完整藏文原文 · 德格版页 当前仅加载第 84 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཇི་ལྟ་བུ། །འདྲེན་པ་རྣམས་ནི་མཉེས་པར་ཇི་ལྟར་འགྱུར། །ཇི་ལྟར་འདིར་ནི་གཤེགས་སུ་གསོལ་བ་ལགས། །དཀྱིལ་འཁོར་མཆོག་ནི་ཇི་ལྟར་གདེག་པར་བགྱི། །འགྲོ་བའི་བྱ་བ་ཡང་ནི་ཇི་ལྟར་བགྱི། །ལས་ཀྱི་ཆོ་གའི་བྱ་བ་ཇི་ལྟར་བགྱི། །དགེ་བ་སྟུག་པོ་གསང་
D480.084.0144a01.01ཆེན་ཇི་ལྟ་བུ། །ལས་རྣམས་ཐ་དད་བྱ་བ་ཇི་ལྟ་བུ། །ཕྱག་རྒྱ་ཕྱག་རྒྱའི་ལན་ནི་ཇི་ལྟར་བགྱི། །མཆོད་དང་མཆོད་པའི་ལན་ནི་ཇི་ལྟར་བླང་། །དཀྱིལ་འཁོར་གྱི་ནི་འཁོར་ལོ་ཇི་ལྟར་འབྱུང་། །འཁོར་ལོའི་རྣམ་པའི་བྱེ་བྲག་དུ་ཞིག་མཆིས། །དངོས་དང་དངོས་མེད་ཇི་ལྟར་སྤང་བ་
D480.084.0144a02.01ལགས། །བླ་མ་གསང་བྱུང་འོད་ཟེར་གསང་བ་ཅི། །སྦྱིན་སྲེག་རྣམ་པ་དུ་རུ་བརྗོད། །ཐབ་ཁུང་ཇི་ལྟ་བུ་ཞིག་ལགས། །སྦྱིན་སྲེག་མདོར་བསྡུས་ཇི་ལྟ་བུ། །ལས་རྣམས་ཇི་ལྟར་འབྱུང་བ་ལ། །ལས་རྣམས་རྣམ་པ་དུ་རུ་བརྗོད། །གསང་བ་རྣམས་ནི་རྣམ་པ་དུ། །མཆོག་ཏུ་
D480.084.0144a03.01གསང་བ་ཇི་ལྟར་བརྗོད། །དེ་ཉིད་ཇི་ལྟ་བུ་ཞིག་ལག་ལགས། །ཕྱག་རྒྱ་ཉེ་བའི་ཕྱག་རྒྱ་ཅི། །མཆོད་པའི་ཕྱག་རྒྱ་ཇི་ལྟར་ལགས། །རིགས་ཀྱི་ལྷ་ཡི་རྣལ་འབྱོར་གྱིས། །ཇི་ལྟར་བསྒྲུབ་བྱ་ཤིན་ཏུ་བསྒྲུབ། །རྡོ་རྗེ་ཕྲ་མོ་ཇི་ལྟར་བརྗོད། །བགེགས་ནི་ཇི་ལྟར་བསལ་བར་བགྱི། །མདོར་
D480.084.0144a04.01ན་རིག་པ་འཛིན་པ་དང་། །སློབ་དཔོན་ཇི་ལྟ་བུ་ཞིག་ལགས། །དཀྱིལ་འཁོར་འཁོར་ལོ་དང་ལྡན་པའི། །འཁོར་ལོ་རྣམ་པ་དུ་རུ་བརྗོད། །དངོས་གྲུབ་མཚན་ཉིད་སྒྲུབ་བྱེད་པའི། །སྣ་ཚོགས་རྟོག་པ་ཇི་ལྟ་བུ། །ཐིག་རྣམས་རྟག་པ་ཉིད་དང་ནི། །དངོས་གྲུབ་ཇི་ལྟར་ཉེ་བར་བརྗོད། །
D480.084.0144a05.01དངོས་གྲུབ་ཚོགས་ནི་ཇི་ལྟ་བུ། །གསང་བ་ཀུན་ནས་བཏུས་པ་གསུངས། །བདག་ཉིད་ལ་ནི་དབང་བསྐུར་བར། །བྱ་བའི་ཆོ་ག་ཇི་ལྟ་བུ། །ཡང་ན་གཞན་དག་ཉིད་ལ་ནི། །དབང་བསྐུར་བ་ནི་ཇི་ལྟར་ལགས། །ཇི་ལྟར་སེམས་ནི་བསྐྱེད་པར་བགྱི། །ཏིང་འཛིན་ཇི་ལྟ་བུ་ཞིག་ལགས། །
D480.084.0144a06.01དེ་ཉིད་རིག་པ་འདི་རྟག་ཏུ། །རྡོ་རྗེ་ཡེ་ཤེས་ཇི་ལྟ་བུ། །གཞན་ཡང་དགོངས་པ་ཇི་ལྟ་བུ། །སྤྱོད་པ་ཇི་ལྟ་བུ་ཞིག་ལགས། །གང་ཡང་རུང་བའི་རྟགས་ལས་བྱུང་། །མིང་དང་མིང་མེད་ཤེས་པའི་མཚན། །ལས་འབྲས་མེད་པར་བྱེད་པོ་དང་། །འབྱིན་པར་བྱེད་པར་གང་ལས་
D480.084.0144a07.01