完整藏文原文 · 德格版页 当前仅加载第 84 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བ་བསྒྲུབ་པར་བྱ། །དེ་ནས་རིན་ཆེན་རིགས་བཟླས་པ། །རྡོ་རྗེ་རིན་ཆེན་རིགས་བདག་ཉིད། །སྟོང་གསུམ་གྱི་ནི་འཇིག་རྟེན་འདིར། །སྟོང་ཉིད་ནམ་མཁར་རྣམ་པར་བསྒོམ། །དེ་ནི་ནམ་མཁར་རྣལ་འབྱོར་ཆོས། །རྟོག་པ་དང་བཅས་ཡི་གེ་བསམ། །ཆོས་ཀུན་དངོས་
D480.084.0161b01.01མེད་ཅེས་བྱ་བ། །སྟོང་ཉིད་དེ་བཞིན་ཉིད་ཅེས་བརྗོད། །དངོས་མེད་ཅེས་བྱའི་གཟུགས་མེད་དེ། །མཁའ་མཚུངས་སངས་རྒྱས་སྤྱོད་ཡུལ་ལོ། །གང་ལ་གཟུགས་ནི་ཡོད་མིན་པའི། །མིག་ཅེས་བྱ་བ་ཅི་ཡིན་བརྗོད། །མིག་དེ་ཡང་ནི་གང་ཞིག་གི། །མིག་ཅེས་བྱ་བ་
D480.084.0161b02.01ཡིན་པར་བརྗོད། །བདག་པོ་རྒྱལ་པོ་འདི་གང་ཞིག །འདི་ཡི་སྐྱེ་བའང་ཇི་ལྟ་བུའི། །འབྱུང་བ་ཆེན་པོ་བཞི་འདུས་ལས། །མིག་གི་དབང་པོ་ཡང་དག་བྱུང་། །མིག་དེ་ལ་ཡང་གཟུགས་མེད་ལ། །ཅི་ཞིག་བྱེད་དེ་ཡོད་པའང་མིན། །མིག་ནི་ཇི་ལྟ་བ་བཞིན་དུ། །ཐམས་
D480.084.0161b03.01ཅད་གཟུང་དང་འཛིན་པ་སྤངས། །བཟླས་པའི་སྦྱོར་བ་འདི་ཡིས་ནི། །ཆོས་ཆེན་པོ་ཡི་དབང་བསྐུར་འགྱུར། །དེ་ནས་པདྨའི་རིགས་བཟླས་པ། །པདྨའི་སེམས་དཔའ་རང་བདག་ཉིད། །སྟོང་གསུམ་གྱི་ནི་འཇིག་རྟེན་འདིར། །པདྨའི་གཟུགས་སུ་རྣམ་པར་བསྒོམ། །
D480.084.0161b04.01པདྨ་ཤིན་ཏུ་དག་དེ་ལ། །རིག་པའི་ཡི་གེ་རྣམ་པར་བསྒོམ། །ཤེས་རབ་ཆེན་པོས་པདྨ་དེ། །ཆོས་ཀྱི་སྙིང་པོར་བསམ་པར་བྱ། །པདྨ་ཆུ་ཡིས་མ་གོས་ཤིང་། །འདམ་གྱི་ཉེས་པས་གོས་མི་འགྱུར། །སེམས་ཅན་ཐམས་ཅད་དེ་བཞིན་དག །ཆོས་ནི་གཟོད་ནས་མ་སྐྱེས་
D480.084.0161b05.01པའི། །དེ་བཞིན་གཤེགས་ཉིད་འདི་གང་ཞིག །ཆོས་དང་ཆོས་ཉིད་སྟོང་གང་ཡིན། །གཟུགས་སོགས་ཆོས་རྣམས་ཐམས་ཅད་ཀྱི། །ཆོས་ཉིད་དེ་བཞིན་ཉིད་དུ་འདོད། །དེ་ནས་ལས་ཀྱི་རིགས་བཟླས་པའི། །ལས་ཀྱི་རྣལ་འབྱོར་རྣམ་པར་བསམ། །སངས་རྒྱས་
D480.084.0161b06.01རྣམ་འཕྲུལ་འཁོར་ལོ་འདི། །ཆོས་དང་ལོངས་སྤྱོད་ཐོབ་བྱེད་ཡིན། །གང་ལ་ཆོས་ཞེས་བྱ་བ་མེད། །སངས་རྒྱས་ཀྱི་ནི་རྣམ་འཕྲུལ་སྣང་། །ཨེ་མའོ་སངས་རྒྱས་དེ་དག་སྣང་། །རང་གི་ལས་ཀྱང་སྒྲུབ་པར་མཛད། །དེ་ལྟ་བུ་ཡི་རྣལ་འབྱོར་གྱིས། །རྡོ་རྗེ་སློབ་དཔོན་དཀའ་
D480.084.0161b07.01