完整藏文原文 · 德格版页 当前仅加载第 84 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་མ་རིན་ཆེན་དང་། །པདྨ་དང་ནི་ལས་ཤེས་བྱ། །ཀུན་ནས་མཚམས་རྣམས་དག་ཏུ་ནི། །ཕྱག་རྒྱ་དམ་བཅས་དེ་དག་བཟུང་། །དཀྱིལ་འཁོར་ཐམས་ཅད་ཀྱི་རྒྱལ་པོ་ལས་ཆ་གཉིས་པ་རྫོགས་སོ། །ཤར་ཕྱོགས་ཀྱི་ཆའི་དཀྱིལ་འཁོར་ཡང་རྫོགས་སོ།། །།
D480.084.0174a01.01དབུས་ཀྱི་དཀྱིལ་འཁོར་འཁོར་ལོ་ཡི། །ཀ་བའི་ཕྱི་རོལ་དཀྱིལ་འཁོར་དུ། །སྒེག་མོ་ཕྲེང་བ་དེ་བཞིན་གླུ། །གར་མ་ལྷ་མོ་ཕྱག་རྒྱ་བཅས། །ཤར་གྱི་རྡོ་རྗེ་རིགས་ཉིད་ལ། །ཕྱི་རོལ་གནས་སུ་དེ་བཞིན་ཉིད། །ཉི་མ་ལ་བསྐྱེད་བཞི་པོ་ནི། །རྡོ་རྗེ་ལྷ་མོས་ཡོངས་སུ་བཟུང་། །རྡོ་རྗེའི་
D480.084.0174a02.01དཀྱིལ་འཁོར་སྦྱོར་འབྱུང་བ། །ཡི་གེ་ཧཱུྃ་ནི་ཀུན་ཏུ་དགོད། །དེ་བཞིན་སངས་རྒྱས་རིགས་རྒྱལ་པོ། །ཡི་གེ་ཧཱུྃ་ནི་འདིར་བརྗོད་དོ། །ཕྱག་རྒྱ་རང་གི་ཡན་ལག་འགྱུར། །རྡོ་རྗེའི་ཕྱག་རྒྱ་ཡོངས་སུ་གཟུང་། །ཕྱག་རྒྱ་ཐམས་ཅད་རབ་སྦྱོར་བས། །དེ་དག་གསང་ཞིང་མཆོག་
D480.084.0174a03.01གསང་བཤད། །དཀྱིལ་འཁོར་ཐམས་ཅད་ཀྱི་རྒྱལ་པོ་དཀྱིལ་འཁོར་ཆེན་པོ་མཆོག་ཏུ་གསང་བ་ཞེས་བྱ་བ་ལས་རྡོ་རྗེ་རིགས་ཆེན་པོ་ཞེས་བྱ་བ་རྫོགས་སོ།། །།ལྷོ་ཡི་རིན་ཆེན་དཀྱིལ་འཁོར་དུ། །རྡོ་རྗེ་ཤུགས་ཀྱིས་སོང་ནས་ཀྱང་། །དེ་རུ་ཕུན་ཚོགས་དཀྱིལ་འཁོར་
D480.084.0174a04.01གྱི། །འཁོར་ལོ་ལྔ་པོ་དགོད་པར་བྱ། །དེ་ཡི་དཀྱིལ་འཁོར་འཁོར་ལོ་ལ། །སངས་རྒྱས་གཟུགས་ནི་དགོད་པར་བྱ། །རིན་ཆེན་ཆེན་པོ་རྟ་ལ་བཅིབས། །སངས་རྒྱས་ཉི་མ་དེ་བཞིན་གཤེགས། །འབར་བའི་ཕྲེང་བས་ཁྱབ་པའི་སྐུ། །འོད་ཟེར་ཕྲེང་བས་ཀུན་ཏུ་ཁྱབ། །རིན་
D480.084.0174a05.01ཆེན་ཕྲེང་བ་མཆོག་འཛིན་པའི། །རྒྱན་རྣམས་ཐམས་ཅད་ཀྱིས་བརྒྱན་པ། །སོ་ཡི་ཕྲེང་བ་རབ་བཞད་ཅིང་། །སོ་ཡི་ཕྲེང་བའི་ཕྱག་རྒྱར་ལྡན། །མཐེ་བོའི་རྩེ་མོ་རྒྱལ་མཚན་འཛིན། །ཉི་མའི་དབུས་ན་སངས་རྒྱས་ཆེ། །ཟླ་བ་ལྟ་བུའི་བདུད་རྩིའི་སྐུ། །རྡོ་རྗེ་རིན་ཆེན་སྐལ་བ་ཆེ། །
D480.084.0174a06.01རྡོ་རྗེ་ཉི་མའི་རིགས་མཆོག་གོ། །དེ་ཡི་ཕྱོགས་རྣམས་ཐམས་ཅད་དུ། །རིན་ཆེན་སེམས་དཔའ་པདྨ་དང་། །དེ་བཞིན་རྡོ་རྗེ་ལས་ཉིད་དོ། །རྒྱན་རྣམས་ཐམས་ཅད་ཀྱིས་སྤྲས་པ། །འཁོར་ལོས་སྒྱུར་བས་རྣམ་པར་བརྒྱན། །རིན་ཆེན་ཆེན་པོ་རིགས་ལས་བྱུང་། །ནོར་བུའི་རྡོ་རྗེ་ཉི་
D480.084.0174a07.01