完整藏文原文 · 德格版页 当前仅加载第 84 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཧཱུྃ། དཀྱིལ་འཁོར་ཆེན་པོ་བསྡུས་པ་ཡི། །རྡོ་རྗེ་ཤུགས་ཀྱིས་སོང་ནས་ཀྱང་། །རྡོ་རྗེའི་ཕྱག་རྒྱ་ཡོངས་བསྡུས་པ། །རྒྱལ་པོ་བྲི་ཞིང་དགོད་པར་བྱ། །ཨོྃ་བཛྲ་བེ་གཱ་ཀྲ་མ་ཧཱུྃ། ཚོན་རྩི་ཐམས་ཅད་ཡང་དག་ལྡན། །འབར་བའི་ལྟ་བས་ཐམས་ཅད་
D480.084.0258a01.01བལྟ། །རྡོ་རྗེ་ཚོན་རྩི་བཀྱེ་བྱ་ཞིང་། །རྡོ་རྗེ་སྔགས་ནི་རབ་ཏུ་བསྐུལ། །ཨོྃ་བཛྲ་ཙི་ཏྲ་ས་མ་ཡ་ཧཱུྃ། ཕྱག་རྒྱ་གང་ཞིག་དགོད་པར་དུ། །སྙིང་པོ་ཐམས་ཅད་དགོད་པར་བྱ། །སྔར་ནི་དགོད་པ་གང་ཡིན་པ། །རྡོ་རྗེ་གཟུགས་ནི་སྐོར་བྱེད་པ། །རྡོ་རྗེ་ཧཱུྃ་མཛད་དཀྱིལ་འཁོར་དུ། །
D480.084.0258a02.01རྡོ་རྗེ་ཤུགས་ཀྱིས་སོང་ནས་ཀྱང་། །རྡོ་རྗེ་རིག་པ་མཆོག་རྒྱལ་པོ། །མི་བསྐྱོད་ཤིན་ཏུ་མཉམ་བཞག་པ། །ཞལ་བཞི་པ་ལ་ཕྱག་བརྒྱད་པ། །མཆེ་བ་དག་ནི་ཅུང་ཟད་གཙིགས། །ཁྲོ་བོའི་རྒྱལ་པོ་འབར་བས་ཁྱབ། །ཕྱག་ན་ཕྱག་རྒྱ་དང་བཅས་མཚོན། །རྡོ་རྗེ་ཧཱུྃ་
D480.084.0258a03.01མཛད་ཕྱག་རྒྱ་ནི། །སྟེང་དུ་ཕྱག་གཉིས་ཡང་དག་ལྡན། །དེ་བཞིན་ཁོ་ནར་ཕྱག་གཉིས་དག །ལྕགས་ཀྱུ་འཕྱར་བ་ཡང་དག་ལྡན། །ཕྱག་གཅིག་གིས་ནི་ཞགས་པ་བསྣམས། །གཅིག་གིས་རྡོ་རྗེ་ཡང་དག་བསྣམས། །མདའ་འགེངས་པ་ཡི་ཕྱག་རྒྱ་དང་། །ཕྱག་གཉིས་
D480.084.0258a04.01དག་ནི་ཤིན་ཏུ་ལྡན། །རྡོ་རྗེ་ཧཱུྃ་མཛད་ཕྱག་རྒྱ་སྟེ། །དབང་ཕྱུག་ཆེན་པོ་ཀུན་དུ་མནན། །གཡས་པས་ལྷ་མོ་ཨུ་མ་ཡི། །ནུ་མའི་བར་དུ་གནོན་པར་བྱེད། །དེ་ཡི་ཕྱོགས་རྣམས་ཐམས་ཅད་དུ། །རྡོ་རྗེ་ཁྲོ་བོ་དགོད་པར་བྱ། །འབར་བའི་ཕྲེང་བས་ཁྱབ་ཅིང་འབར། །ཁྲོ་བོ་འཇིགས་
D480.084.0258a05.01པར་བྱེད་པ་མཆོག །མདུན་དུ་རྡོ་རྗེ་སེམས་དཔའ་སྟེ། །གཡས་སུ་རྡོ་རྗེ་རྒྱལ་པོ་འོ། །གཡོན་དུ་རྡོ་རྗེ་ཆགས་པ་སྟེ། །རྒྱབ་ཏུ་རྡོ་རྗེ་ལེགས་པའོ། །རྡོ་རྗེ་ཤུགས་ཀྱིས་སོང་ནས་ཀྱང་། །ལྷོ་རུ་ཁྲོ་བོའི་དཀྱིལ་འཁོར་ནི། །ཁྲོ་བོའི་རྒྱལ་པོ་ཁྲོ་གཉེར་ཅན། །ཁྲོ་བོས་ཡོངས་སུ་
D480.084.0258a06.01བསྐོར་བར་བྲི། །ཐམས་ཅད་འབར་བའི་ཕྲེང་བས་ཁྱབ། །གདོང་ནི་ཁྲོ་བཅས་བཞད་ལྡན་པ། །རྡོ་རྗེ་དབང་ཕྱུག་ཕྱག་རྒྱར་ལྡན། །ཁྲོ་གཉེར་ཅན་ནི་ཡོངས་སུ་བརྗོད། །དེ་ཡི་ཕྱོགས་རྣམས་ཐམས་ཅད་དུ། །རྡོ་རྗེ་ཁྲོ་བོ་བདག་ཉིད་ཆེ། །སྔགས་དང་ཕྱག་རྒྱ་ཡོངས་སུ་བསྡུ། །
D480.084.0258a07.01