完整藏文原文 · 德格版页 当前仅加载第 84 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
པས་མངོན་ཆགས་པས། །ཡན་ལག་ཀུན་ལས་ཡོངས་སུ་སྤྲོ། །རྡོ་རྗེའི་རང་བཞིན་ཞགས་པ་སྟེ། །བརྟན་བར་གྱུར་པར་ཐེ་ཚོམ་མེད། །བྱེ་བདག་ནི་གྲངས་མེད་བཅུ། །རྡོ་རྗེ་ལྕགས་ཀྱུ་རབ་ཏུ་བྱུང་། །ལྷ་ལ་སོགས་པའི་རེ་རེ་ཞིང་། །སྤྱི་བོ་ནས་
D480.084.0241a01.01འགུགས་ཡང་དག་སྦྱོར། །ལྷ་ཆེན་དབང་ཕྱུག་ཆེན་པོ་ཡི། །སྤྱི་བོའི་གཙུག་ཏུ་བཏབ་ནས་ནི། །རྡོ་རྗེ་ལྕགས་ཀྱུ་རྒྱལ་པོ་ཡིས། །དབང་ཕྱུག་ཆེན་པོ་འགུགས་པར་བྱེད། །ལྷ་སོགས་འཁོར་དང་བཅས་པ་ཀུན། །ཕན་ཚུན་དུ་ནི་ངུ་བར་བྱེད། །ཤུགས་{རིངས་,རིང་}ཀུན་
D480.084.0241a02.01དུ་ཕྱུང་ནས་ནི། །ཕན་ཚུན་དུ་ནི་སྨྲ་བར་བྱེད། །ཀྱེ་མའོ་སྡུག་བསྔལ་ཀྱེ་མའོ་ཤི། །ཚོགས་ནི་གང་དུ་ཁྱེར་བར་གྱུར། །རྡོ་རྗེ་འབར་བ་ཆེན་པོ་དེས། །སྐད་ཅིག་དེ་ལ་བསྲེགས་གྱུར་ནས། །རི་རབ་རི་ཡི་རྩེ་མོ་རུ། །ལྷ་ལ་སོགས་པ་ཐམས་ཅད་བཀུག །གནས་དེ་རུ་
D480.084.0241a03.01ནི་ཐམས་ཅད་དག །ཡོངས་སུ་བསྐོར་ནས་ཀུན་དུ་གནས། །རྡོ་རྗེ་ཁ་ཁྱེར་ཕྱི་རོལ་དུ། །ལྷ་རྣམས་དེ་དག་ཐམས་ཅད་གནས། །རྡོ་རྗེ་ར་བའི་ཕྱི་རོལ་དུ། །ལྷ་ལ་སོགས་པ་ཐམས་ཅད་བཀུག །ཕྱི་རོལ་རྡོ་རྗེ་ར་བ་ནི། །ལྕགས་བསྲེགས་རང་བཞིན་རྡོ་རྗེ་མཚུངས། །
D480.084.0241a04.01རྡོ་རྗེ་ཅན་གྱི་རྡོར་འབར་མས། །ནང་ནས་ཤིན་ཏུ་གདུངས་པར་གྱུར། །ལྷ་ཚོགས་སེམས་ཅན་དེ་དག་ཀྱང་། །འཇིགས་སུ་རུང་བའི་འོ་དོད་འབོད། །སྟོང་གསུམ་འདི་དག་ཐམས་ཅད་ཀྱང་། །ཧཱུྃ་ཧཱུྃ་སྒྲ་ནི་ཡོངས་སུ་བརྗོད། །འོ་དོད་བོས་ནས་སྨྲ་བར་བྱེད། །ངན་སོང་
D480.084.0241a05.01དག་ནི་ཅི་ཞིག་བྱེད། །སྔོན་མ་མཐོང་བ་འདི་ཅི་ཞིག །འདིར་ནི་རྡོ་རྗེ་འཛིན་པར་འགྱུར། །རྡོ་རྗེ་འཛིན་པས་རྒྱལ་པོ་དེ། །སླར་ཡང་ཐུགས་རྗེ་ཀུན་དུ་སྐྱེས། །ཐམས་ཅད་བཅིངས་པ་ལས་བཀྲོལ་ཏེ། །རྡོ་རྗེ་མེ་ཡི་ཉེ་བར་མཛེས། །རྡོ་རྗེ་གནོད་སྦྱིན་དྲག་པོ་ཆེ། །རང་གི་
D480.084.0241a06.01དཀྱིལ་འཁོར་ནས་ཕྱུང་སྟེ། །ལྷ་ལ་སོགས་པ་ཀུན་བོས་ཏེ། །ང་ཡི་ཚིག་འདི་རབ་ཏུ་ཉོན། །དེ་ནས་ལྷ་རྒྱལ་ལ་སོགས་པ། །ཁྱོད་ནི་སུ་ཡིན་སྨྲ་བར་བྱེད། །ངེད་ཀྱིས་ཁྱོད་ནི་སྔར་མ་མཐོང་། །གནས་མཆོག་འདི་ཡང་སྔར་མ་མཐོང་། །རྡོ་རྗེ་གནོད་སྦྱིན་དྲག་པོ་ཆེ། །
D480.084.0241a07.01