完整藏文原文 · 德格版页 当前仅加载第 84 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད། །སངས་རྒྱས་ཐམས་ཅད་མཉེས་བྱེད་ཅིང་། །ལེགས་སོ་ཞེས་བྱ་རབ་སྟེར་བྱེད། །བྱང་ཆུབ་སེམས་དཔའ་ཀུན་མགུ་བྱེད། །དེ་ནི་རྡོ་རྗེ་ལེགས་པར་བརྗོད། །སེམས་ཅན་དག་པ་མགུ་བྱེད་ཅིང་། །རྡོ་རྗེ་འཆང་རྣམས་སྒྲུབ་པར་བྱེད། །སེམས་ཅན་
D480.084.0151a01.01མཁས་རྣམས་དགའ་བྱེད་ཅིང་། །གསང་བ་འཛིན་པ་རངས་པར་བྱེད། །ཆོས་དང་ལོངས་སྤྱོད་རྫོགས་སྐུའི་ཕྱིར། །བཅོམ་ལྡན་འདས་འདི་ཆོས་རྣམ་དྲུག །གང་གི་ཚེ་ནི་སྔོན་བསྒྲུབས་པ། །རྡོ་རྗེ་ལེགས་པར་ཡང་དག་བྱུང་། །རྡོ་རྗེ་རིན་ཆེན་ཅི་ཡི་ཕྱིར། །བྱང་ཆུབ་སེམས་
D480.084.0151a02.01དཔའི་སྦྱིན་པ་གང་། །མཁའ་མཉམ་རིན་ཆེན་ལྟ་བུ་སྟེ། །རྡོ་རྗེ་རིན་ཆེན་སྐལ་བ་ཆེ། །དེ་ནི་རྡོ་རྗེ་རིན་ཆེན་བརྗོད། །སེམས་དཔའ་ཆེན་པོའི་དབང་བསྐུར་ཏེ། །སེམས་ཅན་ཀུན་གྱི་དབང་བསྐུར་བ། །བྱང་ཆུབ་སྙིང་པོའི་དབང་བསྐུར་གྱིས། །རྒྱལ་བའི་སྲས་རྣམས་འཛིན་པར་བྱེད། །
D480.084.0151a03.01སངས་རྒྱས་ཀུན་གྱི་སྦྱིན་པ་གང་། །མཁའ་མཚུངས་རྡོ་རྗེ་ཡང་དག་བྱུང་། །དེ་ནི་རིན་ཆེན་དོན་ཡོད་དེ། །དེ་ནི་རྡོ་རྗེ་རིན་ཆེན་བརྗོད། །རྡོ་རྗེ་གཟི་བརྗིད་ཅི་ཡིན་བརྗོད། །མ་རིག་ལིང་ཏོག་འཁོར་བ་ཡི། །མི་ཤེས་མུན་པ་འཇོམས་བྱེད་ཅིང་། །ཐར་བའི་སྣང་བ་གཟི་བརྗིད་ཆེ། །དེ་ནི་རྡོ་རྗེ་
D480.084.0151a04.01གཟི་བརྗིད་བརྗོད། །ཅི་ཕྱིར་རྡོ་རྗེ་རྒྱལ་མཚན་ཡིན། །རྒྱལ་མཚན་སངས་རྒྱས་ཀུན་རང་བཞིན། །ཐར་པའི་ལམ་འགྲོ་རྒྱལ་མཚན་ཏེ། །ཆོས་ཀྱི་རྒྱལ་མཚན་རྒྱལ་མཚན་ཆེ། །དེ་ནི་རྡོ་རྗེ་རྒྱལ་མཚན་བརྗོད། །རྡོ་རྗེ་བཞད་པ་ཅི་ཡིན་བརྗོད། །རྣལ་འབྱོར་ཆེན་པོ་རྡོ་རྗེ་བཞད། །སངས་
D480.084.0151a05.01རྒྱས་ཐམས་ཅད་བཞད་བྱེད་ཅིང་། །བྱང་ཆུབ་སེམས་དཔའ་ཀུན་དབུགས་འབྱིན། །དེ་ནི་རྡོ་རྗེ་བཞད་པར་བརྗོད། །ཅི་ཡི་ཕྱིར་ན་རྡོ་རྗེ་ཆོས། །རྣལ་འབྱོར་ཆེན་པོ་སངས་རྒྱས་ཆོས། །སངས་རྒྱས་སེམས་ཅན་རྟོགས་བྱེད་པ། །དག་པ་དེ་བཞིན་གཤེགས་སྙིང་པོ། །དེ་ནི་རྡོ་རྗེ་ཆོས་སུ་
D480.084.0151a06.01བརྗོད། །རྡོ་རྗེ་རྣོན་པོ་ཅི་ཡིན་བརྗོད། །ཤེས་རབ་རྣོན་པོ་ཡེ་ཤེས་ཆེ། །ཤིན་ཏུ་སྡུག་པའི་ཉོན་མོངས་གཅོད། །ཤེས་བྱའི་སྒྲིབ་པའང་གཅོད་པས་ན། །དེ་ནི་རྡོ་རྗེ་རྣོན་པོར་བརྗོད། །རྡོ་རྗེ་རྒྱུ་ཡི་དོན་ཅི་ཞིག །འཁོར་ལོ་སངས་རྒྱས་གར་བྱེད་པས། །ཆོས་ཀྱི་འཁོར་ལོ་ཤིན་ཏུ་བརྟེན། །
D480.084.0151a07.01