཆོས་ཀྱི་དོན་འདི་ཅི་ཡིན་བརྗོད། །འདིར་ནི་རྟོག་པ་ཇི་ལྟ་བུ། །སྒྲུབ་པའི་དོན་ནི་ཇི་ལྟར་ལགས། །ཅི་ཕྱིར་འདི་ནི་རྒྱུད་
D480.084.0142b05.01ཕྱི་མ། །རྒྱུད་དོན་ཅི་ཡིན་བརྗོད་པར་བགྱི། །ཅི་ཕྱིར་རྒྱུད་དང་ཕྱི་མ་ལགས། །རྒྱུད་ཀྱི་དོན་ནི་ཇི་ལྟར་བྱུང་། །རྡོ་རྗེ་འཆང་དྲག་འདི་ཅི་ཞིག །དྲག་པོའི་དོན་ནི་ཇི་ལྟར་བྱུང་། །རྡོ་རྗེ་ཞི་བ་འདི་ཅི་ཞིག །ཅི་ཡི་ཕྱིར་ན་ཞི་བར་བརྗོད། །ཕྱག་ན་རྡོ་རྗེ་ཅི་ཡི་ཕྱིར། །རྡོ་རྗེ་གཏུམ་པོའང་ཅི་ཞིག་ལགས། །
D480.084.0142b06.01ཅི་ཡི་ཕྱིར་ན་གཏུམ་པོར་བརྗོད། །ཅི་ཡི་ཕྱིར་ན་ཁྲོ་བོར་བརྗོད། །རྡོ་རྗེ་རྡོ་རྗེ་ཞེས་གསུངས་པ། །ཅི་ཕྱིར་རྡོ་རྗེར་བརྗོད་པར་བགྱིད། །རྡོ་རྗེ་འཆང་ཞེས་གསུངས་འདི་ཅི། །དེ་ཡི་རྡོ་རྗེ་ཇི་ལྟ་བུ། །རྡོ་རྗེ་འཆང་བ་རྣམས་ནི་དུ། །རྡོ་རྗེ་རིགས་ཀུན་གང་གི་ལགས། །ཆེན་པོ་གནས་གང་ཞིག་ན་
D480.084.0142b07.01