完整藏文原文 · 德格版页 当前仅加载第 84 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་ཅན་གྱིས་བསྐུལ་བ་བསམ། །སངས་རྒྱས་ཀུན་ལ་ཕྱག་བྱས་ཤིང་། །ཅི་འདོད་པ་ནི་བཀའ་ནོད་བྱ། །ངེས་པར་ཟླ་བའི་དཀྱིལ་འཁོར་དུ། །རང་སེམས་སོ་སོར་བརྟག་པར་བྱ། །བྱང་སེམས་ཡང་དག་བསྐྱེད་ནས་ནི། །དབུས་སུ་ཟླ་བ་བརྟག་པར་བྱ། །དེ་ནས་རང་གི་
D480.084.0204b01.01ཡེ་ཤེས་བརྟག །ཟླ་བའི་དབུས་སུ་རྡོ་རྗེ་བཞིན། །རང་ལུས་རྡོ་རྗེའི་གཟུགས་སུ་སྟེ། །སངས་རྒྱས་གཟུགས་ནི་རང་བཞིན་ཉིད། །དེ་ནས་སངས་རྒྱས་མངོན་རྟོགས་ནས། །རང་བདག་ཉིད་ནི་དབང་བསྐུར་བྱ། །རང་བདག་སངས་རྒྱས་ཐམས་ཅད་དུ། །རྡོ་རྗེ་རྣལ་འབྱོར་བལྟ་བར་བྱ། །
D480.084.0204b02.01རི་རབ་རི་ཡི་རྩེ་མོ་རུ། །སྟུག་པོའི་གནས་ལས་བབས་ནས་སུ། །རྡོ་རྗེའི་གདན་ལ་འདུག་ནས་ནི། །སངས་རྒྱས་ཀྱི་ནི་རྣམ་འཕྲུལ་བྱ། །སེམས་དཔའ་བཞི་ནི་ཕྱུང་ནས་སུ། །ཕྱོགས་རྣམས་ཀུན་དུ་ཡོངས་སུ་སྤྲོ། །ཆོས་ཀྱི་དབྱིངས་ནི་བརྟན་བྱས་ནས། །ཕྱོགས་བཞི་རུ་ནི་དགོད་པར་
D480.084.0204b03.01བྱ། །མཚམས་སུ་རྫོགས་པའི་སངས་རྒྱས་ཀུན། །བདག་ཉིད་ཡང་དག་བྱིན་གྱིས་བརླབས། །ཕྱོགས་བཞི་རུ་ནི་སངས་རྒྱས་ཀྱི། །འཁོར་ལོའི་དཀྱིལ་འཁོར་ཆེན་པོ་བྱུང་། །འཁོར་གྱི་འཁོར་ལོ་དང་བཅས་ཉིད། །དཀྱིལ་འཁོར་ཐམས་ཅད་བལྟ་བར་བྱ། །སེམས་དཔའ་
D480.084.0204b04.01གསང་བའི་ལྷ་མོར་བཅས། །སྒོ་སྲུང་རྣམས་ནི་བསམ་པར་བྱ། །འཁོར་ལོའི་དཀྱིལ་འཁོར་དག་པ་ནི། །སྙིང་པོ་ཆེན་པོ་བརྟག་པར་བྱ། །རང་གི་འཁོར་ལོ་ཡང་དག་བཞུགས། །འཁོར་ལོ་ལྔ་དང་ཡང་དག་ལྡན། །ཐབས་ཆེན་སངས་རྒྱས་ཐམས་ཅད་ཀྱི། །མཚན་ནི་རྗེས་སུ་
D480.084.0204b05.01དྲན་པ་བསྒོམ། །ཏིང་ངེ་འཛིན་ལས་ལངས་ནས་ཀྱང་། །རྡོ་རྗེའི་ལྟ་བས་བལྟ་བར་བྱ། །རྡོ་རྗེ་སེམས་དཔའི་ཏིང་འཛིན་གྱིས། །སླར་ཡང་སྙོམས་པར་འཇུག་པར་བྱ། །རྣམ་པར་སྣང་མཛད་ཐུགས་དབུས་སུ། །བྱང་ཆུབ་སེམས་ནི་བསྒོམ་པར་བྱ། །ཟླ་བའི་དཀྱིལ་འཁོར་རྣམ་པར་
D480.084.0204b06.01ནི། །མགོན་པོའི་སྙིང་ག་ནས་གཟུང་བྱ། །སེམས་དཔའ་ཀུན་གྱི་སྤྱན་སྔ་རུ། །བཀའ་ནི་རིམ་བཞིན་ནོད་པར་བྱ། །སངས་རྒྱས་ཀུན་གྱི་དབང་བསྐུར་གྱིས། །རང་བདག་ཉིད་ནི་དབང་བསྐུར་བྱ། །གསོལ་བ་བཏབ་པས་གསན་པར་བྱ། །བདག་ནི་རྒྱལ་པོའི་དཀྱིལ་འཁོར་མཆོག །
D480.084.0204b07.01