完整藏文原文 · 德格版页 当前仅加载第 84 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་ཚོགས། །གཞན་དུ་འགྲུབ་པར་མི་འགྱུར་ཏེ། །དད་པ་མེད་པར་གནས་པ་དང་། །གང་ཚེ་ཐེ་ཚོམ་ཟ་འགྱུར་བ། །དེ་ནི་རྣལ་འབྱོར་ཉམས་པར་འགྱུར། །བྱང་ཆུབ་སེམས་ནི་ཡོངས་མ་བཟུང་། །སྔོན་དུ་བསྙེན་པ་ཉམས་འགྱུར་ཏེ། །རྟག་ཏུ་བརྟུལ་ཞུགས་ཉམས་
D480.084.0182b01.01པར་འགྱུར། །དེ་འདྲ་ལ་སོགས་བགེགས་མང་དང་། །ང་རྒྱལ་འདི་དག་རྣམ་པར་སྤངས། །སྡོམ་པ་ཡོངས་སུ་མ་བཟུང་ཞིང་། །རྣལ་འབྱོར་དེ་ཉིད་ཚུལ་ཤེས་མིན། །རྡོ་རྗེ་སློབ་དཔོན་མི་བརྟན་འགྱུར། །འགྲུབ་པ་ཉིད་དུ་མི་འགྱུར་རོ། །དེ་བས་འབད་པ་ཐམས་ཅད་ཀྱིས། །
D480.084.0182b02.01གལ་ཏེ་རྡོ་རྗེ་སློབ་དཔོན་འགྱུར། །མཁས་ཤིང་སྡོམ་པ་བླངས་པ་དང་། །བྱང་ཆུབ་སེམས་ནི་ཡོངས་སུ་གཟུང་། །གང་ཚེ་འཚོ་བ་དོན་ཡོད་ཅིང་། །གལ་ཏེ་སྐྱེ་བ་འབྲས་བཅས་འདོད། །འབད་པས་ཐམས་ཅད་ཉིད་ཀྱིས་ནི། །རྣལ་འབྱོར་ཆེན་པོ་ཡང་དག་བརྩམ། །བྱང་ཆུབ་སེམས་
D480.084.0182b03.01དང་ལྡན་གྱུར་ནས། །རིག་པའི་སྡོམ་པ་འཛིན་པ་ཡི། །དེ་ནས་རྣལ་འབྱོར་ཡང་དག་བརྩམ། །སངས་རྒྱས་བྱང་ཆུབ་རབ་འགྲུབ་འགྱུར། །ཡང་ཞུས་པ། །རིག་པའི་རྒྱུད་ནི་རབ་བསྒྲུབ་ཕྱིར། །སྡོམ་པ་ཇི་ལྟར་བླང་བར་བགྱི། །ཇི་ལྟར་དམ་ཚིག་བསྲུང་བར་བགྱི། །དམ་ཚིག་
D480.084.0182b04.01ཉམས་པ་ཇི་ལྟ་བུ། །སེམས་ཅན་ཀུན་གྱི་དོན་བྱའི་ཕྱིར། །བྱང་སེམས་ཡང་དག་བསྐྱེད་ནས་ནི། །ཐེག་པ་གཞན་ལ་འདོད་མི་བྱ། །དེ་ནས་རྣལ་འབྱོར་ཡང་དག་བརྩམ། །དཀྱིལ་འཁོར་གང་ན་གནས་ཀྱང་རུང་། །སློབ་དཔོན་གྱི་ནི་མདུན་སོང་སྟེ། །ཞབས་དག་ལ་ནི་བཏུད་ནས་
D480.084.0182b05.01བརྗོད། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་སེམས་དཔའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་སྩལ་དུ་གསོལ། །སྡོམ་པ་རྣམས་ཀྱང་བདག་ལ་སྩོལ། །གཙོ་བོ་བདག་ལ་སྡོམ་པ་སྩོལ། །
D480.084.0182b06.01སློབ་དཔོན་གྱིས་ནི་ཉེ་བར་བརྟག །རྣམ་པ་ཀུན་དུ་དྲི་བར་བྱ། །དམ་ཚིག་བརྗོད་བྱ་གང་ཞིག་ནི། །སྣོད་དུ་རུང་བ་དེ་གཞུག་བྱ། །བུ་དང་སློབ་མ་མ་ཡིན་མིན། །སྣོད་དང་ལྡན་ལ་སྦྱིན་པར་བྱ། །གལ་ཏེ་སྣོད་དང་ལྡན་པར་ཤེས། །སྲོག་དང་བདོག་པ་ཀུན་སྦྱིན་བྱ། །སྔོན་དུ་དཀྱིལ་
D480.084.0182b07.01