完整藏文原文 · 德格版页 当前仅加载第 84 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པས་འདིར་ནི་ཁྲུས་བྱའོ། །གོས་ནི་ལན་གསུམ་བརྗེ་བ་ཡི། །སྒྲུབ་པ་པོས་ནི་ཆོ་ག་བྱ། །སྡོམ་པ་ལ་ནི་ལེགས་གནས་པ། །གོས་ནི་དང་པོར་བརྗེ་བ་དང་། །གཉིས་པ་ཆོ་ག་བསྒྲུབ་པ་དང་། །གསུམ་པ་ངོ་ཚ་ཁྲེལ་ཡོད་པ། །གཙང་མའི་གོས་ནི་གསུམ་པོ་
D480.084.0200b01.01དག །ལན་གསུམ་དུ་ནི་བརྗེ་བར་བྱ། །གང་ལ་ཁ་ན་མ་ཐོ་མེད། །ཐམས་ཅད་བཟའ་ཞིང་བསྟེན་པར་བྱ། །ཤ་དང་ཆང་དང་སྒོག་པ་སོགས། །བཟའ་བ་མིན་པ་རྣམ་པར་སྤང་། །དྲི་ང་བ་དང་མི་གཙང་ཉིད། །བཟའ་དང་བཏུང་བ་རྣམ་པར་སྤང་། །གཞན་ལ་གནོད་
D480.084.0200b02.01པ་དང་ལྡན་པ། །ལུས་ཀྱི་ཕྱིར་ཡང་བྱ་བ་མིན། །འཁྲིག་པ་བདུན་དང་ཡང་དག་ལྡན། །མི་སྡུག་སྒོམ་པས་སྤང་བར་བྱ། །ཡིད་གཞུངས་མཁས་ཤིང་གསལ་བ་དང་། །ཐེག་པ་ཆེན་པོའི་དོན་སེམས་པ། །བྱང་ཆུབ་སེམས་དཔའི་ཚུལ་རྒྱ་ཆེ། །ཤེས་རབ་ཕ་རོལ་
D480.084.0200b03.01ཕྱིན་ལ་སོགས། །ཀློག་པ་དང་ནི་བསམ་པ་དང་། །ཡང་དང་ཡང་དུ་གསོལ་བ་གདབ། །དགྲ་དང་གྲོགས་དང་བར་མ་ལ། །སེམས་སྙོམས་མི་འཇིགས་རབ་ཏུ་བྱིན། །སྙན་ཅིང་བདེན་པར་སྨྲ་བ་ཡིས། །ཞེ་སྡང་འཇོམས་བྱེད་བྱམས་པ་བསྒོམ། །ཆོས་དང་གང་
D480.084.0200b04.01ཟག་བདག་མེད་ཅིང་། །འདུས་བྱས་དང་ནི་འཁྲུལ་པ་ཙམ། །བློ་ལྡན་བརྟན་པས་བརྟག་པར་བྱ། །འདུས་བྱས་ཀུན་ལ་རྨོངས་མི་བྱ། །འཚོ་བའི་སྲོག་གི་ཕྱིར་ཡང་ནི། །བྱང་ཆུབ་སེམས་ནི་དོར་མི་བྱ། །རྡོ་རྗེ་དྲིལ་བུ་ཕྱག་རྒྱ་རྣམས། །ནམ་ཡང་དོར་བར་མི་བྱའོ། །
D480.084.0200b05.01བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བྱ་གཞན། །སློབ་དཔོན་ལ་ནི་བརྙས་མི་བྱ། །བླ་མ་སངས་རྒྱས་ཀུན་དང་མཉམ། །སྦྱོར་བ་ལྷོད་པར་མི་བྱ་ཞིང་། །ཆོ་ག་སྟོན་པ་ལྷུར་བླང་བྱ། །ཕ་རོལ་ཕྱིན་དྲུག་སྤྱོད་པ་ལ། །{གོ་རིམས་,གོ་རིམ་}བཞིན་དུ་བསླབ་པར་བྱ། །
D480.084.0200b06.01སེམས་ཅན་གྱི་ནི་དོན་ལྡན་པས། །བྱང་ཆུབ་སེམས་དཔའི་སྤྱོད་པ་སྤྱད། །ཁ་ན་མ་ཐོ་ཆུང་ངུ་ཡང་། །སྲོག་ནི་བཏང་སྙོམས་དོར་མི་བྱ། །ཁྱིམ་པའམ་རབ་ཏུ་བྱུང་བའང་རུང་། །འདྲིས་པ་ཐམས་ཅད་རྣམ་པར་སྤང་། །བུ་དང་ཆུང་མ་དག་ལ་ཡང་། །སྲིད་པའི་བཅིང་བ་ལས་གྲོལ་
D480.084.0200b07.01