完整藏文原文 · 德格版页 当前仅加载第 84 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཟག་བདག་མེད་པ། །ང་ནི་ས་སྟེང་དེ་ཉིད་བཤད། །མེ་ནི། ང་ནི་གཟོད་ནས་མ་སྐྱེས་འབྱུང་བ་མེད། །བདག་མིན་བདག་མེད་ང་ནི་སྐྱེ་དགུའི་བདག །སྲིད་པའི་འཁྲི་ཤིང་གིས་བཅིངས་སེམས་ཅན་གདུངས། །ང་ནི་གྲོལ་བྱེད་འཁྲི་ཤིང་དག་བྱེད་པ། །རླུང་ནི། མཚན་མ་
D480.084.0190b01.01རྣམ་པར་བསྒོམས་ནས་ནི། །མཚན་མ་མེད་པ་འདུས་མ་བྱས། །བྱང་སེམས་འཁྲི་ཤིང་ཞགས་པ་དག །འཐོར་བྱེད་དེ་བཞིན་རླུང་ཡིན་ནོ། །ང་ནི་དབང་ཕྱུག་ཆེན་པོ་སྟེ། རྡོ་རྗེ་ཚོགས་ཀྱི་བདག་པོ་ཆེན་པོ་བྱེད། །ང་ནི་སངས་རྒྱས་དབང་ཕྱུག་གཞན་ཅི་སྨོས། །བདུད་རྩི་ཆེན་པོ་
D480.084.0190b02.01ཐར་པའི་གྲོང་ཁྱེར་ཆེ། །ང་ནི་དབང་ཕྱུག་དབང་སྒྱུར་དབང་ཕྱུག་ཆེ། །ང་ནི་བརྟུལ་ཞུགས་ཞེས་བཤད་དེ། །ང་ནི་ཉོན་མོངས་འཇོམས་པར་བཤད། །ང་ནི་རྒ་དང་འཆི་བ་ལས། །ངེས་པར་གྲོལ་བས་ཚངས་པར་བཤད། །འཇིག་རྟེན་གསུམ་གྱི་ལུས་སུ་ནི། །ཞགས་པ་ཞེ་སྡང་
D480.084.0190b03.01གཏི་མུག་ནི། །ཁམས་གསུམ་འཇིག་རྟེན་གསུམ་ཡིན་ནོ། །ང་ནི་སྲུང་མ་བྲན་དུ་འགྱུར། །དེ་རྣམས་འབྱུང་བས་ཁམས་གསུམ་ང་། །གདོང་དྲུག་ནི། སངས་རྒྱས་རྡོ་རྗེ་རིན་ཆེན་དང་། །ཆོས་དང་ལས་དང་གསང་འཛིན་བཅས། །རྣམ་པ་དྲུག་ནི་འཁོར་ལོ་ཆེ། །ང་ནི་གདོང་
D480.084.0190b04.01དྲུག་མཆོག་ཆེན་པོ། །གཞན་ཡང་། བཟའ་དང་ཚོགས་སོགས་གང་ཡིན་པ། །ང་བདག་ཉིད་ཅེས་ཇི་ལྟར་རུང་བར་འགྱུར། །གང་ཞིག་གདོན་ལ་སོགས་པ་ཀུན། །སེམས་ལས་ཀུན་དུ་བྱུང་བའི་རླབས། །ང་ནི་ཐུགས་འཛིན་རྒྱལ་པོ་སྟེ། །དེ་བས་ང་ནི་སྲིད་པའི་གནས། །ང་
D480.084.0190b05.01ནི་འདོད་པ་སྟེ། ཐར་པའི་རང་བཞིན་གྲོང་ཁྱེར་ཆེ། །དགོངས་པ་མཐར་ཐུག་ང་ཡིས་བཤད། །ང་ནི་སེམས་ཅན་ཀུན་ལ་འདོད། །དེ་བས་ང་ནི་འདོད་པར་བཤད། །ཐར་པ་ང་སྟེ། ང་ཉིད་ཐར་ཅིང་སེམས་ཅན་ཀུན། །སོ་སོར་ཡང་ནི་གྲོལ་བར་བྱེད། །དེ་བས་རང་བྱུང་ང་ཉིད་ནི། །
D480.084.0190b06.01ཐར་པར་འཛིན་པའི་རྒྱལ་པོ་ཡིན། །ང་ནི་དམྱལ་བ་སྟེ། ང་ནི་བདག་དང་ཆོས་རྣམས་མིན། །ང་ནི་ཆགས་སྡང་ཀུན་དུ་བྲལ། །ང་ཡིས་འཆི་མེད་ལམ་བསྟན་པས། །ང་ནི་དམྱལ་བའི་དམྱལ་བ་པ། །ང་ནི་{ཡི་དགས་,ཡི་དྭགས་}ཏེ། མངོན་པར་འདོད་པ་ང་ཡིས་འཐོབ། །སེམས་ཅན་
D480.084.0190b07.01