完整藏文原文 · 德格版页 当前仅加载第 84 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་རྣམ་པར་སྤང་། །རྟོག་དང་རྣམ་པར་རྟོག་པ་མེད། །སྡུག་བསྔལ་ཐམས་ཅད་ངེས་པར་གཅོད། །ཕུང་པོ་དང་ནི་སྐྱེ་མཆེད་ཁམས། །རྟོག་པ་རྡུལ་ཙམ་ཡོད་མ་ཡིན། །དེ་ལ་འདུས་བྱས་ཡོད་མ་ཡིན། །འདུས་བྱས་མིན་པ་ཉིད་ཀྱང་
D480.084.0228a01.01མེད། །སྐྱེས་པ་བུད་མེད་དག་ཉིད་མེད། །བདག་དང་སེམས་ཅན་རྣམ་རྟོག་མེད། །འདོད་ཆགས་ཞེ་སྡང་གཏི་མུག་མེད། །ཉོན་མོངས་ཉེ་བའི་ཉོན་མོངས་སྤངས། །དེ་ལྟ་བུ་ཡི་ཆགས་པ་ཡིས། །གང་དུ་རྡོ་རྗེ་ཅན་ཆགས་འགྱུར། །དེ་ལྟ་བུ་ཡི་སྦྱོར་བ་ཡིས། །རྡོ་རྗེ་
D480.084.0228a02.01སེམས་དཔའ་རྗེས་ཆགས་བྱ། །ཁ་ཡིའོ་ནི་མཆོག་དག་པ། །གསང་བའི་སྦྱོར་བས་རབ་བསྒྲུབ་བྱ། །ཨོཾ་མཧཱ་སུ་ཁ་བཛྲསཏྭ། རྗེས་སུ་ཆགས་པའི་ཆོ་ག་བསྟན། །དཔུང་པ་དམ་པོར་བསྡམ་བྱ་ཞིང་། །འདོད་ཆགས་ཆགས་པར་བསྟན་པ་ཡིས། །རྡོ་རྗེ་སེམས་
D480.084.0228a03.01དཔའ་རབ་འགྲུབ་འགྱུར། །ཆགས་པ་ལྔ་ལས་རྣམ་གྲོལ་བས། །འདོད་ལ་ཆགས་པར་མི་བྱ་ཞིང་། །བློ་ལྡན་ཆོ་གས་དགའ་བ་ཡིས། །དངོས་གྲུབ་ཐམས་ཅད་འགྲུབ་པར་འགྱུར། །རྡོ་རྗེ་སེམས་དཔའི་ཆོ་ག་ཡིས། །གསང་བ་ཐམས་ཅད་རབ་བསྟན་བྱ། །
D480.084.0228a04.01ཞི་བ་ཐམས་ཅད་མཉེས་བྱ་ཞིང་། །རྡོ་རྗེ་སེམས་སོགས་མཉེས་པར་བྱ། །སངས་རྒྱས་བྱང་ཆུབ་སེམས་དཔའ་འམ། །རྡོ་རྗེ་ཅན་དང་དགའ་ཆེན་པོ། །འདོད་ཆགས་ཆེན་པོ་འདི་ལྟ་བུས། །འགྲུབ་འགྱུར་འདི་ལ་ཐེ་ཚོམ་མེད། །ཨོཾ་སརྦ་རཱག་ར་ཏི་སུ་ཁ་ཡཱ་མི་ཧཱུཾ།
D480.084.0228a05.01མཆོག་ཏུ་གསང་བ་དམ་པ་མཆོག །གང་ཞིག་བྱས་ནས་གསང་བ་ཀུན། །བརྟགས་ནས་འགྲུབ་བར་འགྱུར་བ་ཡིན། །ལྷག་པར་ཤེས་རབ་ཅན་གྱིས་བསླབ། །མཚན་མ་བརྟན་པོར་རང་འགྲུབ་ནས། །པདྨའི་ལྟེ་བར་འདུག་བྱ་ཞིང་། །མཚན་མ་མཆོད་རྟེན་བྱིན་
D480.084.0228a06.01བརླབས་ནས། །རང་བདག་རྡོ་རྗེ་མཚུངས་པ་ཉིད། །མདོ་སྡེ་གསང་དབང་རྒྱལ་པོ་ལས། །དེ་ཡིས་ཤིན་ཏུ་གསང་ཚིག་གསུངས། །དེ་ནི་དགོངས་པས་གསུངས་པ་སྟེ། །དེ་ནི་དགོངས་པར་ཤེས་པར་བྱ། །མཚན་མ་ཕྱག་མཚན་ཞེས་བྱར་བརྗོད། །བརྟན་
D480.084.0228a07.01