完整藏文原文 · 德格版页 当前仅加载第 84 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཡིན་ཏེ། །བྱང་ཆུབ་སེམས་དཔའ་བརྟུལ་ཞུགས་བཟང་། །སངས་རྒྱས་ཀྱི་ཡང་དེ་ཉིད་ཡུལ། །ཆེན་པོ་གནས་གང་ཞིག་ན་གནས། །ཆོས་རྣམས་ཀུན་ལ་གནས་མེད་དེ། །རྩ་བ་མེད་སེམས་སྤྱོད་ཡུལ་ལོ། །ཆོས་རྣམས་ཐམས་ཅད་གཟུགས་ཅན་མིན། །ཆོས་
D480.084.0150a01.01ཀྱི་དབྱིངས་ཏེ་སྤྱོད་ཡུལ་མེད། །རིགས་ནི་རྣམ་པ་དུ་ཡིན་བརྗོད། །རྟག་དང་མི་འཁྲུགས་རིན་ཆེན་དབང་། །འོད་དཔག་མེད་པ་དངོས་གྲུབ་རྣམས། །རིགས་ནི་རྣམ་པ་བརྒྱར་གསུངས་ཏེ། །མདོ་རུ་བསྡུ་ན་རྣམ་པ་ལྔ། །སངས་རྒྱས་རྡོ་རྗེ་རིན་ཆེན་དང་། །ཆོས་དང་ལས་དང་རྣམ་པ་ལྔ། །
D480.084.0150a02.01ཅི་ཡི་ཕྱིར་ན་རིགས་སུ་བརྗོད། །མཆོག་དང་དམན་པའི་བྱེ་བྲག་གིས། །རིགས་ཞེས་བྱ་བ་དེ་རྣམས་གཉིས། །སེམས་ཅན་ལམ་ངན་ཞུགས་པ་ཡི། །རིགས་ནི་དམན་པ་ཡིན་པར་བརྗོད། །ལམ་ངན་འགྲོ་བ་སྤངས་ནས་ནི། །བྱང་ཆུབ་སེམས་ལ་འཇུག་པ་ཆོས། །དེ་བས་རྡོ་རྗེ་
D480.084.0150a03.01རིགས་བརྗོད་པ། །རིགས་དེ་ཡང་ནི་ལྔ་པ་ཡིན། །རིགས་བདག་རང་བཞིན་འདི་ཅི་ཞིག །བྱང་ཆུབ་སེམས་ནི་རྒྱལ་པོ་ཆེ། །རྡོ་རྗེ་སེམས་དཔའ་འཇིགས་པ་མེད། །མགོན་པོ་ཆེན་པོ་རིགས་ཀྱི་བདག །དེ་ནི་རིགས་ཀྱང་ལྔ་པ་ཡིན། །ཅི་ཡི་ཕྱིར་ན་སེམས་དཔར་བརྗོད། །སེམས་
D480.084.0150a04.01དཔའ་ཞེས་བྱ་རྣམ་གསུམ་སྟེ། །བྱིས་པ་དེ་བཞིན་མཁས་པ་དང་། །དེ་བཞིན་བྱང་ཆུབ་སེམས་དཔའ་དང་། །རྣམ་གསུམ་སེམས་དཔའ་བརྗོད་པར་བྱ། །ཡང་གསུངས་པ། ཅི་ཡི་ཕྱིར་ན་སེམས་དཔའ་བརྗོད། །སེམས་དཔའ་ཅི་ཡིན་བྱིས་པ་བརྗོད། །སེམས་དཔའ་མཁས་པ་
D480.084.0150a05.01ཅི་ཡི་ཕྱིར། །བྱང་ཆུབ་སེམས་དཔའ་ཅི་ཡིན་བརྗོད། །གནས་གང་ཞིག་ཏུ་བརྗོད་བྱ་བ། །དེ་ནི་དེ་ཡི་སེམས་དཔར་བརྗོད། །ཆོས་སམ་ཡང་ན་ཆོས་མིན་དང་། །ལེགས་བྱས་ཉེས་པར་བྱས་པ་ལ། །མི་ཤེས་མུན་པས་བསྒྲིབས་གྱུར་ཅིང་། །ཆོས་ལ་ཉོན་མོངས་བདག་ཉིད་འཛིན། །
D480.084.0150a06.01དམན་ཞིང་གཏི་མུག་རིགས་ཅན་གྱུར། །དེ་ལྟ་བུ་ནི་བྱིས་པར་བརྗོད། །ཉོན་མོངས་ཀུན་ལ་ཆགས་པ་དང་། །དེ་བཞིན་སྲིད་པ་ངན་སོང་གསུམ། །མི་ཤེས་མུན་པ་ལ་ཆགས་པ། །དེ་འདིར་བྱིས་པར་བརྗོད་པར་བྱ། །སེམས་དཔའ་མཁས་པ་གང་ཞིག་ཡིན། །དྲི་མ་ལས་འདས་
D480.084.0150a07.01