完整藏文原文 · 德格版页 当前仅加载第 84 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
རང་གི་གནས་སུ་ཡང་དག་བྲི། །མདུན་དུ་རྡོ་རྗེ་རིན་ཆེན་ཏེ། །གཡས་སུ་ཁྲོ་བོ་གཟི་བརྗིད་དོ། །གཡོན་དུ་རྒྱལ་མཚན་དྲག་པོ་སྟེ། །རྒྱབ་ཏུ་ཁྲོ་བོ་བཞད་པའོ། །རྡོ་རྗེ་ཤུགས་ཀྱིས་སོང་ནས་ཀྱང་། །ནུབ་ཀྱི་ཕྱོགས་སུ་དཀྱིལ་འཁོར་ནི། །ཁྲོ་བོ་ཆེན་པོ་
D480.084.0258b01.01རྡོ་རྗེ་སྟེ། །ཁྲོ་བདག་ཆེན་པོ་རྣམས་ཀྱིས་བསྐོར། །རྡོ་རྗེ་ཆོས་ནི་མདུན་དུ་སྟེ། །རྡོ་རྗེ་རྣོན་པོ་གཡས་སུའོ། །དེ་བཞིན་གཡོན་དུ་རྡོ་རྗེ་རྒྱུ། །རྒྱབ་ཏུ་རྡོ་རྗེ་སྨྲ་བའོ། །རྡོ་རྗེ་ཤུགས་ཀྱིས་སོང་ནས་ཀྱང་། །དཀྱིལ་འཁོར་དག་ནི་མཆོག་བཞི་པ། །རྡོ་རྗེ་དབབ་པ་ལས་
D480.084.0258b02.01ཆེན་པོ། །ཁྲོ་བོ་ཆེན་པོས་ཡོངས་སུ་བསྐོར། །རྡོ་རྗེ་ལས་ནི་མདུན་དུ་སྟེ། །གཡས་སུ་རྡོ་རྗེ་བསྲུང་བའོ། །གཡོན་དུ་རྡོ་རྗེ་གནོད་སྦྱིན་ཏེ། །རྒྱབ་ཏུ་རྡོ་རྗེ་ཁུ་ཚུར་རོ། །དབུས་ཀྱི་འཁོར་ལོའི་མཚམས་བཞི་རུ། །ལྷ་མོ་བཞི་ནི་ཡང་དག་བྲི། །མཚམས་སུ་ཟླ་བའི་
D480.084.0258b03.01དཀྱིལ་འཁོར་ལ། །རྡོ་རྗེ་སྒེག་མོ་ལ་སོགས་བྲི། །ཕྱི་རོལ་དཀྱིལ་འཁོར་མཚམས་རྣམས་སུ། །རྡོ་རྗེ་མེ་ཏོག་ལ་སོགས་བྲི། །རྡོ་རྗེ་དབྱིངས་སོགས་དཀྱིལ་འཁོར་དུ། །ཇི་སྐད་སྔར་བཤད་ཆོ་ག་བཞིན། །སྒོ་བཞི་དག་ནི་ཐམས་ཅད་དུ། །སྒོ་སྲུང་རྣམས་ནི་
D480.084.0258b04.01དགོད་པར་བྱ། །ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་དབབ་པ་བླ་ན་མེད། །རང་གི་ཕྱག་རྒྱ་སྙིང་གར་བཞག །རང་རང་གི་ནི་སྙིང་པོ་ཡིས། །རྡོ་རྗེ་དྲིལ་བུ་ཡིད་འོང་ལྡན། །རྣམ་པར་སྣང་མཛད་རྣམ་པར་དགོད། །བདག་ཉིད་རྡོ་རྗེ་ཁྲོ་བོ་ནི། །གཙོ་བོ་རྡོ་རྗེ་
D480.084.0258b05.01རིག་པ་མཆོག །རྡོ་རྗེ་རྒྱལ་པོ་མཆོག་བྱིན་བརླབ། །རང་ཉིད་རྡོ་རྗེ་དཀྱིལ་འཁོར་མཆོག །དེ་ཡིས་དཀྱིལ་འཁོར་དེ་བྲིས་ནས། །རྡོ་རྗེ་ཏི་རིན་ཏི་རི་འཇུག །ཡང་དག་པར་ནི་བརྟག་བྱས་ལ། །ལན་བདུན་དུ་ནི་བསྐོར་བ་བྱ། །ཆད་པ་གང་ཡིན་ཡོངས་སུ་དག །
D480.084.0258b06.01མཁས་པས་ལྷག་པར་དབྲི་བར་བྱ། །རྡོ་རྗེ་དྲིལ་བུ་རྟོགས་པར་བྱ། །གྲུབ་པར་གྱུར་ཏེ་ཉེས་པ་མེད། །རྡོ་རྗེ་ལྕགས་ཀྱུ་ལ་སོགས་ཀུན། །མཉམ་པར་བཞག་པས་ལས་རྣམས་བྱ། །འཁོར་ལོའི་དབུས་སུ་ཞུགས་ནས་ནི། །མཁས་པས་སྒོ་ནི་དབྱེ་བར་བྱ། །ཡིད་ཀྱིས་རྡོ་རྗེ་རི་
D480.084.0258b07.01